ក្រោយពេលដែលមានហេតុការណ៌អគី្គភ័យមួយ បានឆាបឆេះកុដិមួយខ្នង ក្នុងវត្តកណ្តាល ស្ថិតនៅក្នុងឃុំអង្គរាជ្យ ស្រុកព្រះ ស្តេច ខេត្តព្រៃវែង ដែលគេស្គាល់ថា ជាកុដិរបស់ព្រះគ្រូចៅអធិការវត្តនោះ ស្រាប់តែនៅថ្ងៃទី ១៣ ខែតុលា ឆ្នាំ ២០១៩ នេះ គេបានឃើញគណនីហ្វេសប៊ុករបស់ព្រះតេជគុណ សុក ប៊ុនយ៉ុម បានសរសេរបង្ហោះករណីឆេះកុដិថា ឆេះអស់កុដិវត្តកណ្តាល ហើយជីវិតខ្ញុំ សល់លុយ១៥000៛ សល់ហង់សាក់ សំពត់ងូតជាប់ខ្លួន!.. ២២ឆ្នាំជីវិតអ្នកបួសសំពាវនាវសប្បុរសជននានា!!! ជួយអាត្មាផង!.. ក្នុងនោះដែរព្រះតេជគុណសរសេរទៀតថា ទឹកប្រាក់គេផ្ញើរ១៦.៥០០ $ និងប្រាក់ខ្មែរ ៥លានរៀល ហើយទឹកប្រាក់ផ្ទាល់ខ្លួន ១១,៥០០,០០០រៀល ព្រមនឹងប្រាក់ដុល្លា ៦.០០០ ជីវិតបួស២២ឆ្នាំ ។ការបង្ហោះតាមគណនីហ្វេសប៊ុករបស់ព្រះតេជគុណ សុក ប៊ុនយ៉ុម នេះ គឺបានធ្វើឲ្យអ្នកតាមដានព័ត៌មាននៅលើបណ្តាញសង្គម ហ្វេសប៊ុកជាច្រើនលើកឡើងថា ហេតុអ្វីបានជាព្រះសង្ឃរក្សាទុកលុយផ្ទាល់ខ្លួនអីក៏ច្រើនយ៉ាងនេះ មួយវិញទៀត ព្រះតេជគុណ អង្គនេះ សរសេរថា ជីវិតបួស២២ឆ្នាំ សន្សំលុយបានចំនួននោះ វាអាចធ្វើពុទ្ធបរិស័ទមួយចំនួន មានការយល់ច្រឡំថា ព្រះសង្ឃបួសសន្សំទ្រព្យទៅវិញ ខុសឆ្ងាយពីពុទ្ធឧិវាទដែលលើកឡើងថា ព្រះសង្ឃសាងភ្នួស គឺអស់កិលេសតណ្ហា មិនមានសេចក្តី លោភ សន្សំលាភឡើយ ។សូមបញ្ជាក់ថា ករណីអគ្គីភ័យមួយបានឆាបឆេះកុដិមួយ នៅក្នុងវត្តកណ្តាល ស្ថិតនៅភូមិលឹង្គ ឃុំអង្គរាជ្យ ស្រុកព្រះស្តេច ខេត្ត ព្រៃវែង កាលពីវេលាម៉ោងប្រហែល៩ និង១០នាទី យប់ថ្ងៃសៅរ៍ទី១២ ខែតុលា ឆ្នាំ២០១៩ ម្សិលមិញនេះ ហើយបើតាមប្រភពពី សមត្ថកិច្ចបានឲ្យដឹងថា ករណីនេះត្រូវបានផ្តើមចេញពីការផ្ទុះសេខ្សែរភ្លើង នៅក្នុងកុដិ ធ្វើឲ្យឆាបឆេះបង្កជាអគ្គីភ័យឆេះរហូត គ្មានសល់អ្វី។ប្រភពបានបន្តថា នៅពេលអគ្គីភ័យឆាបឆេះនេះផងដែរ កម្លាំងសមត្ថកិច្ចស្រុក និងអាជ្ញាធរមូលដ្ឋាន បានរួមសហការគ្នាពន្លត់ ភ្លើងបានទាំងស្រុង ដោយប្រើរថយន្តពន្លត់អគ្គីភ័យ នៃអធិការដ្ឋានស្រុក ចំនួនពីរឡាន ប៉ុន្តែទោះជាយ៉ាងណាកុដិមួយនេះត្រូវបានឆេះទាំងស្រុង ដោយសារកុដិនេះ ជាកុដិឈើមានសភាពចាស់ ហើយជាប់សោរ ទើបសមត្ថកិច្ចមិនអាចសង្គ្រោះកុដិនេះ បានទាន់ពេល ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា