គួរឲ្យកោតសសើរជាខ្លាំងណាស់ នៅពេលដែលគេបានឃើញរូបលោកឧត្តមសេនីយ៌ ស ថេត ស្នងការនគរបាលរាជធានីភ្នំពេញហ៊ានចេញមុខបង្ក្រាបល្បែងហ្គែមអនឡាញយ៉ាងច្រើន ជាពិសេសនោះ គឺហ្គែមបាញ់ត្រីស៊ីសង ដែលកំពុងពង្វក់ឲ្យមនុស្សជា ច្រើនញៀន ស្ទើរតែមិនអាចដកខ្លួនបាន ។ការចុះអនុវត្តន៌យ៉ាងសកម្មរបស់សមត្ថកិច្ចក្រោមការដឹកនាំដ៏ម៉ឺងម៉ាត់របស់លោកឧត្តមសេនីយ៌ស្នងការនគរបាល គឺស្របទៅតាមសេចក្តីសម្រេចរបស់រាជរដ្ឋាភិបាលចុះថ្ងៃទី៣០ ខែសីហា ឆ្នាំ២០១៩ ដោយកំណត់បិទទីតាំងល្បែងអនឡាញឲ្យអស់នៅក្នុងទឹកដីកម្ពុជា ដែលកំពុងបានធ្វើឲ្យមហាជនជាច្រើនមានការស្ញប់ស្ញែងទៅ នឹងការសម្រេចរបស់រាជរដ្ឋាភិបាលយ៉ាងខ្លាំង។ក្រោយពេលដែលចេញសេចក្តីសម្រេចមួយនេះ គេបានឃើញទឹកដីខេត្តព្រះសីហនុ មានទីតាំងល្បែងហ្គែមបាញ់ត្រីជាច្រើនកន្លែងត្រូវបានបិទទ្វារ ហើយក៏មានទីតាំងមួយចំនួនទៀតក៏ត្រូវបានសមត្ថកិច្ចបង្ក្រាបចាប់ទាំងសម្ភារៈ និងចាប់ទាំងមនុស្សផងដែរ ។ មិនត្រឹមប៉ុណ្ណោះ បើក្រលែកមកមើលទឹកដីរាជធានីភ្នំពេញ គេបានឃើញស្ទើរគ្រប់កន្លែង រួមទាំងមណ្ឌលកម្សាន្តកោះពេជ្រផងដែរក៏ត្រូវបានបង្ក្រាបយ៉ាងមានប្រសិទ្ធភាព ផ្ទុយទៅវិញដោយឡែកតែទីតាំងល្បែងហ្គែមបាញ់ត្រីមួយកន្លែងស្ថិតនៅក្នុងផ្សារស៊ីធីម៉លនៅជាន់ទី២ និងជាន់ទី៣ គឺប្រមាណជិត២០ទូរ គឺត្រូវបានគេបើកឲ្យមនុស្សចូលលេងយ៉ាងកងរំពង ក្រោមលេសល្បែងកម្សាន្ត។តាមប្រភពពីពលរដ្ឋអ្នកដែលចូលលេងបានឲ្យដឹងថា ថៅកែទីតាំងខាងលើ គឺមានទាំងជនជាតិចិន និងមានទាំងអ្នកមានអំណាចក្នុងស្រុកខ្មែរ ដែលឈរកាង ២៤ម៉ោងលើ២៤ម៉ោង បើទោះជាទីតាំងផ្សេងៗត្រូវបានបិទ ប៉ុន្តែទីខាងលើនេះ គឺមិនអាចបិទនោះទេជាហេតុធ្វើមនុស្សមានទាំងក្មេងមានទាំងចាស់ នាំគ្នាចូលលេងល្បែងភ្នាល់ស៊ីសងបាញ់ត្រីមួយនេះ ដូចទឹកហូរបាក់ទំនប់យ៉ាងអញ្ចឹង ។ប្រភពពីអ្នកលេងបានខ្សឹបបន្តទៀតថា ថៅកែទីតាំងល្បែងខាងលើបានអួតថា ខ្លួនចំណាយលុយដោះឲ្យសមត្ថកិច្ចស៊ីតាមជំនាញគិតក្នុងមួយខែៗ រាប់ម៉ឺនដុល្លាឯណោះ ចឹងហើយទើបរូបគេអាចឈរជើងបានយ៉ាងអញ្ចឹង ។ប្រជាពលរដ្ឋជាច្រើនបាននាំគ្នារិៈគន់ថា ពួកគាត់ងឿងឆ្ងល់ណាស់ តើមូលហេតុអ្វីបានជាសេចក្តីសម្រេចរបស់រាជរដ្ឋាភិបាល ក្នុងករណីបិទល្បែងអនឡាញនេះ អត់មានប្រសិទ្ធភាពអ្វីនៅលើផ្សារស៊ីធីម៉ល ឬមួយថា សេចក្តីសម្រេចរបស់រាជរដ្ឋាភិបាល មានប្រសិទ្ធិភាពអនុវត្តន៌លើតែមនុស្សអត់អំណាច អត់ខ្នងបង្អែក ហើយចំពោះបុគ្គលមានឥទ្ធិពល បែរជាអាចបន្តលេងបានយ៉ាងរលូនចឹងៗមែន ។ទោះជាយ៉ាងណាក្តី សម្រាប់ព័ត៌មានខាងលើនេះ អង្គភាពយើងមិនអាចព្យាយាមសុំការបំភ្លឺពីបុរសដែលជាថៅកែទីតាំងខាងលើ បាននៅឡើយទេ ក្នុងថ្ងៃនេះ ៕
ព័ត៌មានគួរចាប់អារម្មណ៍
ករណីរឿងពុករលួយដ៏ធំរបស់ប្រធានមន្ទីរធនធានទឹកខេត្តបាត់ដំបង កឹបកេងថវិកាជាតិខ្ទង់ជាង១០០០លានរៀល យកធ្វើអ្នកមានធំម្នាក់ឯង គួរស្ថាប័នពាក់ព័ន្ធពិនិត្យផង ! (vojhotnews)
បនល្បែងទឹកភ្លៀងល្មើសើច្បាប់នៅឯភ្នំពេញ អាចលេងល្បែងទឹកភ្លៀងល្មើសច្បាប់(ច្បាប់តឹង ច្បាប់ធូរ)ដោយសេរី គណបញ្ជាការឯកភាពរដ្ឋបាលក្រុងភ្នំពេញ មានឆន្ទះបែបណា«កន្ទេលធំ បន្លំដេក ឬត្រូវយកច្បាប់ជាធំ»? (vojhotnews)
អំពើពុករលួយរបស់លោក នូ ស៊ីថា ឡើងកាន់តំណែងជាមេគយចល័តទូទាំងប្រទេសភ្លាមផ្អើលអ្នករកស៊ីតូច ធំ ករណីប្រើជនស៊ីវិលជាច្រើននាក់អោយដើរបង្ក្រាបបទល្មើសគយយកលុយគ្រប់ច្រកល្ហកជាពិសេសផ្លូវជាតិនិងតាមច្រកព្រំដែន.! (vojhotnews)
រះភិក្ខុជោតញ្ញាណោ អ៉ឹង ប៊ុនហ៊ូវ ថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨៨ព្រះវស្សា យាងចូល ៨៩ព្រះវស្សា (vojhotnews)
សមត្ថកិច្ចក្រុងភ្នំពេញមិនបង្ក្រាបបនល្បែងទឹកភ្លៀងល្មើសច្បាប់ កណ្តាលទីក្រុង នាំអោយបទបញ្ជាសម្តេចបវរធិបតីហ៊ុន ម៉ាណែត នាយករដ្ឋមន្ត្រីថ្មី សាបដូចទឹកមាត់ខ្យង? (vojhotnews)
វីដែអូ
ចំនួនអ្នកទស្សនា