ទោះជាយ៉ាងណាអារម្មណ៌តក់ស្លុករបស់ប្រជាពលរដ្ឋក្នុងទឹកដីខេត្តមណ្ឌលគិរី គឺនៅតែមានដក់នៅក្នុងចិត្តជានិច្ច នៅពេល ដែលពួកគាត់បានឃើញហេតុការណ៌គ្រោះថ្នាក់ចរាចរមួយយ៉ាងរន្ធុតនៅចំពោះមុខយ៉ាងនឹង ។ គិតត្រឹមថ្ងៃទី០៣ ខែមករា ឆ្នាំ២០២០ នេះ ជនរងគ្រោះក្នុងករណីក្រឡាប់រថយន្តដឹកសម្ភារៈរោងការ ត្រូវបានស្លាប់បាត់បង់ជីវិតចំនួន២នាក់ ខណៈ ដែលមនុស្សចំនួន១៧នាក់ផ្សេងទៀត រងរបួសមានទាំងធ្ងន់និងស្រាលដេករណូករណែល ហើយកំពុងបន្តសង្រ្គោះក្នុងមន្ទីរ ពេទ្យខេត្តមណ្ឌលគិរី ។តាមសេចក្តីរាយការណ៌ចេញពីខេត្តមណ្ឌលគិរី បានឲ្យដឹងថា រថយន្ត និងត្រូវដឹកសម្ភារៈបម្រើដល់កម្មវិធីអាពាហ៍ពិពាហ៍មួយ ក្នុងទឹកដី នៃឃុំប៊ូស្រា ស្រុកពេជ្រាដា ហើយក៏ជួបឧប្បទេវហេតុនេះ ធ្វើមានករណីមនុស្សស្លាប់ និងរងរបួស យ៉ាងរន្ធុតមួយ នេះតែម្តង ។បើតាមរបាយការណ៌ការិយាល័យចរាចរណ៍ នៃស្នងការដ្ឋាននគរបាលខេត្តមណ្ឌលគិរី អះអាងថា កាលពីវេលាម៉ោង ៦ និង ៣០នាទី ល្ងាចថ្ងៃទី២ខែ មករា ឆ្នាំ២០២០ ចំណុចអូរតេ ក្នុងភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី មានករណីគ្រោះថ្នាក់ចរាចរណ៍ កើតឡើងដោយរថយន្តដឹករោងការក្រឡាប់ដោយខ្លួនឯង ។សមត្ថកិច្ចបន្តថា មូលហេតុដែលធ្វើឲ្យរថយន្តនោះក្រឡាប់ គឺព្រោះតែបើកបរលឿន ក្នុងស្ថានភាពផ្លូវចំទីកន្លែងចំណោទ និងផ្លូវកោងខ្លាំង ដោយតៃកុងពុំសូវស្គាល់ផ្លូវ ទើបរេចង្កូតបណ្តាលឲ្យក្រឡាប់តែម្តង ។រថយន្តរងគ្រោះថ្នាក់នោះ គឺប្រភេទម៉ាក hyundai ព៌ណស ស្លាកលេខ3A 0067ខេត្តក្រចេះ រួមដំណើរសរុបចំនួន១៩នាក់ ស្រី ០៥នាក់ ហើយបច្ចុប្បន្ន ត្រូវរងរបួសធ្ងន់ស្រាល១៧នាក់ ស្លាប់ស្ត្រីម្នាក់នៅនិងកន្លែងហើយបុរសម្នាក់ទៀត ដឹកដល់មន្ទីរ ពេទ្រក៏ត្រូវបានស្លាប់ផងដែរ ។ក្រោយពេលកើតហេតុ គេបានឃើញថ្នាក់ដឹកនាំខេត្តមណ្ឌលគិរី ដែលដឹកនាំដោយរូបលោក ស្វាយ សំអ៊ាង អភិបាល នៃគណៈអភិបាលខេត្ត បានចុះសួរសុខទុក្ខ និងផ្តល់ប្រាក់ឧបត្ថម្ភ ចូលរួមរំលែកទុក្ខ ផងដែរ ៕
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា