ទោះជាយ៉ាងណា តាមប្រភពពីសមត្ថកិច្ចក្នុងខេត្តព្រះសីហនុ បានឲ្យដឹងថា អស់រយ:ពេល៣ថ្ងៃមកហើយ គឺចាប់រាប់ពីថ្ងៃទី ២៤ខែតុលា ឆ្នាំ២០១៩ មកនេះ អាជ្ញាធរខេត្តព្រះសីហនុ នៅមិនទាន់អាចរកនារីជនជាតិអង់គ្លេសឈ្មោះ Amelia Bambridge បានឃើញវិញនៅឡើយទេ ដោយបានត្រឹមតែរកឃើញកាបូបដៃ កាបូបលុយ ទូរស័ព្ទ និងកាតធនាគាររបស់នាង នៅឆ្នេក្បែរនោះប៉ុណ្ណោះ ។នារីជនជាតិអង់គ្លេសឈ្មោះ Amelia Bambridge មានអាយុ២១ឆ្នាំ បានបាត់ខ្លួនលើកោះរ៉ុង បន្ទាប់ពីគេបានឃើញនារីរូបនោះនៅពេលចុងក្រោយ វេលាម៉ោង៣ និង៣០នាទីទៀបភ្លឺ ថ្ងៃទី២៤ ខែតុលា ឆ្នាំ ២០១៩ ក្នុងពិធីជប់លាងមួយនៅកោះរ៉ុង ក្រោយ មកក៏បាត់ដំណឹងសូន្យតែម្តង ។ បើយោងតាមគេហទំព័រហ្វេសប៊ុកមួយដែលមានឈ្មោះថា ប្រជាជន ខេត្ដព្រះសីហនុ បានសសេរនាព្រឹកថ្ងៃទី២៧ ខែតុលា ឆ្នាំ២០១៩នេះថា៖ អាជ្ញាធរខេត្តព្រះសីហនុ បាននឹងកំពុងបន្តតាមស្វែងរកនារីជនជាតិអង់គ្លេស ដែលបាត់ខ្លួននៅលើកោះរ៉ុង នេះយ៉ាងយកចិត្ដទុកដាក់ជាទីបំផុត ។ ក្នុងនោះដែរ លោក គួច ចំរើន អភិបាលខេត្តព្រះសីហនុ លោក នី ផល្លី អគ្គលេខា ធិការ គណៈកម្មាធិការគ្រប់គ្រងនិងអភិវឌ្ឍន៍ឆ្នេរសមុទ្រកម្ពុជា លោក ថោង លីម អគ្គស្នងការរងនគរបាលជាតិ និងមន្ត្រី ថ្នាក់ដឹកនំាតាមមន្ទីរអង្គភាពជុំវិញខេត្តជាច្រើននាក់ទៀតផងដែរ ។ ចំពោះមុខនេះកម្លាំងគ្រប់ផ្នែកកំពុងស្វែងរកតាមទីតាំងផ្សេងៗ តាមដងព្រៃភ្នំ ដងព្រែក តាមឆ្នេរខ្សាច់ ឆ្នេរថ្ម និងកន្លែងដែល នារីនោះបានទៅលេងរួមទាំងក្រុមមុជទឹក (diving) ផងដែរ ។ទោះជាយ៉ាងណាក្តី ប្រជាពលរដ្ឋជាច្រើនដែលរស់នៅក្នុងខេត្តព្រះសីហនុ សង្ឃឹមថា លោក គួច ចំរើន អភិបាល នៃគណៈអភិបាលខេត្តព្រះសីហនុ លោកពិតជាអាចរកឃើញនារីជនជាតិអង់គ្លេសនេះ ឲ្យបានឆាប់ ពីព្រោះថា នៅពេលដែលអាជ្ញាធរដែនដីអាចរកឃើញនារីបរទេសនេះវិញ វាគឺជាសក្ខីភាពមួយបង្ហាញឲ្យភ្ញៀវទេសចរណ៌បរទេសទាំងអស់ បានឃើញយ៉ាងច្បាស់ អំពីការខិតខំរបស់អាជ្ញាធរសមត្ថកិច្ចកម្ពុជា ថាពិតជាផ្តល់ភាពកក់ក្តៅជូនដល់ពួកគាត់យ៉ាងពិតប្រាកដ ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា