នៅរសៀលថ្ងៃទី២៣ ខែវិច្ឆិកា ឆ្នាំ២០១៩ នេះ គេបានប្រទះឃើញសាកសពបុរសម្នាក់អណ្ដែតទឹក ដែលគេស្គាល់ថា ជាអ្នក ដែលអារកសម្លាប់នារីរោចក្រអំពូលភ្លើង មានទីតាំងស្ថិតភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង នៅម្ដុំក្បែរនឹងរោងចក្រ ខណ:ពេលនេះសមត្ថកិច្ចកំពុងតែចុះទៅដល់ទីតាំងនេះ ។

រំលឹកឡើងវិញថា ករណីអារ-កសម្លាប់កម្មារិនីរោងចក្រអំពូលភ្លើងម្នាក់ កាលពីថ្ងៃទី២២ ខែវិច្ឆិកា ឆ្នំា២០១៩ បង្កជាការភ្ញាក់ ផ្អើលយ៉ាងខ្លាំងពីមហាជន បន្ទាប់ពីស្រាវជ្រាវយ៉ាងយកចិត្តទុកដាក់រួចមកសមត្ថកិច្ចបាន កំណត់មុខសញ្ញាជនសង្ស័យជា ឃាតករសម្លាប់នារីរងគ្រោះហើយ គឺជនសង្ស័យជាសង្សារនារីរងគ្រោះនៅក្នុងរោងចក្រធីវ៉ាយ ស្ថិតក្នុងតំបន់សេដ្ឋកិច្ចពិសេស ស្វាយរៀងហ្គីហ្គារីសស៍ ក្នុងភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង ។

ឃាតកម្មនេះបង្កឡើងដោយជនសង្ស័យឈ្មោះ នាង ក្រឹម ភេទអាយុ២៥ឆ្នាំ ត្រូវជាសង្សារបស់នារីរងគ្រោះឈ្មោះ ខឹម ពិសាល អាយុ២៤ឆ្នាំ រស់នៅភូមិព្រៃរការ ឃុំឈើទាល ស្រុកស្វាយជ្រុំ ខេត្តស្វាយរៀង ហើយមូលហេតុដែលជនសង្ស័យសម្លាប់នារីរង គ្រោះជាសង្សារ ព្រោះគ្រួសារខាងស្រីមិនឱ្យរៀបការ ដោយក្រោយពីធ្វើសកម្មភាពរួចជនសង្ស័យបានរត់គេចខ្លួនបាត់តែម្តង៕