ក្រោយពេលដែលលោកនាយករដ្ឋមន្ត្រី ហ៊ុន សែន បុរសខ្លាំងរបស់កម្ពុជា លោកបានលើកឡើងនូវពាក្យមួយឃ្លា យ៉ាងចំហរ ប៉ុន្តែពុំបានបញ្ជាក់អំពីរឿងរ៉ាវលំអិត ហើយក៏ត្រូវបានប្រព័ន្ធផ្សព្វផ្សាយ ធ្វើការចែករំលែកឲ្យកក្រើកបណ្តាញសង្គម កន្លងផង ដែរនោះ គឺបានធ្វើឲ្យលោកតាអាចារ្យ គណៈកម្មការវត្ត ជាពិសេសគឺព្រះសង្ឃជាច្រើនអង្គនៅតាមវត្តក្នុងរាជធានីភ្នំពេញ គិត
អត់ចេញឡើងចង់ក្រញ៉ាញ់ខួរ ស្ទើរតែលែងមានសក់នៅលើ ព្រះកែស តែម្តង ។

គួររំលឹកថា កាលពីពេលកន្លងទៅថ្មីៗនេះ លោកនាយករដ្ឋមន្ត្រី បានលើកឡើងថា មានព្រះសង្ឃមួយអង្គនៅក្នុងរាជធានីភ្នំ ពេញ បានធ្វើខុសវិន័យ អត់ទាន់សឹកទេ តែនាងនោះផើមហើយ ឥឡូវតេជគុណអើយ ដើម្បីកុំឲ្យពិបាក ហើយមានរឿងដល់ ទៅចាប់ផ្សឹក តេជគុណសុំសឹកឲ្យហើយទៅ នៅក្នុងទីក្រុងភ្នំពេញ តែមិនចង្អុលថា ខណ្ឌណានោះទេ នាងនោះផើមហើយ ។

លោកនាយករដ្ឋមន្ត្រី បានបញ្ជាក់ទាំងអស់សំណើចថា ហេ!.. ហ៊ុន សែន អីក៏ដឹង ដឹងម៉្លេះ!. និយាយមិនដឹងយ៉ាងម៉េច អា នឹងសន្តិសុខសង្គម ដែលនាយករដ្ឋមន្ត្រី ក៏ត្រូវដឹងដែរ ហើយខ្ញុំកូណាខ្ញុំ ក៏មិនបានទូលថ្វាយទៅព្រះអនុគុណ ទៅព្រះមេគុណ ឬក៏ទៅសង្ឃនាយក គណៈសង្ឃនាយកទេ ។

ការលើកឡើងរបស់លោកនាយករដ្ឋមន្ត្រី ហ៊ុន សែន ពុំបានបញ្ជាក់អំពីវត្តនេះ គឺបានធ្វើឲ្យព្រះសង្ឃជាច្រើនអង្គទូទាំងប្រទេស ចាប់ផ្តើមភ្ញាក់ផ្អើល និងគង់ក្នុងកុដិ លែងចង់សុខតែម្តង ដោយអង្គនិមួយៗ សុទ្ធតែចង់បានព័ត៌មានពិតថា តើជាសង្ឃអង្គ ណា ហើយគង់នៅវត្តណាឲ្យពិតប្រាកដ ដែលខុសវិន័យ ដើម្បីជួយគ្នាកែលំអរ ក្នុងនាមជាសាវ័ក ថែរក្សាការពារសាសនាទាំង អស់គ្នា ។

ក្នុងនោះព្រះសង្ឃជាច្រើនបានលើកឡើងថា ប្រសិនបើអ្នកដែលដឹងរឿងមួយនេះ គឺត្រឹមតែជាមនុស្សធម្មតាវិញ គឺម៉្លេះព្រះសង្ឃ ទាំងអស់ ពិតជានាំគ្នាទៅទាមទាឲ្យបុគ្គលរូបលោកនោះ បញ្ជាក់ពីអត្តសញ្ញាណ និងវត្ត មួយនោះ ដើម្បីរកមុខព្រះសង្ឃអង្គ នោះ ឲ្យផ្សឹកលាចាកសិក្ខាបទ ការពារកុំឲ្យមានការយល់ច្រឡំលើព្រះសង្ឃផ្សេងៗដ៏ទៃទៀតមិនខាន ប៉ុន្តែត្រង់អ្នកដែលដឹងរឿង មួយនោះ គឺជាលោកនាយករដ្ឋមន្ត្រីរបស់ប្រទេស ព្រះសង្ឃជាច្រើនបានត្រឹមតែនាំគ្នា បើកភ្នែកម៉ក់ៗ អង្គុយទន្ទឹងរង់ចាំមើល
ការពិត ប៉ុណ្ណោះ ។

សម្រាប់ការលើកឡើងរបស់លោកនាយករដ្ឋមន្ត្រី ហ៊ុន សែន នេះ យើងទាំងអស់គ្នា មានតែរង់ចាំប៉ុណ្ណោះ ក្រែងថ្ងៃណាមួយ លោកនាយករដ្ឋមន្ត្រី បើកបង្ហាញជាសាធារណៈ ឲ្យយើងទាំងអស់គ្នាបានដឹងបន្ត ៕