ថ្មីៗនេះបែកធ្លាយព័ត៌មានមកថា ដីព្រៃជាច្រើនរយហិកតាស្ថិតនៅចំណុចតំបន់ស ជាប់ទៅនឹងព្រៃឡង់ ដែល ពលរដ្ឋស្គាល់ថាជាចំ ណុច(កដប) នៅខាងលិចត្រពាំងកកោះ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ កំពុងមានគ្រឿងចក្រជាច្រើនគ្រឿង បានចុះឈូសឆាយស្ទើរតែរលាយព្រៃទៅហើយ ប៉ុន្តែគេមិនធ្លាប់ឃើញមាន អាជ្ញាធរសមត្ថកិច្ចថ្នាក់ណា បានអើពើរវីរវល់នោះឡើយ ។

ប្រជាពលរដ្ឋដែលរស់នៅក្បែរនឹងទីតាំងខាងលើ បាននិយាយថា ករណីខាងលើនេះ ពួកគាត់បានឃើញគ្រឿងចក្រ
នោះ គឺបានធ្វើសកម្មភាពឈូសឆាយរយៈពេលយូរណាស់ហើយ ប៉ុន្តែពួកគាត់មិនឃើញអាជ្ញាធរ ឬក៏សមត្ថកិច្ចរូប
ណាអើពើទប់ស្កាត់ជាមួយសកម្មភាពឈូសឆាយព្រៃទាំងអស់នេះទេ គឺសមត្ថកិច្ចជំនាញតែងមានសភាពឲ្យត្រ ជាក់ល្ហឹមជានិច្ច ក្លាយជាភាពអយុត្តិធម៌ថា ប្រសិនបើពួកគាត់ដែលជាពលរដ្ឋធម្មតា សាកហ៊ានកាប់ទន្ទ្រានដីព្រៃ ត្រឹមតែមួយម៉ែត្រ ពីរម៉ែត្រ យកជាកម្មសិទ្ធិសាកមើល បើមិនជាប់គុក ដោយអស់លោកមន្ត្រីជំនាញសូត្រច្បាប់ឲ្យ ស្តាប់ផ្អើលមេឃដែរ ប៉ុន្តែត្រង់ក្រុមឈ្មួញសម្បូរទឹកលុយដាក់គ្រឿងចក្រឈូសព្រៃឲ្យរញ្ជួយស្រុកព្រែកប្រសប់ទៅ ហើយ គេឃើញអស់លោកអាជ្ញាធរ និងសមត្ថកិច្ច ពាក់ព័ន្ធនោះ គឺស្ងាត់ស្ងៀមបានយ៉ាងល្អណាស់ ។

ទាក់ទិនទៅនឹងការរាយការណ៌របស់ប្រជាពលរដ្ឋនេះផងដែរ នៅពេលដែលក្រុមអ្នកសារព័ត៌មានបានទៅដល់ចុះ ផ្តិតយករូបភាព គឺក្រុមអ្នកបើកបរគ្រឿងចក្របានរត់គេចខ្លួនអស់ បន្សល់ទុកតែគ្រឿងចក្រឲ្យពេញព្រៃតែ ប៉ុណ្ណោះ ទើបក្រុមអ្នកសារព័ត៌មាន បានព្យាយាមខលរាយការណ៌ទៅរូបលោក ឆាយ ឌួងសាវុធ ប្រធានមន្ទីរបរិ ស្ថានខេត្ត នៅពេលនោះគ្រាន់តែដឹងថា អ្នកសារព័ត៌មានខលរាយការណ៌ រូបលោកបាននិយាយ អាឡូៗ ធ្វើដូច អត់ឮហើយ ក៏បិទទូរស័ព្ទខលលេងចូលតែម្តង ចំណែកលោក ហាក់ វិបុល ដែលជាមន្ត្រីទទួលការពារចំណុចព្រៃ ឡង់ ក៏សំដែង ធ្វើជាស្តាប់ទូរស័ព្ទមិនបានដូចគ្នា នៅទីបំផុតរូបលោក ហង្ស ចាន់ឌី អភិបាលស្រុកព្រែកប្រសព្វ នៅពេលដែលក្រុមអ្នកសារព័ត៌មានខលចូល រូបលោកក៏មិនបានទទួលទូរស័ព្ទដូចគ្នា កាលពីថ្ងៃទី១០ កុម្ភៈ ២០២០ ម្សិលមិញនេះ ។

ទោះជាយ៉ាងណា ប្រជាពលរដ្ឋរស់នៅក្នុងព្រែកប្រសព្វ សំណូមពរដល់លោកនាយករដ្ឋមន្ត្រី ហ៊ុន សែន ដែលជា ថ្នាក់ដឹកនាំកំពូលរបស់ប្រទេសកម្ពុជា សូមមេត្តាជួយមានចំណាត់ការរិតបណ្តឹង លើមន្ត្រីថ្នាក់ដឹកនាំមូលដ្ឋានមួយ ចំនួន នៅក្នុងទឹកដីខេត្តក្រចេះផង បើមិនដូច្នោះទេ បទបញ្ជាឲ្យបង្ក្រាបបទល្មើសឈូសឆាយទន្ទ្រានយកដីរដ្ឋនោះ ពិតជាអស់ប្រសិទ្ធិភាព ព្រោះតែបុគ្គលដែលជាសមត្ថកិច្ចមួយចំនួន លួចស៊ីរបៀបត្រីងៀតឆ្លៀតពង ដដែល ។

សម្រាប់ព័ត៌មាននេះផងដែរ អង្គភាពព័ត៌មានយើង នៅមិនអាចទំនាក់ទំនងបានការបំភ្លឺពីរូបលោក វ៉ា ថន អភិ បាល នៃគណៈអភិបាលខេត្តក្រចេះនៅឡើយទេ ក្នុងថ្ងៃនេះ ៕