11/09/201

ខេត្តកំពត: នៅស្នាក់ការគណ:បក្សខ្មែរអភិវឌ្ឍន៍សេដ្ឋកិច្ចខេត្តកំពត បានបើកកិច្ចប្រជុំគណៈកម្មាធិការអចិន្ត្រៃយ៍រួមនឹងសមាជិកសមាជិកា ស្ដីពីប្រធានបទការជ្រើសតាំងប្រធាន អនុប្រធានគណបក្សថ្មីដើម្បីធ្វើការដឹកនាំបន្ត បន្ទាប់ពីអតីតឯកឧត្តមប្រធាន គណបក្ស ហួន រាជចំរើន បានទទួលមរណៈភាពកន្លងទៅថ្មីៗនេះកាលពីថ្ងៃទី ២៤ខែសីហាឆ្នាំ ២០២១។
ថ្លែងក្នុងឱកាសនោះផងដែរលោក ផង់សំណាង ប្រធានគណបក្សខ្មែរអភិវឌ្ឍន៍សេដ្ឋកិច្ចសាខាខេត្តកំពត បច្ចុប្បន្នជាអានុប្រធានទី 2 នៃគណបក្សខ្មែរអភិវឌ្ឍន៍សេដ្ឋកិច្ចបានលើកឡើងថា : លោកបានរំពឹងសម្លឹងមើលជាយូរមកហើយនៅក្នុងជួរគណ:បក្សខ្មែរអភិវឌ្ឍន៍សេដ្ឋកិច្ចគ្រប់គ្នាពុំឃើញមានបុគ្គលរូបណាម្នាក់សាកសម នឹង ទទួលតំណែងជាងឯកឧត្តមប្រធានស្ដីទី លឹម សំណាង នោះទេ។ហើយក៏រូបលោកគាំទ្រយ៉ាងពេញទំហឹងស្របតាមការសម្រេចចិត្តរបស់គណៈកម្មាធិការអចិន្ត្រៃយ៍ទាំង ៨ រូបផងដែរ។
ក្នុងនោះផងដែរលោកស្រី ប៉ែន តូ រួមនិង លោក សាត សុភក្រ្តា ក៏បានសម្ដែងនូវសេចក្តីរីករាយយ៉ាងខ្លាំងដោយគណៈកម្មាការទាំងអស់បានឯកភាពជ្រើសតាំងឯកឧត្តមប្រធានស្តីទី លឹម សំណាង ឲ្យធ្វើជាប្រធានគណបក្ស។មិនតែប៉ុណ្ណោះពួកគាត់ថែមទាំងប្តេជ្ញាចិត្តថា :មិនព្រមទទួលស្គាល់ប្រធានបក្សណាក្រៅពីឯកឧត្តម លឹម សំណាង ឡើយ។
ទោះបីជាយ៉ាងណាក្តី លោក ផង់ចំណាន អគ្គលេខាធិការគណ:បក្សខ្មែរអភិវឌ្ឍន៍សេដ្ឋកិច្ចក៏បានលើកឡើងបញ្ជាក់ផងដែលថា: គប្បីត្រូវតែជ្រើសតាំងប្រធានគណ:បក្សថ្មីដើម្បីធ្វការដឹកនាំគណ:បក្សបន្ត។លោកបន្តដែរថា: ក្រោយធ្វើការបោះឆ្នោតរបស់គណៈកម្មាធិការអចិន្ត្រៃយ៍ទាំង៨រូបបានព្រមព្រៀងគ្នាជាឯកច្ឆ័ន្ទបោះឆ្នោតជូនឯកឧត្តមប្រធានស្ដីទី លឹម សំណាង ធ្វើជាប្រធានគណបក្សក្នុងការដឹកនាំសមាជិកសមាជិកាដើម្បីពង្រឹងគោលនយោបាយបក្ស ដើម្បីប្រកួតប្រជែងការបោះឆ្នោតនាពេលខាងមុខនេះ។
ដោយឡែកលោក ទុយ ឆេងហ៊ីម ប្រធានកិត្តិយសគណបក្សខ្មែរអភិវឌ្ឍន៍សេដ្ឋកិច្ចបច្ចុប្បន្នជាអនុប្រធានទី១ របស់បក្សខ្មែរអភិវឌ្ឍន៍សេដ្ឋកិច្ចបានលើកឡើងក្នុងឱកាសនោះដែរថា: រូបលោកយល់ស្របក្នុងការជ្រើសតាំងឯកឧត្តមប្រធានស្តីទីធ្វើជាប្រធានគណ:បក្សដូចគ្នាដែរ។លោកបន្តថា: មិនថាឡើយតែគណ:បក្សខ្មែរអភិវឌ្ឍន៍សេដ្ឋកិច្ចសូម្បីតែគណ:បក្សដទៃផ្សេងៗទៀតក៏ត្រូវការផ្លាស់ប្ដូរទៅតាមលេខរៀងដែលបានចុះបញ្ជីក្នុងក្រសួងមហាផ្ទៃដូចគ្នា។
ក្រោយពីការសម្ដែងមតិគាំទ្ររបស់គណៈកម្មាធិការអចិន្ត្រៃយ៍រួម នឹង សមាជិកសមាជិកា ឯកឧត្តមប្រធានស្ដីទី លឹម សំណាង បានបញ្ជាក់ក្នុងអង្គកម្មវិធីថា: ឯកឧត្តម នឹងធ្វើសមាជវិសមញ្ញមួយក្រោយពីជំងឺដ៏កាចសាហាវកូវីដ19 ត្រូវបានស្រាកស្រាន្តហើយនិងប្តេជ្ញាដឹកនាំគណៈបក្សឲ្យទៅរកកំណែទម្រង់ស៊ីជម្រៅឆ្ពោះឈានទៅរកការប្រកួតប្រជែងការបោះឆ្នោតអាណត្តិខាងមុខផងដែរ។
គូសបញ្ជាក់ផងដែរថា: កិច្ចប្រជុំគណៈកម្មាធិការអចិន្ត្រៃយ៍របស់គណបក្សខ្មែរអភិវឌ្ឍន៍សេដ្ឋកិច្ច ស្ដីពីការជ្រើសតាំងប្រធាន អនុប្រធានគណបក្សថ្មីក្រោមសមាសភាពចូលរួមរួមមាន:
១.ឯកឧត្តម លឹម សំណាង
២.លោក ផង់ ចំណាន
៣.លោក ទុយ ឆេងហ៊ីម
៤.លោក ផង់ សំណាង
៥.លោក ឈន សុខ
៦.លោក សាត សុភក្រ្តា
៧.លោក មុំ ផាត
៨.លោកស្រី ប៉ែន តូ
ក្នុងចំណោមគណៈកម្មាធិការអចិន្ត្រៃយ៍ 11 រូបអវត្តមាន 3 រូបផងដែរ៕

ដោយ: សហការីvoj