ព្រះសីហនុ៖ព្រឹកថ្ងៃទី ១៧ ខែសីហាឆ្នាំ ២០១៩ ឯកឧត្តម គួច ចំរើន អភិបាលខេត្តព្រះសីហនុអមដំណើរដោយមន្ត្រីជាច្រើនរូបទៀត បានអញ្ជើញចុះពិនិត្យមើលស្ថានភាពជាក់ស្តែងស្ពានមួយកន្លែងមានទីតាំងនៅភូមិ ១ សង្កាត់លេខ ១ ក្រុងព្រះសីហនុ ដែលត្រូវបានវាយប្រហារដោយជំនន់ទឹកភ្លៀងកាលពីប៉ុន្មានថ្ងៃនេះបណ្តាលអោយច្រោះដាច់គល់ស្ពានបង្កការលំបាកដល់ប្រជាជននិងសិស្សានុសិស្សឆ្លងកាត់។ឯកឧត្តម គួច ចំរើន ក៏បានសន្យាជាមួយប្រជាពលរដ្ឋនិងធ្វើការស្ថាបនាផ្លូវមួយខ្សែទៀតចាប់ពីចំណុចស្ពាននេះនៅភ្ជាប់នឹងផ្លូវជាតិលេខ ៤ ម្តុំរោងចក្រក្រោនផងដែរ។ឯកឧត្តមក៏បានណែនាំឲ្យមន្ត្រីជំនាញកោះអញ្ជើញម្ចាស់ទីតាំងសិប្បកម្មផលិតឥដ្ឋមួយកន្លែងក្បែរគល់ស្ពានដែលបានរំលោភមក លើអូរឲ្យទៅសាលាខេត្តដើម្បីធ្វើការដោះស្រាយ ដោយតម្រូវកាយចេញជាបន្ទាន់។ឯកឧត្តម គួច ចំរើន បានបញ្ជាក់បន្ថែមថាប្រសិនបើជាស្ពានឈើដែលត្រូវបានភ្ជាប់ជាមួយនឹងស្ពានថ្មឆ្លងអូរនេះវាខូច ពលរដ្ឋលំបាកធ្វើដំណើរ អភិបាលខេត្តនឹងរៀបចំធ្វើស្ពានបាលេដើម្បីដោះស្រាយជូនប្រជាពលរដ្ឋបានឆ្លងសិន។សូមបញ្ជាក់ជូនថា ក្រោយការវាយប្រហារឲ្យដាច់គល់ស្ពាននៅចំណុចនេះ បច្ចុប្បន្នប្រជាពលរដ្ឋនិងអាជ្ញាធរមូលដ្ឋានបានធ្វើការជួសជុលដោយដាក់ឈើឆ្លងបណ្តោះអាសន្នសិន ។គួរបញ្ជាក់ថាបន្ទាប់ពីបានចុះពិនិត្យស្ពាននៅភូមិ១ សង្កាត់លេខ ១ អភិបាលខេត្តព្រះសីហនុក៏បានអញ្ជើញចុះពិនិត្យផ្លូវ ទីតាំងមួយចំនួនទៀតនៅក្នុងក្រុងព្រះសីហនុដែលបានរងការខូចខាតដោយសារតែជំនន់ទឹកភ្លៀងរយៈពេលកន្លងទៅនេះ។ចំពោះមុខនេះនឹងធ្វើការជួសជុលកែលំអជាបឋមដើម្បីសម្រួលការធ្វើដំណើររបស់ប្រជាជន មុនគ្រោងជួសជុលដែលជាកញ្ចប់ពិសេសរបស់រដ្ឋាភិបាលចំនួន២២ខ្សែនឹងត្រូវអនុវត្តនាថ្ងៃខាងមុខឆាប់ៗនេះ។ដោយឡែកប្រព័ន្ធអូរប្រឡាយរំដោះទឹកភ្លៀងវិញ អភិបាលខេត្តថាក្រុមការងារគឺនៅតែបន្តធ្វើការស្តារនិងកែលម្អបានសរសើរដើម្បីបញ្ចៀសនូវការជន់លិចនៅពេលមានភ្លៀងធ្លាក់ម្ដង។ក្រុមប្រជាពលរដ្ឋដែលរស់នៅតំបន់នោះបានសំដែងការអបអរសាទរនិងគាំទ្រចំពោះកិច្ចអន្តរាគមន៍ ចំពោះការគិតគូររបស់ឯកឧត្តម គួច ចំរើន និងថ្នាក់ដឹកនាំខេត្តព្រះសីហនុ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា