ថ្ងៃសុក្រ ទី២៩ ខែកញ្ញា ឆ្នាំ២០៥០
គេហទំព័រ សម្រែកយុត្តិធម៌
ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ
Tue,05 May 2020 (Time 08:33 PM)
ដោយ ៖ ចាន់ ថន (ចំនួនអ្នកអាន: 1443នាក់)

នៅទីបំផុត កូនប្រុសចិត្តតិរច្ឆានម្នាក់ បានជាប់គុកដូចបំណងហើយ ព្រោះតែម្ដាយសួរនាំរឿង ធ្វើឲ្យកង់ដួល បន្តិចបន្តួចសោះ កូនតិរច្ឆានស្ទុះទៅយកដុំឥដ្ឋប្រហោង វាយប្រហារមកលើម្ដាយ និងឪពុក ហើយវាយបំផ្លិច បំផ្លាញទ្រព្យសម្បត្តិនៅក្នុងផ្ទះ ខ្ទេចខ្ទីអស់ ហើយនៅទីបំផុត កូនប្រុសម្នាក់នេះ ត្រូវបានលោក វ៉ាន់ សុបញ្ញា ចៅក្រមស៊ើបសួរ នៃសាលាដំបូងខេត្តកណ្តាល បានសម្រេចឃុំខ្លួនហើយ នៅល្ងាចថ្ងៃទី០៤ ខែឧសភា ឆ្នាំ ២០២០ ម្សិលមិញនេះ។

លោក វ៉ាន់ សុបញ្ញា បានសម្រេចចេញដីកាឃុំខ្លួន ដាក់ពន្ធនាគារបណ្តោះអាសន្ន ពីបទ ហិង្សាដោយចេតនា និងធ្វើឲ្យខូចខាតដោយចេតនា តាមមាត្រា២១៧ និងមាត្រា៤១០ នៃក្រមព្រហ្មទណ្ឌ ដែលប្រព្រឹត្ត នៅភូមិ ប្រឡាយ ឃុំបឹងខ្យាង ស្រុកកណ្ដាលស្ទឹង ខេត្តកណ្តាល កាលពីវេលាម៉ោង១៤ និង៣០នាទី ថ្ងៃទី០៣ ខែឧសភា ឆ្នាំ២០២០ កន្លងមក ។

កូនតិរច្ឆានដែលជាជនត្រូវចោទនោះ មានឈ្មោះដារ៉ា ភេទប្រុស អាយុ២១ឆ្នាំ ជនជាតិខ្មែរមាន មុខរបរមិន ពិតប្រាកដ ។ ចំណែកជនរងគ្រោះមានចំនួន៣នាក់ ទី១-ឈ្មោះ ស៊ឹម ចិន្តា ភេទស្រី អាយុ៥១ឆ្នាំ ជនជាតិខ្មែរ មានទីលំនៅភូមិ ប្រឡាយឃុំ បឹងខ្យាងស្រុកកណ្ដាលស្ទឹង ខេត្តកណ្តាល មុខរបរ កសិករ ទី២-ឈ្មោះ ប្រុក សារិន ភេទប្រុស អាយុ៥២ឆ្នាំ មានទីលំនៅភូមិ ប្រឡាយឃុំ បឹងខ្យាង ស្រុកកណ្តាលស្ទឹង ខេត្តកណ្ដាល និងទី៣-ឈ្មោះ កឹម វណ្ណី ភេទស្រី អាយុ៦០ឆ្នាំ មានទីលំនៅភូមិ ប្រឡាយ ឃុំបឹងខ្យាងស្រុកកណ្តាលស្ទឹង ខេត្តកណ្ដាល ។

បើតាមសមត្ថកិច្ចបានឲ្យដឹងថា នៅមុនពេលកើតហេតុជនសង្ស័យ បានធ្វើឱ្យកង់ដួលនៅមុខផ្ទះ ពេលនោះជន រងគ្រោះជាម្តាយ បានសួរនាំជនសង្ស័យពីរឿងដួលកង់នោះ ស្រាប់តែជនសង្ស័យបានស្ទុះយកដុំឥដ្ឋប្រហោងវាយក្បាលជនរងគ្រោះជាម្តាយរបស់ខ្លួន បណ្តាលឲ្យពកក្បាល ព្រោះតែជនរងគ្រោះជាម្តាយភ័យខ្លាច បានរត់ ទៅ ពួននៅផ្ទះអ្នកជិតខាងបាត់ទៅ ។ បន្ទាប់មកជនសង្ស័យបានយកដុំថ្មវាយក្បាលជនរងគ្រោះម្នាក់ទៀត ជាឪពុករបស់ខ្លួន បណ្តាលឲ្យបែកហូរឈាម និងបានវាយបំផ្លិចបំផ្លាញទ្រព្យសម្បត្តិក្នុងផ្ទះ រួចជនសង្ស័យបានរត់ចូលទៅផ្ទះអ្នកជិតខាង ជាជនរងគ្រោះម្នាក់ទៀត ឈ្មោះ សំ សុវណ្ណារី ដោយកាន់ពូថៅជាប់នឹងដៃ ទៅ ជាមួយផង ។ ភ្លាមនោះជនសង្ស័យបានធាក់ទ្វារដែកផ្ទះបាយបណ្តាលឲ្យដាច់ត្រចៀកទ្វារ របើកត្រូវចំមុខជន រងគ្រោះដែលឈរក្បែរនោះដួលផ្ងារ ក្រោយរងរបួសបែកមុខ និងបែកក្បាលពីក្រោយហូរឈាម ត្រូវបានក្រុម គ្រួសារដឹកយកទៅព្យាបាលនៅមណ្ឌលសុខភាពបឹងខ្យាង ។

ក្រោយពីទទួលបានពាក្យបណ្តឹង កម្លាំងប៉ុស្តិ៍នគរបាលរដ្ឋបាលបឹងខ្យាង បានចុះដល់ចំណុចកើតហេតុ និងធ្វើ ការឃាត់ខ្លួនជនសង្ស័យបញ្ជូនមកកាន់អធិការដ្ឋាននគបាលស្រុក ដើម្បីចាត់ការតាមនិតិវិធីច្បាប់ ។

នេះគឺជារឿងរ៉ាវមួយនៅក្នុងសង្គម បច្ចុប្បន្ន កូនតិរច្ឆានម្នាក់នេះ ត្រូវបានជាប់គុកដូចបំណងហើយ ៕

ព័ត៌មានគួរចាប់អារម្មណ៍

សម្តេចហ៊ុន សែនះ-ដីម៉ែលោកឯង!បើភូមិឃុំស្រុក ចុះហត្ថលេខា ទទួលស្គាល់ដីឧ្យពលរដ្ឋត្រូវបាន មន្រ្តីជំនាញភូមិបាលស្រុកស្អាង ចោទថា មិនបានយល់ដឹង តែបើលក់បឹងឧ្យឧកញ៉ា សមប៊នok? (ឃុំក្រាំងយ៉ូ ខេត្តកណ្តាល)ចេញផ្សាយ ថ្ងៃទី August 10, 2023 (vojhotnews)

ព័ត៌មានគួរចាប់អារម្មណ៍

សម្តេចហ៊ុន សែនះ-ដីម៉ែលោកឯង!បើភូមិឃុំស្រុក ចុះហត្ថលេខា ទទួលស្គាល់ដីឧ្យពលរដ្ឋត្រូវបាន មន្រ្តីជំនាញភូមិបាលស្រុកស្អាង ចោទថា មិនបានយល់ដឹង តែបើលក់បឹងឧ្យឧកញ៉ា សមប៊នok? (ឃុំក្រាំងយ៉ូ ខេត្តកណ្តាល)ចេញផ្សាយ ថ្ងៃទី August 10, 2023 (vojhotnews)

ព័ត៌មានគួរចាប់អារម្មណ៍

លោក ឆណាក់ប្រធាន ស្នាក់ការគយនិងរដ្ឋាករប្រចាំច្រកអន្តរជាតិជាំនិងលោក ញិប ផល្លិក គយចល័តតំបន់5កុំពុងសហការការគ្នាប្រព្រឹត្តអំពើពុករលួយ ជាប្រព័ន្ធ។ (vojhotnews)

ព័ត៌មានគួរចាប់អារម្មណ៍

ឧកញ៉ា ឈាវ មុន្និន ប្តឹងម្ចាស់គណនីហ្វេសប៊ុក «Da Da» ដែលចោទលោកជាជនបោកប្រាស់! (vojhotnews)

ព័ត៌មានគួរចាប់អារម្មណ៍

លោក ឃួង ស្រេង មិនមាន ចំណាត់ ការទៅលើល្បែងភ្នាល់ទឹកភ្លៀង របស់ លោក សួរ ហៅ ភ្នំមាស ទុកប្រមូលលុយ បន្តអាណត្តិដោយផ្គេីន និង អនុសាសន៍ សម្តេចតេជោហ៊ុនសែន និងសម្តេចក្រឡាហោម ស ខេងម៉ែន ទេ ឬ ! (vojhotnews)

វីដែអូ

ចំនួនអ្នកទស្សនា

ថ្ងៃនេះ :
55 នាក់
ម្សិលមិញ :
114 នាក់
សប្តាហ៍នេះ :
531 នាក់
ខែនេះ :
4131 នាក់
3 ខែនេះ :
12103 នាក់
សរុប :
506497 នាក់