ថ្មីៗនេះ មានការអបអរសាទរយ៉ាងក្រៃលែង ពីញាតិញោមពុទ្ធបរិស័ទចំណុះឲ្យវត្តភ្នំបុណ្យ ហោវត្តភ្នំបឹងតូច ដែលស្ថិតនៅ ភូមិព្រៃពង្រ ឃុំស្គុះ ស្រុកសំរោងទង ខេត្តកំពង់ស្ពឺ ដែលបានបង្ហាញអំពីការកោតសសើរលើកនូវស្នាដៃរបស់ព្រះគ្រូ មណ្ឌ ថេរោ ម៉ែន ប៉ឹក ក្នុងនាមព្រះអង្គជាព្រះចៅអធិការវត្ត បានដឹកនាំព្រះសង្ឃ លោកតាអាចារ្យ និងគណៈកម្មការវត្ត កសាងបាន នូវសមិទ្ធផលជាច្រើន ធ្វើឲ្យទីធ្លាវត្តភ្នំបុណ្យទាំងមូលបានប្រែមុខមាត់ ពីភាពសោះកក្រោះ មកជាថ្មីស្រឡាង និងស្រស់បំ ព្រង គួរឲ្យស្រឡាញ់ ។

សម្រាប់ការគោរពពេញចិត្ត និងកោតសសើរ របស់ញាតិញោមពុទ្ធបរិស័ទវត្តភ្នំបុណ្យ ហៅវត្តបឹងភ្នំតូចនេះផងដែរ លោកតា
គណៈកម្មការអាចារ្យវត្ត បានឲ្យដឹងថា ទោះបីជាយ៉ាងណា នៅរាល់ថ្ងៃនេះ ព្រះគ្រូចៅអធិការវត្ត កំពុងតែព្យាយាមដឹកនាំព្រះ
សង្ឃ និងញាតិញោមពុទ្ធបរិស័ទកសាងវត្តសមិទ្ធជាច្រើននៅក្នុងវត្តខ្លាំងណាស់ បើទោះជាកន្លងមកទីវត្តមួយចំនួន ត្រូវបាន
រីកចម្រើននូវសមិទ្ធផលផ្សេងៗក៏ដោយ ។

បច្ច័យជាច្រើនដែលត្រូវបានយកមកសម្រាប់កសាងសមិទ្ធផលនោះ គឺមានតាមរយៈការចូលរួមជាសទ្ធាពីសប្បុរសជន មួយចំនួន ពីបងប្អូនញាតិញោមពុទ្ធបរិស័ទចំណុះឲ្យជើងវត្ត ហើយមួយចំនួនទៀតគឺបានមកពីការស្រោចទឹកលើករាសី ដែលបងប្អូនលោកមានជំនឿជឿជាក់ផ្នែកបាលីគាថា របស់ព្រះគ្រូ ទើបធ្វើវត្តមួយទាំងមូលមានការរីកចំរើន បានយ៉ាងឆាប់ រហ័ស បែបនេះ ។

លោកតាគណៈកម្មការអាចារ្យបានបន្តថា ក្នុងនោះរបងវត្ត ក៏ត្រូវបានលោកជំទាវ ខេង សំវ៉ាដា ចុះជួយឃុំស្គុះ បានចូលរួមច ចំណែកនៅក្នុងកសាង ចំណែករីឯប្រាសាទដែលនៅលើភ្នំ ក៏ត្រូវបានឯកឧត្តម យង់ ហេង ទទួលជួយកសាងហើយផងដែរ ដោយឡែកតែសមិទ្ធផលមួយចំនួនទៀតនៅមិនទាន់កសាងបានរួចរាល់នោះ ព្រះសង្ឃ លោកតាអាចារ្យ គណៈកម្មការវត្ត សំណូមពរដល់បងប្អូនញាតិញោមពុទ្ធបរិស័ទ និងសប្បុរសជនជិតឆ្ងាយ មេត្តាជួយចូលរួមឲ្យវត្តបានក្លាយជាស្រែបុណ្យ ដ៏ ស្រស់ស្អាត សម្រាប់មនុស្សគ្រប់រូប គោរព និងប្រតិបត្តិផង ៕