នេះគឺជាដំណឹងល្អមួយរបស់ក្មេងៗសិស្សសាលា ដែលជាទំពាំងស្នងឬស្សី ដែលពួកគាត់ទាំងអស់គ្នាចាំបាច់សិក្សាក្រេបយក ចំណេះដឹង ដើម្បីបម្រើប្រយោជន៌សង្គមជាតិនៅពេលខាងមុខ ។ថ្មីៗនេះ គេបានឃើញគណនីហ្វេសប៊ុកមួយរបស់លោកឧកញ៉ា ស្រី ចាន់ថន ប្រកាសជួយឧបត្ថម្ភ សាលារៀន ព្រមទាំងសម្ភារះ សិក្សា តុ កៅអី បើសិនបើជាព័ត៌មានពិត... ការប្រកាសរបស់លោកឧកញ៉ា ស្រី ចាន់ថន នោះគឺបន្ទាប់ពីគេបានឃើញបណ្តាញសង្គមព័ត៌មានជាច្រើន បានចែករំលែកនូវទុក្ខរបស់សាលារៀន ដែលកំពុងខ្វះខាតបន្ទប់សម្រាប់ក្មេងៗបានសិក្សារៀនសូត្រ ។ក្នុងនោះគណនីហ្វេសប៊ុករបស់កញ្ញា Bee Yobo Bee ក៏បានសំណូមពរបងប្អូនជួយផ្គង់ផ្គង់សម្ភារៈ និងជួយសាងសង់សាលារៀន សម្រាប់ប្អូនៗ ។ការឈឺឆ្អាលរបស់មហាជននេះ វាគឺជាកម្លាំងចិត្តមួយ ដែលបង្ហាញឲ្យឃើញអំពីការស្រឡាញ់គ្នា ការជួយចែករំលែក សម្រាលទុក្ខលំបាកគ្នា រវាងខ្មែរនិងខ្មែរ សម្រាប់ជាប្រយោជន៌ជូនសង្គមនៅពេលខាងមុខ បើទោះបីជាការបរិច្ចាក មានសភាពតិចតួច ឬ ស្តួចស្តើងយ៉ាងណាក្តី ប៉ុន្តែវាជារូបភាពមួយបង្ហាញអំពីក្តីស្រឡាញ់ ដែលមានតម្លៃមិនអាចកាត់ថ្លៃបាន ជាពិសេសសាលារៀន គឺជាទីកន្លែងមួយ ផ្តល់នូវចំណេះដឹង និងជាស្ពានសម្រាប់ឲ្យប្អូនៗ បានស្វែងរកអនាគតរបស់ខ្លួនដើម្បីចិញ្ចឹមជីវិត និងចិញ្ចឹម គ្រួសាររបស់ខ្លួនបានរស់នៅក្នុងភាពសុខសាន្ត នៅថ្ងៃខាងមុខ ព្រោះថាចំណេះដឹង អាចជួយស្រោចស្រង់នៅជីវិតរបស់មនុស្ស ឲ្យរួចផុតពីភាពក្របាន និងធ្វើឲ្យមនុស្សចេះគិត ថាធ្វើអ្វីត្រូវ ហើយធ្វើអ្វីខុស គួរឬមិនគួរ ។នៅក្នុងគណនីហ្វេសប៊ុកលោកឧកញ៉ា ស្រី ចាន់ថន បានបង្ហោះសារថា ខ្ញុំនឹងជួយភ្លាម បើជាពត៌មានពិត នឹងមានការខ្វះខាត មែន !!! បើបងប្អូនណា ដឹងពត៌មាននេះច្បាស់ សូមជួយទំនាក់ទំនងមកក្រុមការងារខ្ញុំបាទផង លេខទូរសព្ទ័ 096 785 7777 ព្រោះបើជាពត៌មានពិត ខ្ញុំនឹងជួយសាលារៀន ព្រមទាំងសម្ភារះសិក្សា តុ កៅអី ថែមទៀត ( បញ្ជាក់គឺជួយតាមរូបភាពជាក់ស្ដែង ក្នុងFacebook នេះ ) ដល់ប្អូនៗ ។ទោះជាយ៉ាងណា ខាងអាជ្ញាធរស្រុកជាំក្សាន្ត លោក ជា គឹមសេង លោកនៅមិនទាន់បញ្ជាក់អំពីការពិតរបស់សាលាមួយនេះជាផ្លូវការជូនព័ត៌មានយើងនៅឡើយទេ ដោយរូបលោកកំពុងជាប់ភារៈកិច្ចនៅច្រកតំបន់អានសេះ គេហទំព័រខ្លាប៉ុស្តិ៍ នឹងព្យា យាមយកព័ត៌មានច្បាស់ការផ្សាយជូនមហាជនជ្រាបនៅពេលខាងមុខ ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា