ក្លាយជារឿងមិនអស់ចិត្តយ៉ាងខ្លាំង ពីបងប្អូនប្រជាពលរដ្ឋ ជាពិសេសនោះគឺមន្ត្រីរាជការ ដែលបំរើការនៅក្នុងខេត្តកំពង់ឆ្នាំង ដោយថ្មីៗនេះពួកគាត់ចាប់ផ្តើមលើករឿងនេះមកនិយាយតាមហាងកាហ្វេផ្សារក្រោម ហើយម្នាក់ៗគ្រវីតែក្បាលលើកឡើងថា មិនគួរកើតរឿងយ៉ាងអញ្ចឹងសោះទេ ពីព្រោះអ្វីដែលពួកគាត់បានដឹងនោះ លោក មាស ម៉េងហួត គឺជាមន្ត្រីសមត្ថកិច្ចនគរ បាលម្នាក់ ដែលកន្លងមកស្រឡាញ់កិត្តិយស និងសេចក្តីថ្លៃថ្នូរបស់ខ្លួនណាស់ អ្វីដែលគេបានដឹងនោះ គឺរូបលោកមិនជាសូវ អើពើជាមួយទៅនឹងលាភសក្ការៈមិនគួរគាប្បីណាមួយនោះឡើយ ប៉ុន្តែពេលនេះ លោក មាស ប៉េងហួត បែរជាត្រូវបានថ្នាក់ ដឹកនាំខេត្តកំពង់ឆ្នាំង ដាក់មន្ទិលការសង្ស័យ ព្រោះតែករណីក្រុមអ្នកលេងល្បែងជល់មាន់ ដែលបានលួចលាក់ដំណើរការ លេងនៅលើទីតាំងដីក្រោយផ្ទះរបស់លោកទៅវិញ ។គួររំលឹកថា កាលពីថ្ងៃទី២ ខែវិច្ឆិកា ឆ្នាំ២០១៩ កន្លងទៅនេះ កម្លាំងកងរាជអាវុធហត្ថខេត្តកំពង់ឆ្នាំង បានឆ្មក់ចូលឡោមព័ទ្ធ កន្លែងទីតាំងជល់មាន់ ហើយចាប់បានអ្នកលេងជល់មាន់ នៅខាងក្រោយបរិវេណសណ្ឋាគារសុខាញូយ៉ក ក្នុងក្រុងកំពង់ឆ្នាំង ព្រមទាំងបានឃាត់ខ្លួនក្រុមអ្នកញៀនល្បែងស៊ីសងចំនួន ១៧នាក់ ម៉ូតូ១២គ្រឿង មាន់ជល់៣ក្បាល រួមនឹងសម្ភារៈមួយ ចំនួន ទៀតផង ។ ជាក់ស្តែងណាស់នៅថ្ងៃទី ០៤ ខែវិច្ឆិកា ២០១៩ កន្លងទៅថ្មីៗនេះ សមត្ថកិច្ចបានបញ្ជូនខ្លួនអ្នកលេងល្បែងទាំងអស់ទៅកាន់សាលាដំបូងខេត្តកំពង់ឆ្នាំងហើយផងដែរ ដើម្បីសុំឲ្យមានចំណាត់ការទៅតាមនីតិវិធីច្បាប់ ដោយឡែកតែរូបលោក មាសម៉េងហួត ហៅផល្លា ជាម្ចាស់ដីដែលគេដឹងថា រូបលោកពុំបានពាក់ព័ន្ធជាមួយល្បែងជល់មាន់នោះសោះ បែរជាត្រូវបានថ្នាក់ ដឹកនាំខេត្ត ដាក់ការសង្ស័យថា អ្នកផ្តល់ទីតាំងឲ្យក្រុមអ្នកលេងល្បែងជល់មាន់ មួយនោះ ដដែល ។ សមត្ថកិច្ចនគរបាលមួយក្រុម សុំកុំឲ្យបញ្ចេញឈ្មោះ បានបង្ហើបឲ្យដឹងថា វាជាការពិតណាស់ដីនៅក្រោយផ្ទះរបស់លោក មាស ម៉េងហួត ហៅ ផល្លា គឺជាដីវាល ហើយជាក់ស្តែង គឺគ្រួសាររបស់លោកចិញ្ចឹមមាន់គ្រាន់ធ្វើជាអាហារ បែបធម្មជាតិខ្លះៗ និងធ្វើជាមាន់ពូជ ខ្លះៗ ។ជានិច្ចជាកាល នៅពេលដែលរូបលោក មាស ម៉េងហួត ដែលមានឋានៈជាប្រធានការិយាល័យសណ្តាប់ធ្នាប់ នៃស្នងការដ្ឋាននគរបាលខេត្តកំពង់ឆ្នាំង ចប់ពីម៉ោងការងារ ហើយដើម្បីបន្ធូរការតានតឹងរបស់ខ្លួនពីការនឿយហត់ផងដែរនោះ រូបលោកបានយកអង្ករទៅបាចឲ្យជាចំណី ដោយឃើញមាន់ទាំងតូចទាំងធំយ៉ាងច្រើននោះរត់មកស៊ីចំណី គឺធ្វើឲ្យរូបលោកមានការធូ ស្បើយនៅក្នុងអារម្មណ៌បានច្រើន កង្វល់ទាំងអម្បាល់មាណនោះ គឺត្រូវរសាយបាត់តែម្តង ។ជាក់ស្តែងណាស់ នៅពេលដែលឃើញកូនមាន់របស់លោកល្អៗច្រើននោះ មានក្មេងៗជាច្រើនចង់បាន ហើយម្នាក់ៗក៏តែងតែចេញចូលផ្ទះរបស់លោក ដើម្បីសុំទិញកូនមាន់ពូជល្អៗនោះ តែសម្រាប់តម្លៃថ្លៃថ្នូផ្សេងៗនោះ លោក មាស ម៉េងហួត ពុំ ជ្រាបនោះទេ ដោយលោកជាមន្ត្រីសមត្ថកិច្ចអនុវត្តន៌បទបញ្ជា រូបលោកតែងជាប់បំពេញបេសកកម្មជាប្រចាំ គឺតែងបន្សល់ទុកកូនស្រីម្នាក់ នៅចាំផ្ទះប៉ុណ្ណោះ ។សមត្ថកិច្ចទាំងអស់នោះបានបន្តថា នៅថ្ងៃដែលកម្លាំងកងរាជអាវុធហត្ថក្រុងកំពង់ឆ្នាំង ចុះបង្ក្រាបអ្នកជល់មាន់នោះ គឺរូប លោក មាស ម៉េងហួត លោកពុំនៅផ្ទះទេ លោកជាប់បេសកកម្មចុះទៅតាមស្រុក ក្រោយពេលបញ្ចប់បេសកកម្ម រូបលោកបានចូលមកផ្ទះ ដោយដោះអាវចេញគិតថា នឹងសម្រាក ស្រាប់តែឃើញមានកម្លាំងកងរាជអាវុធហត្ថនៅលើដីក្រោយផ្ទះរបស់លោក នៅពេលនោះរូបលោកក៏បានទៅសួរ ដោយចង់ដឹងថា វាមានរឿងអី ហើយនៅទីបំផុត ទើបដឹងថា កម្លាំងអាវុធហត្ថបង្រ្កាបអ្នកលេងជល់មាន់ ដែលធ្វើឲ្យលោក មាស ម៉េងហួត កាន់តែក្តៅក្រហាយជាមួយទៅនឹងអ្នកលេងទាំងអស់នោះយ៉ាងខ្លាំង រូបលោកព្រមទាំងស្នើសុំឲ្យកងរាជអាវុធហត្ថចាប់អ្នកលេងទាំងអស់នោះ ផ្តន្ទាទោសតាមច្បាប់តែម្តងទៅ ។ស្រាប់តែក្រោយពេលកើតហេតុប៉ុន្មានថ្ងៃ បែរជាមានបណ្តាញព័ត៌មានជាច្រើនផ្សាយថា រូបលោកជាអ្នកផ្តល់ទីតាំងឲ្យអ្នកលេងមាន់ទាំងអស់នោះផ្សាយឲ្យកក្រើកខេត្តតែម្តង ធ្វើឲ្យថ្នាក់ដឹកនាំមួយចំនួន មានការយល់ច្រឡំលើរូបលោកកាន់តែខ្លាំង ។ប្រភពពីសមត្ថកិច្ចមួយចំនួននោះ បានលើកឡើងថា តើអាចមានមនុស្សណាល្ងង់យកល្បែងខុសច្បាប់មកដាក់នៅក្នុងផ្ទះ ទាំងខ្លួនឯងជាសមត្ថកិច្ចអនុវត្តន៌បទបញ្ជាបង្ក្រាបល្បែងខុសច្បាប់ចឹងនោះ ជាធម្មតាបើមនុស្សដែលមានគំនិតអាក្រក់ ព្រោះចង់បានលាភសក្ការៈនោះ គេយកកិត្តិយសខ្លួនទៅកាងល្បែង ក៏គេបង្កើតនៅកន្លែងផ្សេងឆ្ងាយពីផ្ទះរបស់គេដែរ គេ មិនល្ងង់ដាក់នៅក្នុងផ្ទះខ្លួនឯង ដើម្បីរង់ចាំទទួលកំហុសឲ្យថ្នាក់លើស្តីបន្ទោសនោះឡើយ ទាំងអស់នេះអាចមានបុគ្គល មួយចំនួនរៀបផែនការឲ្យមនុស្សចូលលេង នៅពេលដែលរូបលោកមិននៅផ្ទះ ដើម្បីបំផ្លាញធ្វើឲ្យរូបលោក មាស ម៉េងហួត អស់កិត្តិយស បុណ្យសក្តិ យ៉ាងអយុត្តិធម៌ តែម្តង។ ករណីនេះ សូម លោក ឈួរ ច័ន្ទឌឿន អភិបាលខេត្តកំពង់ឆ្នាំង សូម មេត្តាបើកការស្រាវជ្រាវឡើងវិញផង តើប្រភពការពិតយ៉ាងណាខ្លះ ដើម្បីផ្តល់យុត្តិធម៌ដល់មន្ត្រីរាជការទាំងអស់ ដែល បម្រើការយ៉ាងសកម្មនៅក្នុងខេត្តកំពង់ឆ្នាំង បានឃើញការពិតផង .. ទានប្រុស ..៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា