នៅក្រោយពេលដែលផេកហ្វេសប៊ុករបស់លោក សម រង្សី បានបង្ហោះព័ត៌មានកាលពីថ្ងៃទី ៣០ ខែកញ្ញា ឆ្នាំ ២០១៩ ដោយ បានបញ្ជាក់ជាសំណេថា ស្ថាប័នអប់រំជាតិរបស់សហរដ្ឋអាមេរិក ដែលផ្តល់ជូនដល់និស្សិតបញ្ញវ័ន អ្នកដែលបានចូលសិក្សា
គឺមាន២ ក្នុងនោះបញ្ជាក់ថា ប្រភេទទី១ ជាស្តង់ដាពិតប្រាកដ និងកម្រិតខ្ពស់ គឺគេផ្តល់ជូនជនជាតិអាមេរិក និងប្រភេទទី២ ជាស្តង់ដា ទាបជាងជនជាតិគេ គឺផ្តល់ជូនដល់និស្សិតដែលជាពលរដ្ឋបណ្តាប្រទេសដ៏ទៃ មិនមែនជាជនជាតិអាមេរិក ។

សំណេតាមរយៈផេកហ្វេសប៊ុកលោក សម រង្សី នេះ គឺពិតជាធ្វើឲ្យពិភពលោកមានការភ្ញាក់ផ្អើលណាស់ ពីព្រោះថា ពលរដ្ឋ គ្រប់ប្រទេស ម្នាក់ៗតែងមានជំនឿទៅលើស្ថាប័នអប់រំជាតិរបស់សហរដ្ឋមេរិក ថាជាស្ថាប័នដ៏មានតម្លៃបំផុត ពីព្រោះថាសហ
រដ្ឋអាមេរិក គឺតែងអះអាងថា ខ្លួនជាបីតាប្រជាធិបតេយ្យ ជាគ្រឹៈនៃសិទ្ធិមនុស្ស ជាពិសេសវិស័យអប់រំជាតិរបស់សហរដ្ឋអាមេរិក មិនមែនជាស្ថាប័នផ្តល់ចំណេះដឹង ក្នុងលក្ខណៈបោកប្រាស់នោះឡើយ គ្រប់ប្រទេសទាំងអស់ អ្នកដែលចូលទៅសិក្សានៅ ប្រទេសអាមេរិក ម្នាក់ៗនៅពេលត្រឡប់ទៅកាន់ប្រទេសខ្លួនវិញ គឺតែងសង្ឃឹមថា នឹងយកចំណេះដឹងទាំងនោះ ទៅបណ្តុះ បណ្តាលដល់ពលរដ្ឋក្នុងប្រទេសខ្លួនបន្ត ឲ្យបានដឹងពីរបៀបការអប់រំជាតិរបស់សហរដ្ឋអាមេរិក ប៉ុន្តែសំណេរបស់លោក សម រង្សី ពិតជាធ្វើបណ្តាប្រទេស មានការភ្ញាក់ផ្អើលយ៉ាងខ្លាំង ។

លោក ហួន រាជចំរើន ប្រធានគណបក្សខ្មែរអភិវឌ្ឍន៌សេដ្ឋកិច្ច បានប្រាប់ខ្លាប៉ុស្តិ៍ឲ្យដឹងថា ការលើកឡើងរបស់រូប
លោក សម រង្សី គឺចង់បង្អាប់ដល់លោក ហ៊ុន ម៉ាណែត កូនប្រុសរបស់លោកនាយករដ្ឋមន្ត្រី ហ៊ុន សែន ថា ទទួលបានសញ្ញា
ប័ត្រពីសហរដ្ឋអាមេរិក ជាសញ្ញាប័ត្រប្រភេទទី២ កម្រិតទាបជាងស្តង់ដារបស់សញ្ញាប័ត្រពលរដ្ឋអាមេរិក ប៉ុន្តែសំណេរបស់ រូបលោក សម រង្សី ដែលអះអាងនៅលើបណ្តាញសង្គមរបស់ខ្លួន ក៏កំពុងបានបង្ហាញថា ស្ថាប័នអប់រំជាតិរបស់សហរដ្ឋអាមេរិក
គឺក្លែងក្លាយ និងបោកប្រាសបណ្តាប្រទេសទាំងអស់ ដែលបញ្ជូនក្រុមគ្រួសារឲ្យទៅសិក្សាហើយ ។

លោក ហួន រាជចំរើន បានបញ្ជាក់ថា រូបលោកនឹងដាក់សំណើមួយទៅស្ថានទូតសហរដ្ឋអាមេរិកប្រចាំនៅព្រះរាជាណាចក្រ កម្ពុជា សុំឲ្យធ្វើការបំភ្លឺជាលាយលក្ខអក្សរមួយ អំពីវិស័យអប់រំជាតិរបស់ប្រទេសសហរដ្ឋអាមេរិក ដើម្បីឲ្យពលរដ្ឋខ្មែរទូទាំង ប្រទេសបានដឹងផង ពីព្រោះថាពលរដ្ឋខ្មែរច្រើនណាស់ដែលមានជំនឿជឿជាក់ បញ្ជូនកូនឲ្យទៅសិក្សានៅប្រទេសសហរដ្ឋ អាមេរិក ដោយម្នាក់ៗចំណាយលុយកាក់ច្រើនណាស់ ហើយបើដូចសម្តី និងសំណេរបស់លោក សម រង្សី ពិតមែន គឺវិស័យ អប់រំជាតិរបស់សហរដ្ឋអាមេរិក គឺក្លែងក្លាយ និងបោកពលរដ្ឋគ្រប់ប្រទេស ជាក់មិនខាន ៕