ថ្មីៗនេះមានការលេចឮបែកធ្លាយពីទីតាំងសង្វៀនជល់មាន និងលេងអាប៉ោងខុសច្បាប់ ថាមានមេការកាងល្បែង មួយរូបបានអួតថា ចង់អ្នកព័ត៌មានផ្សាយប៉ុន្មានកាឆេ ក៏ដោយក៏ពួកគេអត់ខ្វល់នោះដែរ ព្រោះពួកគេបានត្រូវរ៉ូវ
ជាមួយអាជ្ញាធរថ្នាក់ស្រុក និងអាជ្ញាធរថ្នាក់ខេត្តព្រៃវែង រួចរាល់អស់ហើយ យ៉ាងច្រើនណាស់បើព័ត៌មានផ្សាយ ច្រើនពេក ពួកគេគ្រាន់ប្តូរទីតាំងកន្លែងលេងទៅ វាចប់បាត់ទៅហើយ ខ្វល់ធ្វើអី ។

ស្របពេលទៅនឹងការអួត និងបោះសម្តីពីមេការរូបនោះ ប្រភពបានប្រាប់ឲ្យដឹងថា ទីតាំងសង្វៀនជល់មាន់ និង លេងអាប៉ោងខុសច្បាប់នេះ នៅរៀងរាល់ថ្ងៃនេះ គឺមានមនុស្សចូលលេងឲ្យភ្លូកទឹកភ្លូកដីខ្លាំងណាស់ គេមិនធ្លាប់ ឃើញអស់លោកសមត្ថកិច្ចមូលដ្ឋានអើពើនោះឡើយ ។

ប្រភពបែកធ្លាយពីទីតាំងសង្វៀនជល់មាន់នេះបានឲ្យដឹងថា មេការល្បែងខុសច្បាប់នេះ បានចាត់ចែងស្រោមសំ បុត្រជូនមន្ត្រីជាន់ខ្ពស់ក្នុងស្នងការខេត្តព្រៃវែងមួយរូប ទើបពួកគេអាចដំណើការលេងបានយ៉ាងម៉ាសេរីបែបនឹង
ហើយមួយវិញទៀត ក្រុមអ្នកញៀនល្បែងទាំងអស់ក៏ល្បីផងដែរ មានបុគ្គលអ្នកសារព័ត៌មានមួយចំនួនក៏នៅក្នុង ការសម្របសម្រួលឲ្យទីតាំងសង្វៀនជល់មាន់នេះ បានដំណើការយ៉ាងលូនផងដែរ ។

ទីតាំងល្បែងសង្វៀនជល់មាន់និងអាប៉ោងដ៏ធំខាងលើ ត្រូវបានគេដឹងថា នៅខាងក្រោយអាស្រមលោកយាយស្គរធំ ដែលស្ថិតនៅភូមិកំពង់ឬស្សី ឃុំកំពង់ឫស្សី ស្រុកពោធិ៍រៀង ខេត្តព្រៃវែង ហើយជារៀងរាល់ថ្ងៃមានការដឹកជញ្ជូន មាន់យ៉ាងអាណាធិបតេយ្យ ប៉ុន្តែគេមិនដែលឃើញមានសមត្ថកិច្ចអាជ្ញាធរដែលពាក់ព័ន្ធមួយណាហ៊ានយកភ្នែក មើលទេ ដែលក្លាយជាមន្ទិលសង្ស័យថា តើអាចមានមន្ត្រីនគរបាលជាន់ខ្ពស់ក្នុងស្នងការ ដូចទៅនឹងពាក្យល្បីនៅ
ក្នុងសង្វៀនពិតមែនដែរឬយ៉ាងណា ។

ទោះជាយ៉ាងណា ព័ត៌មាននេះ នៅត្រឹមតែជាព័ត៌មានបឋមប្រភពស្នើសុំឲ្យអង្គភាពព័ត៌មាន ផ្សាយចែករំលែកជូន ថ្នា់ដឹកនាំជ្រាប ក្នុងគោលបំណងកែលំអរសង្គម ប្រសិនបើសាម៉ីស្ថាប័នទាំងឡាយណា ដែលអះអាងថា ព័ត៌មាន ខាងលើនេះ មិនសុក្រិតសម្រាប់ខ្លួន អាចទំនាក់ទំនងការិយា់័យនិពន្ធយើងបាន នៅរៀងរាល់ម៉ោងធ្វើការ ៕