អណ្តូងទឹកមួយកន្លែង ដែលមានទីតាំងស្ថិតនៅជិកច្រកផ្សារតំបន់អានសេះ ក្នុងឃុំជាំក្សាន្ត ស្រុកជាំក្សាន្ត ខេត្ត ព្រះវិហារ ដែលអណ្តូងទឹកនេះ ប្រជាពលរដ្ឋរស់នៅជិតតំបន់ខាងលើ តែងតែដងទឹកនោះយកមកប្រើប្រាស់ជា ប្រចាំថ្ងៃ តែមួយរយៈពេលប៉ុន្មានថ្ងៃនេះ ត្រូវបានទាហានឈុតខ្មៅខាងភាគីថៃ ធ្វើការហាមប្រាមមិនឲ្យប្រជា ពលរដ្ឋខាងភាគីកម្ពុជា ដងទឹកនោះយកមកប្រើប្រាស់បាននោះឡើយ ។ មិនតែធ្វើការហាមឃាត់នោះទេ ពួកគេថែមទាំងយកលួសបន្លា មករាយព័ទ្ធទីតាំងអណ្តូងខាងលើនោះទៀត ផង ។ ក្រោយទទួលបានព័ត៏មានពីប្រជាពលរដ្ឋ ក៏ដូចកំលាំងខ្សែរត្រៀមជួរមុខ នូវករណីបែបនេះ លោក ស៊ូ សេរី អភិបាលរងខេត្តព្រះវិហារ តំណាងដ៏ខ្ពង់ខ្ពស់លោក ប្រាក់ សុវណ្ណ អភិបាល នៃគណៈអភិបាលខេត្ត ព្រះវិហារ បានដឹកនាំក្រុមកាងារថ្នាក់ខេត្ត អញ្ជើញឡើងជួបពិភាក្សាជាមួយភាគីថៃ ដើម្បីរកដំណោះស្រាយ បានទាន់ពេលវេលា ក្នុងនោះថ្នាក់ដឹកនាំខាងភាគីកម្ពុជា បានលើកសំណួរទៅកាន់ភាគីថៃថា ហេតុអ្វីបាន ខាងភាគីថៃបិទអណ្តូងទឹកខាងលើនោះ ដោយមិនឲ្យប្រជាពលរដ្ឋប្រើប្រាស ហើយខាងភាគីថៃបានឆ្លើយមក ខាងភាគីកម្ពុជាវិញថា នេះជាបទបញ្ជាថ្នាក់លើរបស់គេ បញ្ជាឲ្យបិទ ។ហើយមូលហេតុបណ្តាលឲ្យពួកគេដែលឈរនៅខ្សែរត្រៀមជួរមុខនេះបិទអណ្តូងនោះ គឺដោយពួកគេថាមក ពីឃើញប្រជាពលរដ្ឋខាងភាគីកម្ពុជា បានសង់ជាខ្ទមនៅលើតំបន់ហាមឃាត់ ទើបពួកគេឈានទៅដល់ការ បិទអណ្តូងទឹកយ៉ាងដូច្នេះនោះ ។ក្រោយកិច្ចជំនួបពិភាក្សាក្នុងភាពជាថ្នាក់ដឹកនាំក្នុងនាមជាប្រទេសជិតខាងនោះ លោកអភិបាលរងខេត្ត ក៏បាន ស្នើរសុំខាងភាគីថៃឲ្យបើកអណ្តូងទឹកនោះឡើងវិញ ហើយខាងភាគីកម្ពុជាក៏ឲ្យប្រជាពលរដ្ឋរបស់ខ្លួនរុះរើខ្ទម ចេញពីលើដីតំបន់ហាមឃាត់នោះដែរ ។ដោយភាគីទាំងពីរបានឯកភាពគ្នាជាឯកឆ័ន្ទលើចំណុចទាំងពីរខាងលើរៀងៗខ្លួន នេះបើតាមកាបញ្ជាក់ពី លោកអភិបាលរងខេត្តព្រះវិហារ បានឲ្យអ្នកសារព័ត៌មានយើងដឹងនៅព្រឹកថ្ងៃទី៩ ខែមេសា ឆ្នាំ២០២០នេះ ថា ខាងភាគីថៃព្រមបើកផ្លូវដែលខ្លួនបានបិតបរិវេណអណ្តូងទឹកនៅថ្ងៃទី៨ ខែមេសា ឆ្នាំ២០២០នេះ វិញហើយ ៕
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា