ខេត្តកំពង់ធំ: នៅព្រឹកថ្ងៃទី៣ ខែកញ្ញា ឆ្នាំ២០១៩ កន្លងទៅថ្មីៗនេះ​ ប្រតិភូឧត្តមក្រុមប្រឹក្សាពិគ្រោះ និងផ្តល់យោបល់ នៃគណបក្សខ្មែរអភិវឌ្ឍន៍សេដ្ឋកិច្ច អមដំណេីរដោយអធិការកិច្ចរបស់សមាជិកប្រតិភូឧត្តក្រុមប្រឹក្សា ពិគ្រោះនិងផ្តល់យោបល់ បានចុះសិក្សាស្រាវជ្រាវលេីបញ្ហារបស់ពលរដ្ឋពីររូប ក្នុងភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំត្រូវមន្ត្រីរដ្ឋបាលព្រៃឈេីខេត្តកំពង់ធំ ប្រេីហឹង្សាវាយធ្វេីបាបរហូតដល់សន្លប់ម្នាក់ ហេីយបញ្ជួនខ្លួនទៅកាន់ពន្ធធានាគារខេត្តកំពង់ធំ ដោយចោទប្រកាន់ពីបទ​ កាត់ទន្ទ្រាន ឈូសឆាយដីព្រៃដោយមិនមានការទទួលដឹងឮពីអាជ្ញាធរមូលដ្ឋាន។

យោងតាមបញ្ហាខាងលេី​ ជាក់ស្តែងពលរដ្ឋជាច្រេីនបានលេីកឡេីងថា ពួកគាត់ពិតជាមិនបានបំពានអ្វីទៅលេីដីគំរបព្រៃឈេីនោះឡេីយ ព្រោះថា ដីរបស់ពួកគាត់សុទ្ធតែមានការទទួលដឹងឮ​ពីអាជ្ញាធមូលដ្ឋានក្នុងតំបន់ទៀត ហេីយក្នុងនោះ​ពួកគាត់ក៏មានបង្កាន់ដៃដី​ និងមានការបញ្ជាក់ពីប្រវត្តិដីរបស់អាជ្ញាធរ ភូមិ ឃុំ និងស្រុកផងដែរ វាពិតណាស់ មិនដូចការចោទប្រកាន់របស់មន្ត្រីរដ្ឋបាលព្រៃឈេីខេត្តកំពងធំ​ឡេីយ។​

ពលរដ្ឋទាំងនោះបានបន្ថែមថា ប្លង់ដីរបស់ពួកគាត់បានទទួលស្គាល់ពីអាជ្ញាមូលដ្ឋានរួចរាល់ហេីយ​ ទេីបពួកគាត់ហានចំណាយលុយ ទិញកូនស្វាយចន្ទី និងដំឡូងមកដាំក្នុងដីចំការរបស់ពួកគាត់ មិនត្រឹមតែប៉ុណ្ណោះពលរដ្ឋមួយចំនួនធំបានប្រេីប្លង់ដីនេះមកដាក់ពាក្យស្នេីសុំកម្ចីលុយនៅមេក្រូហិរញ្ញវត្ថុ AMK
រហូតមេក្រូហិរញ្ញវត្ថុនេះ​ ព្រមផ្តល់ប្រាក់កម្ចីអោយថែមទៀតផង។

គួរបញ្ជាក់ផងដែរថា លោកប្រធានភូមិថ្មសំលៀងបានអះអាងនិងបញ្ជាក់លេីបញ្ហានេះថា ដីក្នុងភូមិថ្មសំលៀងទាំងមូល គឺស្ថិតក្នុងគំរបព្រៃឈេីពិតប្រាកដមែន ប៉ុន្តៃដីនេះក៏ត្រូវបានអនុលោមក្នុងការពុះចែកធ្វេីប្លង់កម្មសិទ្ធជូនសមាជិកដែលជាពលរដ្ឋរស់នៅក្នុងភូមិថ្មសំលៀង ក្នុងការប្រកបដំណាំកសិផលចិញ្ចឹមជីវិត ហេីយលោកប្រធានភូមិក៏បានអះអាងបន្ថែមថា ដីនេះពិតជាដីរបស់ពលរដ្ឋដែលឆ្លងកាត់ការទទួលដឹងឮពីអាជ្ញាធរភូមិឃុំស្រុកពិតប្រាកដមែន។

នៅថ្ងៃទី៥ ខែកញ្ញា ឆ្នាំ២០១៩ ដែលជាថ្ងៃចុងក្រោយដែលឧត្តមក្រុមប្រឹក្សាពិគ្រោះ និងផ្តល់យោបល់ នៃគណៈបក្យខ្មែរអភិវឌ្ឍន៍សេដ្ឋកិច្ចបានចុះបេសកកម្មនៅភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ​​ ដែលក្នុងនោះផងដែរ ឯកឧត្តម ហួន រដ្ឋា ប្រតិភូឧត្តមក្រុមប្រឹក្សាពិគ្រោះនិងផ្តល់យោបល់​ នៃគណៈបក្សខ្មែរអភិវឌ្ឍន៍សេដ្ឋកិច្ច​ បានលេីកឡេីងថា បន្ទាប់ពីធ្វេីការសិក្សាស្រាវជ្រាវ ឃេីញថាមានភាពមិនប្រក្រតីមួយចំនួន ហេីយឯកឧត្តម និងធ្វេីរបាយការណ៍ដាក់ជូនប្រមុខថ្នាក់ដឹកនាំឲ្យលោកបានជ្រាបនូវបញ្ហាទាំងនោះ។

ជុំវិញបញ្ហាខាងលេី​ បងប្អូនប្រជាពលរដ្ឋក្នុងភូមិថ្មសំលៀងទាំងមូល សូមថ្លែងអំណរអរគុណដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានបង្កេីតឧត្តមក្រុមប្រឹក្សានេះឡេីង គឺដើម្បីជួយឲ្យពលរដ្ឋមានភាពយុត្តិធម៌ និងមានឱកាសទាមទារកយុត្តិធម៌ត្រឡបមកវិញ។

ពួកគាត់ទាំងអស់គ្នាសង្ឃឹមនិងជឿរជាក់យ៉ាងមុតមាំថា បន្ទាប់ពីឆ្លងកាត់ការសិក្សាស្រាវជ្រាវរបស់ឧត្តមក្រុមប្រឹក្សាពិគ្រោះនិងយោបល់ នៃគណៈបក្សខ្មែរអភិវឌ្ឍន៍សេដ្ឋកិច្ច ពិតជាអាចផ្តល់ភាពយុត្តិធម៌ឲ្យពួកគាត់បានជាក់ស្តែងមិនខាន៕