បន្ទាប់ពីថ្នាក់ដឹកនាំក្រុមកាងារថ្នាក់ខេត្ត នឹងស្រុកអញ្ជើញឡើងទៅត្រួតពិនិត្យកំណាត់ផ្លូវបេតុង១ខ្សែរ ឡើងទៅផ្សារច្រកតំបន់ អានសេះ ដែលរងការបាក់ច្រោះដាច់ ដោយសារជំនន់ទឹកភ្លៀងពីសំណាក់ លោក ប្រាក់ សុវណ្ណ អភិបាល នៃគណៈអភិបាល ខេត្តព្រះវិហារ នាថ្ងៃទី១៨ ខែតុលា ឆ្នាំ២០១៩ កន្លងទៅនេះ នឹងដោយទទួលបាននូវកាលើកឡើងរបស់លោក ជា គឹម សេង អភិបាល នៃគណៈអភិបាលស្រុកជាំក្សាន្ត លើកឡើងលើបញ្ហាទង់ជាតិខាងភាគីកម្ពុជា ដែលមានទីតាំងនៅមុខរូបសំណាក់ លោកតា អ៊ុ ច្រកផ្សារតំបន់អានសេះថា រហែកដាច់ នឹងពុកផុយ គុលបង្គោលដងទងជាតិ ផងនោះ ។

លោកក៏បានឯកភាព នឹងទទួលយកនូវការលើកឡើងរបស់លោក ជា គឹម សេង អភិបាលស្រុកជាំក្សាន្ត ដើម្បីសុំដាក់ដងទង ជាតិ នឹងទងជាតិថ្មី ជំនួសទងជាតិចាស់ ដែលរហែកនឹងពុកដងនោះ ។ លោកអភិបាលខេត្ត ក៏បានចាត់តាំងឲ្យលោក ជា គឹម សេង អភិបាលស្រុកជាំក្សាន្ត ចុះផ្ទាល់ដើម្បីដឹកនាំកំលាំងក្រុមយុវជនស្រុក ឡើងទៅផ្លាស់ប្តូរបង្គោលដងទងជាតិ នឹងប្តូរទង់ ជាតិខាងលើនេះ ដាក់ថ្មីវិញផងដែរ ។

គួរបញ្ជាក់ផងដែរថា កាលពីមុនដងទងជាតិខាងលើនេះ គឺធ្វើអំពីឈើតែប្តូរថ្មីនាពេលនេះ ដោយដាក់ដែក អ៊ីណុក ជំនួសឈើ វិញ លោកអភិបាលស្រុកក៏បានបញ្ជាក់ផងដែរថា ដោយកាលពីមុនដងទង់ជាតិ ដែលធ្វើអំពីឈើនេះ គឺមានកំពស់ត្រឺមតែ៣ ម៉ែត្រនោះទេ តែដងទង់ជាតិដែលធ្វើប្តូរដាក់ថ្មីធ្វើអំពីដែក អ៊ីណុកដាក់នាពេលបច្ចុប្បន្ននេះ គឺលោកបានធ្វើរហូតដល់ទៅ៩ម៉ែត្រ ឯណោះ។

សូមបញ្ជាក់ផងដែរថា ការផ្លាស់ប្តូរដងទង់ជាតិ នឹងប្តូរទង់ជាតិខាងលើនេះ គឺបានធ្វើឡើងនៅល្ងាចថ្ងៃទី២៨ ខែតុលា ឆ្នាំ ២០១៩ នេះ ក្រោមការដឹកនាំផ្ទាល់ដោយលោក ជា គឹមសេង អភិបាលស្រុកជាំក្សាន្ត ។ លោកអភិបាលស្រុក ក៏បានលើក ឡើងផងដែរថា ដោយកាលពីមុនទង់ជាតិ ដែលបានដាក់នៅខាងមុខរូបសំណាក់លោកតាអ៊ុ នៅលើច្រកផ្សារតំបន់អានសេះ ជាប់នឹងព្រំដែនកម្ពុជាថៃនេះ គឺមានតែស្លាកសញ្ញាទង់ជាតិ នៃព្រះរាជាណាចក្រកម្ពុជា នោះទេតែទង់ជាតិដែលលោកនឹងលើក ដាក់ថ្មីនាពេលនេះ គឺលោកបានដាក់នូវទង់ជាតិ ដែលមានអត្តញាណសំខាន់ៗទាំង៣ របស់ព្រះរាជាណាចក្រកម្ពុជាតែម្តង ក្នុងនោះមានបាវចនា ទាំង៣ទង់ ជាតិ សាសនា ព្រះចៅក្រុងកម្ពុជា ផងដែរ ៕