ទោះបីជាកន្លងមក គេបានឃើញរូបលោក អ៊ូច ភា អភិបាល នៃគណៈអភិបាលខេត្តតាកែវ បានប្តេជ្ញាថា មិនឲ្យមានការហូរជ្រូកវៀតណាម តាមទឹកដីខេត្តតាកែវ ជាដាច់ខាត ហើយក៏លេចឮល្បីយ៉ាងសុះសាយផងដែរថា លោក អ៊ូច ភា អភិបាល ខេត្ត បានប្រកាសថា បើអ្នកណាបានដឹងថា មានសកម្មភាពជ្រូកវៀតណាមហូរចូលមកកម្ពុជា រូបលោកអភិបាលខេត្ត នឹងផ្តល់រង្វាន់លើកទឹកចិត្តដល់ទៅ១.០០០.០០០ រៀលទៀតផង សម្រាប់តែពេលនេះ គេឃើញមានព័ត៌មានចែកចាយឲ្យ កក្រើកបណ្តាញសង្គមព័ត៌មានអំពីជ្រូកវៀតណាម ហូរចូលមកគរទុកនៅចំណុចកំពង់អំពិល តែម្តង ។ប្រភពពីប្រជាពលរដ្ឋរស់នៅក្នុងស្រុកបុរីជលសារ បានឲ្យដឹងថា នៅថ្ងៃទី១៩ ខែវិច្ឆិកា ២០១៩ នេះ មានការ លួចនាំជ្រូករបស់វៀតណាមចូលមកទឹកដីកម្ពុជាទាំងកណ្តាលថ្ងៃតែម្តង គឺហាក់បីដូចជាមិនខ្លាចញញើតសមត្ថកិច្ច និងអាជ្ញាធរជំនាញពាក់ព័ន្ធណាទ្បើយ ។បានធ្វើឲ្យពលរដ្ឋមានការសង្ស័យថា ប្រហែលជាមានការត្រូវរ៉ូវគ្នាហើយមើលទៅ ទើបបានជាឈ្មួញទាំងអស់នោះអាចដឹក ជ្រូកវៀតណាម ចូលមកបានស្រួលយ៉ាងនេះ គឺគ្មានអ្នកណាអើពើឈឺក្បាលសោះតែម្តង ។ពួកគាត់បន្តថា មន្ត្រីជំនាញ និងអាជ្ញាធរស្រុក បូរីជលសារ ក៏កាន់តែសង្ងំយ៉ាងស្ងៀមស្ងាត់ នៅពេលដែលជ្រូកវៀតណាម ហូរចូលមកម្តងៗ ដែលមើលទៅ គឺខុសពីសម្តីលោក អ៊ូច ភា ដែលបានអះអាងកន្លងមកខ្លាំងណាស់ ។ទោះបីយ៉ាងណា ភ្នាក់ងារព័ត៌មានយើង នៅពុំទាន់សុំការបញ្ជាក់ពីលោក ញឹប ស្រន ប្រធានមន្ទីកសិកម្មខេត្តតាកែវ និង លោក ទុយ សុភ័ក្រ អភិបាលស្រុកបូរីជលសារ បាននៅឡើយទេ នៅថ្ងៃទី១៩ ខែវិច្ឆិកា នេះ ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា