ថ្ងៃព្រហស្បតិ៍ ទី១៣ ខែមិថុនា ឆ្នាំ២០៥០
គេហទំព័រ សម្រែកយុត្តិធម៌
លោកស្រី ញាំ សុភី អតីតស្មៀនឃុំ សែនមនោរម្យ លើកឡើងអំពីការឈឺចាប់របស់ខ្លួនដែលត្រូវបានអភិបាលស្រុកអូររាំង ដកខ្លួនចេញពីសាលាឃុំ ទាំងមិនបានដឹងថា ខ្លួនមានកំហុសអ្វី
Sun,12 January 2020 (Time 06:14 PM)
ដោយ ៖ សុវណ្ណ (ចំនួនអ្នកអាន: 985នាក់)

នៅក្នុងឱកាសដែលក្រុមការងារឧត្តមក្រុមប្រឹក្សាពិគ្រោះ និងផ្ដល់យោបល់ មកពីប្រតិភូគណបក្សពន្លឺថ្មី អមដំណើរដោយក្រុម លេខាធិការដ្ឋាននាយករដ្ឋមន្ត្រី ប្រចាំវិមានសន្តិភាព និងក្រុមអ្នកសារព័ត៌មានផងដែរនោះ កាលពីថ្ងៃទី១០ មករា ឆ្នាំ២០២០ បានចុះសិក្សាស្រាវជ្រាវករណីដកតួនាទីលោកស្រី ញាំ សុភី ស្មៀនឃុំសែនមនោរម្យ ស្រុកអូររាំង ចេញពីការងារឃុំ នៅក្នុងឱកាសនោះ ក្រុមអ្នកសារព័ត៌មានជាច្រើនបានធ្វើបទសម្ភាសជាមួយលោកស្រី ញាំ សុភី អតីតស្មៀនឃុំសែនមនោរម្យ ដើម្បី បានជ្រាបជាមុខការ ។

នៅចំពោះការធ្វើបទសម្ភាសន៌ លោកស្រី ញាំ សុភី បានរៀបរាប់ ទាំងការឈឺចាប់ដោយអួលដើមករ និងទឹកភ្នែករលីងរលោង លោកស្រី ពិតជាស្រណោះខ្លួនពេកណាស់ ព្រោះលោកស្រីមិនដឹងថាខ្លួនលោកស្រីខុសអ្វីនោះទេ ស្រាប់តែនៅសុខៗ រូបលោក ស្រីត្រូវបានថ្នាក់ដឹកនាំខេត្តដកលោកស្រី ដោយយោងតាមរបាយការណ៌របស់លោក សៀក មន្នី អភិបាលស្រុកអូររាំង ។

លោកស្រីបានចាត់ទុកថា នេះជារឿងដ៏អយុត្តិធម៌បំផុតសម្រាប់រូបលោកស្រី ក្នុងដំណែងជាស្មៀនឃុំ ដែលបំរើសេវាសាធារណៈដល់ប្រជាពលរដ្ឋអស់រយ:ពេលជិត៧ឆ្នាំកន្លងមកហើយនោះ ហើយមូលហេតុដែលរូបលោកស្រីហួសចិត្ត និងឈឺចាប់ផងដែរ នោះ គឺគ្រាន់តែរូបលោកស្រីមិនបានបោះត្រាលើឯកសារដីធ្លី ដែលមានភាពមិនប្រក្រតី ព្រោះជាដីចំការស្រល់របស់រដ្ឋ តាមការចង់បានរបស់បុគ្គលមួយចំនួន ទើបធ្វើឲ្យរូបលោកស្រីរងគ្រោះដល់ពេលនេះ ។

លោកស្រីបានរៀបរាប់ទាំងទឹកភ្នែកថា លោកស្រី គោរព ស្រលាញ់ ចូលចិត្តលោកអភិបាលស្រុក សៀក មុនី ខ្លាំងណាស់ ហេតុអីត្រូវលោកអភិបាលស្រុកម្នាក់នេះ បញ្ជាឲ្យដកដំណែងលោកស្រីទាំងតក់ក្រហល់បែបនេះទៅវិញ តើរូបលោកស្រីខុសអ្វី ?
នៅចំពោះមុខថ្នាក់ដឹកនាំខេត្ត គេបានឃើញរូបលោក សៀក មន្នី និយាយដោះសារថា ស្មៀនឃុំធ្វើការយឺតឯកសារ ហើយមានពលរដ្ឋប្ដឹង ទើបក្រុមប្រឹក្សាឃុំសែនមនោរម្យ ប្រជុំដកស្មៀនតែម្ដង ប៉ុន្តែនៅពេលឧត្តមក្រុមប្រឹក្សាសួររកពាក្យបណ្ដឹងរបស់ពលរដ្ឋ លោក សៀក មន្នី បែរជាថា គ្មានទៅវិញឲ្យឆ្កុយ ចំណែកលោកស្រី ញាំ សុភី និយាយថា ការដករូបលោកស្រីចេញពីស្មៀនឃុំ គឺមិនមានអង្គប្រជុំក្រុមប្រឹក្សាឃុំអ្វីនោះទេ ។

ក្នុងនោះដែរមានសំណួរជាច្រើន បានសួរទៅលោកស្រីមេឃុំថា តើការដកដំណែងស្មៀនឃុំនេះ មានជាប់ពាក់ព័ន្ធលោកអភិបាល ស្រុកដែរឬទេ ? លោកស្រីមេឃុំឆ្លើយថា មិនមានជាប់ពាក់ព័ន្ធ និងលោក សៀក មុន្នី អភិបាលស្រុកអូររាំងនោះទេ ប៉ុន្តែខាងក្រុមការងារមានខ្សែអាត់សំលេងរបស់លោកស្រីមេឃុំថា ការដកស្មៀននេះ គឺខាងអភិបាលស្រុកបញ្ជាមក បើលោកស្រីប្រកែក ខ្ញុំនិងចាក់សំលេងឲ្យស្ដាប់ឡើងវិញ ខណ:នេះអ្នកស្រីមេឃុំ ស្ទើរគាំងបេះដូង ឆ្លើយលែងរួច ។

ជាលទ្ធផល នៅក្នុងកិច្ចពិភាក្សានោះ លោក សៀក មុន្នី ក៏បានទទួលកំហុសផងដែរ ហើយរូបលោកនឹងធ្វើការកែប្រែឡើងវិញ ហើយទោះជាយ៉ាងណាក្រុមការងារ ស្នើសុំឲ្យមានការតែងតាំងការងារសមស្របណាមួយឡើងវិញ ដល់រូបលោកស្រី ញាំ សុភី អតីតស្មៀនឃុំ ដែលបានដកទាំងអយុត្តិធម៌ ដោយមិនត្រូវទុកនៅកន្លៀតជញ្ជាំងដូចជាខ្មោចដែលស្លាប់ហើយ រកកន្លែងចាប់ជាតិអត់ឃើញដូចអញ្ចឹងនោះទេ ។

ទោះជាយ៉ាងណាក្តី អង្គភាពខ្លាប៉ុស្តិ៍ និងព្យាយាមយកអំពីចំណាត់ការថ្នាក់ដឹកនាំបន្តទៀត ផ្សាយជូនមហាជនជ្រាបនៅពេលខាងមុខ ៕

ព័ត៌មានគួរចាប់អារម្មណ៍

លោក ស សុខា បង្កើត​គណៈកម្មការ​ស៊ើបអង្កេត​ករណី​ដោះលែង​ជនជាតិ​ចិន​៨​នាក់​លួច​ឆ្លងដែន​ចូល​ខេត្ត​ស្ទឹងត្រែង! (vojhotnews)

ព័ត៌មានគួរចាប់អារម្មណ៍

រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)

ព័ត៌មានគួរចាប់អារម្មណ៍

កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)

ព័ត៌មានគួរចាប់អារម្មណ៍

សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)

ព័ត៌មានគួរចាប់អារម្មណ៍

កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)

វីដែអូ

ចំនួនអ្នកទស្សនា

ថ្ងៃនេះ :
46 នាក់
ម្សិលមិញ :
286 នាក់
សប្តាហ៍នេះ :
957 នាក់
ខែនេះ :
3628 នាក់
3 ខែនេះ :
20393 នាក់
សរុប :
561625 នាក់