មិនគួរឲ្យជឿនោះទេថា ចំណាត់ការរបស់គណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ មានប្រ សិទ្ធិភាពត្រឹមតែមួយរយៈពេលខ្លី ស្រាប់តែនៅពេលនេះ បែកធ្លាយព័ត៌មានយ៉ាងសកម្មថា ក្រុមឡានសាំយ៉ុងជាច្រើនគ្រឿង កំពុងតែ សប្បាយចិត្តក្នុងការដឹកជញ្ជូនឈើ ពីទឹកដីថាឡាបរិវ៉ាត់ និងស្រុកសេសាន ក្រៀមលេសជាឈើកែឆ្នៃរួចគឿងសង្ហា រឹម ។

តាមដែលប្រជាពលរដ្ឋជាច្រើនរស់នៅក្នុងខេត្តស្ទឹងត្រែង បានលើកឡើងថា កន្លងមកតាមដែលពួកគាត់បានដឹងនោះ គឺខាង
គណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានបញ្ជាក់ថា សម្រាប់ទឹកដីខេត្តស្ទឹងត្រែង គឺលែង ឲ្យមានសិប្បកម្មឈើកែឆ្នៃទៀតហើយ ព្រោះឈើទាំងអស់ភាគច្រើន ប្រមូលចេញពីទីតាំងព្រៃហាមឃាត់ ស្រាប់តែនៅពេល នេះបែរជាក្រុមឡានសាំយ៉ុងជាច្រើន ត្រូវបានកំរើកឡើងវិញ គួរឲ្យងឿងឆ្ងល់បំផុត ។

ប្រភពទាំងអស់នោះបានលើកឡើងថា នៅរៀងរាល់យប់ឲ្យតែវេលាពេលទាបភ្លឺ ចាប់ពីម៉ោង៤ គឺគេបានឃើញក្រុមរថយន្តសាំ យ៉ុងទាំងអស់នាំគ្នាសម្រុកដឹកគ្រឿងឈើទាំងខ្សែៗ ចាប់ពី៨ ទៅ១០គ្រឿង ដោយបើកបរនៅក្នុងល្បឿនលឿន និងប្រសេកប្រ សាចជាទីបំផុត ធ្វើឲ្យពលរដ្ឋអ្នកដែលមានជំនឿគោរពពុទ្ធសាសនា ងើបទៅចូលរួមពិធីបោះបាយបិណ្ឌ ពួកគាត់នាំគ្នាក្តៅក្រ ហាយជាខ្លាំង ហើយក៏ភ័យខ្លាចនៅសុវត្ថិភាពក្រុមគ្រួសាររបស់ពួកគាត់ផងដែរ ។

ស្របទៅនឹងការព្រួយបារម្ភរបស់ពលរដ្ឋនេះផងដែរ ប្រភពពីខេត្តស្ទឹងត្រែងបានទម្លាយថា តាមពិតក្រុមរថយន្តសាំយ៉ុងទាំង អស់នោះ គឺមិនមែនដឹកគ្រឿងសង្ហារឹមនោះទេ ជាការពិតនោះគឺក្រុមរថយន្តសាំយ៉ុងទាំងនោះ ដឹកឈើប្រណិត ព្រមទាំងបាន បាញ់ថ្នាំពណ៌ពីលើទៀតផង ប៉ុន្តែពួកគេបានយកតុកៅអីមកដាក់ពីលើ ដើម្បីបំភ័ណ្ឌភ្នែកមហាជន កុំឲ្យចាប់អារម្មណ៌ជាមួយ ពួកគេ ។

ចាប់ពីថ្ងៃទី០១ ខែកញ្ញា ឆ្នាំ ២០១៩ រហូតមកដល់ពេលនេះ គឺនៅតែមានសកម្មភាពដឹកជញ្ជូនមិនទាន់បានឈប់នៅឡើយ នោះទេ ដែលប្រជាពលរដ្ឋទាំងអស់ចាំបាច់ស្នើសុំថ្នាក់ដឹកនាំខេត្តស្ទឹងត្រែង មេត្តាជួយមានវិធានការទប់ស្កាត់ផងទាន ព្រោះ
ការកើតឡើងសកម្មភាពរថយន្តដឹកឈើទាំងអស់នេះ ឡើងវិញ វាជារឿងចម្លែកខ្លាំងណាស់ ៕