យុវតីម្នាក់ជិះទូកលេងជាមួយយុវជន២នាក់ កម្សាន្តលេងយ៉ាងសប្បាយ ស្រាប់តែចៃដន្យលិចទូក លង់ទឹកស្លាប់ខណៈយុវជន២នាក់ទៀត បានហែលរួចរត់ទៅប្រាប់គេឯង បង្កឲ្យមានការភ្ញាក់ផ្អើលនៅវេលាម៉ោង៤និង៤០នាទីល្ងាច ថ្ងៃអង្គារ ទី៨ ខែតុលា ឆ្នាំ២០១៩ ត្រង់ចំណុចក្នុងបឹង កន្លែងដាក់បែរត្រី ក្នុងភូមិតាគរ សង្កាត់សំរោងកណ្តាល ខណ្ឌព្រែកព្នៅ រាជធានីភ្នំពេញ ។តាមប្រភពបានឲ្យដឹងថា សពជនរងគ្រោះមានឈ្មោះ ពេជ្រ លាងហេង ភេទស្រី អាយុ១៧ឆ្នាំ ជនជាតិខ្មែរ មុខរបរនៅផ្ទះ មានទីលំនៅបច្ចុប្បន្ន ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ មុនពេលកើតហេតុ គេឃើញយុវតីរងគ្រោះជិះទូកលេងជាមួយយុវជន២នាក់ តាមទឹកបឹងខាងលើបានមួយសន្ទុះ ក៏ឃើញយុវជន២នាក់ដែលជិះទូកជាមួយនាងបានហែលទឹកមកដល់គោកវិញ ហើយរត់មកប្រាប់ថា លិចទូកតែមិនឃើញនារីរងគ្រោះហែលមកវិញទេ ទើបបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះមកជួយអន្តរាគមន៍ រាវរកយុវតីរងគ្រោះ រហូតដល់ម៉ោង៥ជាងល្ងាច ទើបឃើញសាកសពទាំងអាក្រាតកាយ ផ្នែកខាងក្រោម ។ករណីនេះក្រុមគ្រួសារអះអាងថា នារីរងគ្រោះចេះហែលទឹក ហេតុអីក៏ត្រូវលង់ទឹក ហើយអក្រាតកាយទៀត ទើបស្នើសុំសមត្ថកិច្ចជួយពិនិត្យ ក្រែងករណីនេះជារឿងរំលោភសម្លាប់ តែដោយរង់ចាំសមត្ថកិច្ចជំនាញយូរពេក មិនឃើញមកក៏នាំគ្នាយកសាកសពនារីរងគ្រោះទៅមណ្ឌសុខភាពឬស្សីកែវ ដើម្បីឲ្យគ្រូពេទ្យពិនិត្យនិងធ្វើកោសល្យវិច័យរកការពិត។ក្រោយមកខាងគ្រូពេទ្យបានបញ្ជាក់ប្រាប់ថា នារីរងគ្រោះពិតជាបាត់បង់ជីវិតដោយសារលង់ទឹកប្រាកដមែន តែទោះជាយ៉ាងណា ខាងសមត្ថកិច្ចនៅតែបន្តស្រាវជ្រាវបន្ថែមទៀត ។ ចំណែកសាកសពត្រូវបានក្រុមគ្រួសារយកទៅតម្កល់នៅវត្តទួលធ្វើបុណ្យតាមប្រពៃណីហើយ ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា