នៅព្រឹកថ្ងៃទី២៣ ខែ កុម្ភ: ឆ្នាំ២០២០ ម្សិលមិញនេះ លោក ប្រាក់ សុវណ្ណ អភិបាលខេត្តព្រះវិហារ រួមនិងលោកអភិបាលរងខេត្ត ព្រមទាំងលោក សំ លាងទ្រីប្រធានមន្ទីរសាធារណៈការនឹងដឹកជញ្ជូនខេត្ត ព្រមទាំងអស់លោក ដែលជាប្រធាន អនុប្រធានមន្ទីរ អង្គភាពនានាជំុវិញខេត្ត នឹងអាជ្ញាធរដែលពាក់ពន្ធ័ជាច្រើនរូបផងដែរនោះ បានអញ្ជើញចុះទៅពិនិត្យស្ពានឈើចាស់ទ្រុឌទ្រោមមួយកន្លែងនៅចំណុចស្ទឹងស្ដៅ ដែលស្ពានខាងលើនេះមានទីតាំងចន្លោះភូមិសុច តភ្ជាប់ទៅភូមិធ្លក ស្ថិតក្នុងឃុំស្ដៅ ស្រុកសង្គមថ្មី ខេត្តព្រះវិហារ។

បើតាមការបញ្ជាក់ពីលោកអភិបាលស្រុកសង្គមថ្មី បានឲ្យដឹងថា ស្ពានខាងលើនេះជាស្ពានដែលសាងសង់អំពីឈើហើយមានសភាពចាស់ទ្រុឌទ្រោម នឹងនៅដាច់ស្រយ៉ាលពីទីប្រជំុជនទៀតផង ហើយម៉្យាងវិញទៀតនៅតំបន់ខាងលើនេះ សំបូរទៅដោយព្រៃផងនោះ ទើបនៅថ្ងៃទី២១ កុម្ភ: ឆ្នាំ២០២០ មានអគ្គឺភ័យដែលបង្ក ឡើងដោយសារតែភ្លើងឆេះព្រៃ ទើបធ្វើឲ្យរាលដាលមកឆេះដល់ស្ពានខាងលើនេះ បណ្តាលឲ្យខួចខាតទាំងស្រុង ដោយមិនអាចឲ្យប្រជាពលរដ្ឋធ្វើចរាចរទៅមកបាន។

ដោយទទួលបានព័ត៌មាននេះភ្លាម លោក ប្រាក់ សុវណ្ណ អភិបាលខេត្តក្នុងនាមរូបលោកដែលជាថ្នាក់ ដឹកនាំខេត្ត ដែលតែងតែយកចិត្តទុកដាក់លើសុខទុករបស់ប្រជាពលរដ្ឋជាធំ រូបលោក ក៏បានដឹកនាំមន្ត្រីក្រោមឱវាទរបស់ខ្លួន ចុះទៅពិនិត្យដល់ទីតាំងខាងលើដោយផ្ទាល់ ។

ជាមួយគ្នានេះ រូបលោកក៏បានដាក់បទបញ្ជាឲ្យមន្ទីរសាធារណការ និងដឹកជញ្ជូនខេត្តសាងសង់ជាស្ពានបាឡេដែមានបណ្តោយប្រវែង៥០ ម៉ែត្រជូនដល់បងប្អូននៅតំបន់ខាងលើ ទុកជាចំណងដៃសម្រាប់ដើមឆ្នាំ២០២០នេះផងដែរ។

ឆ្លៀតក្នុងឱកាសនោះ លោកអភិបាលខេត្ត ក៏បានធ្វើ
ការផ្តាំផ្ញើរដល់អាជ្ញាធរគ្រប់លំដាប់ថ្នាក់ក៏ដូចជាប្រជា ពលរដ្ឋធ្វើយ៉ាងណា មេត្តាចូលរួមប្រុងប្រយត្ន័អោយបានខ្ពស់លើបញ្ហាគ្រោះអគ្គឺភ័យនេះ ដោយរូបលោកបញ្ជាក់បន្ថែមថា ដោយក្នុងភូមិសាស្ត្រខេត្តព្រះវិហារបស់យើងនេះសំបូរទៅដោយព្រៃក្រាស ហើយដោយរដូវនេះវាជារដូវប្រាំងផងនោះ អញ្ចឹងករណីអគ្គឺភ័យនេះវាងាយនឹងបង្កឡើងខ្លាំងណាស់ ៕