ថ្មីៗនេះ មានការសំណូមពរពីបងប្អូនប្រជាពលរដ្ឋតាមរយៈសារ មកកាន់ការិយាល័យទូរទស្សន៌កែវភ្នែកថា ពួកគាត់ជាច្រើន គ្រួសារបច្ចុប្បន្ននេះ កំពុងមានការលំបាកជាខ្លាំងណាស់ ព្រោះតែផ្លូវក្នុងភូមិដែលពួកគាត់ប្រើប្រាស់អាស្រ័យចិញ្ចឹមជីវិត គឺមាន
សភាពខូចក្លាយជាជង្ហុកធំៗ និងមានកន្លែងខ្លះខូចរលួយបែកភក់ឡើងខ្វល់តែម្តង ពិបាកបំផុតនៅក្នុងការធ្វើដំណើរយ៉ាងខ្លាំង ។

ពលរដ្ឋទាំងអស់នោះរស់នៅភូមិចំបក់រ៉ុនខាងជើងស្ថិតនៅឃុំពោធិ៍ម្រាល ស្រុកបរសេដ្ឋ ខេត្តកំពង់ស្ពឺ ពួកគាត់និយាយថា កន្លង មកអាជ្ញាធរមូលដ្ឋានអះអាងថា ក្រោយពេលបោះឆ្នោតហើយកាលណា ថ្នាក់លើនឹងផ្តល់ផ្លូវមួយនេះជូនពលរដ្ឋភ្លាម ប៉ុន្តែផ្ទុយ
ទៅវិញក្រោយពេលដែលកម្ពុជាបានបោះឆ្នោតជ្រើសរើសតំណាងសភាជាតិ២០១៨ រួចមកនេះ ផ្លូវដែលពួកគាត់ទាំងអស់គ្នា ទន្ទឹងរង់ចាំនោះ អាជ្ញាធររដ្ឋអំណាចមូលដ្ឋាន ជាពិសេសគឺថ្នាក់ដឹកនាំស្រុក និងខេត្ត បែរជាស្ងាត់ឲ្យសន្យតែម្តង ។

ប្រជាពលរដ្ឋទាំងអស់នោះបានបន្តថា ពួកគាត់ទាំងអស់គ្នា មិនបានទាមទាផ្លូវចាក់កៅស៊ូ ឬក៏ផ្លូចាក់បេតុងអ្វីនោះឡើយ អ្វី ដែលពួកគាត់ទាំងអស់គ្នាត្រូវការនោះ គឺត្រឹមតែថ្នាក់ដឹកនាំជួយចាក់គ្រួសក្រហមដល់ពួកគាត់ទាំងអស់គ្នា ដើម្បីជួយឲ្យពួក គាត់ងាយស្រួលធ្វើដំណើរទៅមក ហើយដូចជាករណីមានការឈឺថ្នាក់យប់ព្រលប់ផ្សេងៗ គឺលែងមានការបារម្ភអារឿងផ្លូវខូច ទៀត ។

ប្រជាពលរដ្ឋភូមិចំបក់រ៉ុនខាងជើង ឃុំពោធិ៍ម្រាលទាំងអស់ សូមសំណូមពរដល់លោក វ៉ី សំណាង អភិបាល នៃគណៈអភិបាល ខេត្តកំពង់ស្ពឺ សូមមេត្តាជួយមានចំណាត់ការជួយជម្រុញ និងផ្តល់ផ្លូវមួយនេះ ជូនពួកគាត់ផង ព្រោះពួកគាត់ពិតជាជួបនូវផល លំបាកខ្លាំងណាស់ ដោយសារតែផ្លូវមានសភាពខូចខ្លាំងពេក ៕