រះវិហារ: ប្រភេទឈើសុក្រំ ឈើឆ្លិច មួយចំនួនទៀតកំពុងត្រូវបានមេឈ្មួញកណ្តាល ធ្វើចរាចរយ៉ាងអនាធិបតេយ្យពីសំណាក់ឈ្មួញដុះស្លែរ ប្រមូលទិញនិងប្រមូលទុក ដើម្បីដឹកយកមកដាក់ក្នុងការលក់បន្ត និងចែកចាយគ្មានខ្វល់ ឬរអា នឹង ច្បាប់បន្តិចសោះឡើយ។
ប្រភពព័ត៌មានបានឲ្យដឹងថា: បច្ចុប្បន្នគេសង្កេតឃើញឈ្មួញយ៉ាងសកម្ម 3 ទៅ 4 នាក់កំពុងដើរប្រមូលទិញនិងដឹកជញ្ជូនដាក់តាមគោយន្តកន្ត្រៃដើម្បីដឹកមកលាក់ទុកដើម្បីនិងដឹកជញ្ជូនបន្តតាមរយៈរថយន្ត។ ប្រភពបន្តឱ្យដឹងទៀតថា: ក្រៅពីប្រភេទឈើសុក្រំ ឈើឆ្លិច និងឈើឃ្លុំ ឬប្រភេទឈើអារជាជំរាកហើយក៏ក្រុមឈ្មួញដុះស្លែខាងលើនេះប្រមូលទិញទុកទាំងអស់ផងដែរ។
បើតាមប្រភពរបស់ប្រជាពលរដ្ឋដែលរស់នៅក្បែរនោះបានឲ្យដឹងផងដែរថា:រៀងរាល់យប់ប្រហែលវេលាម៉ោង 9 ទៅ 10 យប់ឬពាក់កណ្ដាលអាធ្រាតចន្លោះម៉ោង 1:00 ម៉ោង 2:00 មកពួកគាត់សង្កេតឃើញឡានចូលមកដាក់ឈើហើយចេញបាត់តែគាត់មិនបានស្គាល់ប្រភេទឡានទាំងនោះទេ។ ប្រភពដ៏ដែលបញ្ជាក់ដែរថា: ឡានដែលចូលមកដឹកជញ្ជូនប្រភេទឈើទាំងនោះសុទ្ធសឹងតែជាប្រភេទឡានទំនើបៗស្លាកលេខផ្លាស់ប្ដូរគ្នាពេលខ្លះថែមទាំងឃើញមានស្លាកលេខ ខ.ម .ថែមទៀតផង។ដោយឡែកប្រភេទឈើទាំងនោះត្រូវបានឈ្មួញទិញទុកក្នុងតម្លៃមិនក្រោមពី 70 ម៉ឺនទៅ 90 ម៉ឺនរៀលនោះទេក្នុងមួយម៉ែត្រគីបហើយអាស្រ័យទៅតាមប្រភេទឈើស្អាត ល្អ ឬ អាក្រក់ផងនោះដែរ។
មហាជនមួយចំនួនរិះគន់ចំៗថាមន្ត្រីមានជំនាញរួម នឹង សមត្ថកិច្ចពាក់ពន្ធ័ប្រហែលជាបានសើមមាត់ សើម ក ក្រាស់ក្រែលហើយមើលទៅទើបមើលមិនឃើញដោយសារតែត្រូវថ្នាំសណ្តំ ឬអាចនិយាយបានថាយកលុយញាត់មាត់មិនឱ្យនិយាយហើយមើលទៅ។
ទង្វើរបែបនេះហើយជាភ្លើងខៀវបើកដៃនិង បណ្ដែតបណ្ដោយអោយក្រុមឈ្មួញដុះស្លែខាងលើនេះដែលមានឈ្មោះ សុី បច្ចុប្បន្នរស់នៅភូមិ១០៩ ឃុំរីករាយ ស្រុករវៀង ខេតព្រះវិហារ រួមនិងបក្ខពួកគូកនមួយចំនួនផ្សេងទៀតបានដៃនិង ធ្វើសកម្មភាពដឹកជញ្ជូនឈើបានទៅយ៉ាងរលូនបែបនេះ។ម្យ៉ាងវិញទៀតក្រុមឈ្មួញដុះស្លែខាងលើនេះបានធ្វើសកម្មភាពខួបប្រាំង ខួបវស្សា ស្ទើរតែខូចខាតផ្លូវលំទាំងស្រុកអស់ហើយមិនដែលឃើញមន្ត្រីមានសមត្ថកិច្ច អាជ្ញាធរ មន្ត្រីពាក់ព័ន្ធ មានវិធានការ ឬចំណាត់ការមកលើក្រុមឈ្មួញដុះស្លែរខាងលើនេះទាល់តែសោះ។
មិនតែប៉ុណ្ណោះសោត ពលរដ្ឋមួយចំនួនបានបង្ហើបអោយដឹងដែរថា: ឈ្មួញដុះស្លែរឈ្មោះ សុី ហើយនិងបក្ខពួកខាងលើនេះ មិនខ្លាចនរណានោះទេ ព្រោះគេរកសុីយូរណាស់មកហើយស្គាល់ជំនាញស្ទើរគ្រប់ៗគ្នាអស់ហើយ ។ហើយគ្រាន់តែបុគ្គលឈ្មោះ សុី ប្រាប់តែប៉េអិម ប៉ូលីស
ហើយនិងជំនាញគ្មាននរណាហ៊ានអើតមុខ មកក្បែរឡើយ ដោយខ្លាចឈ្មួញខាងលែងអោយ នូវលាភសក្ការៈបន្តទៀត។
ពួកគាត់បន្តអោយដឹងទៀតថា: បើតាមគាត់ដឹងរហូតមកដល់ពេលនេះ បើគិតជាគ្រឿងផ្ទះវិញរាប់រយគ្រឿងមកហើយ បើគិតរឿង ស សរ ផ្ទះវិញបើគិតរហូតមកដល់ពេលនេះរាប់រយ .ស សរ ផ្ទះឯនោះ។
ទោះបីជាយ៉ាងណាក្តី មហាជនមួយចំនួនស្នើសុំឱ្យលោក ជ័យ ស៊ីថា នាយផ្នែករដ្ឋបាលព្រៃឈើស្រុករវាងមេត្តាមានវិធានការចំពោះឈ្មួញខាងលើនេះផង។ហើយយ៉ាងទៀតនោះក៏មិនដឹងថាលោក ហោ ប៊ុនហួរ អភិបាលនៃគណៈអភិបាលស្រុករវៀង បានដឹងឬធ្វើមិនដឹងនោះទេ?។
សូមបញ្ជាក់ផងដែរថា: ករណីការដឹកជញ្ជូនឈើខាងលើនេះត្រូវបានឆ្លងកាត់តាមភូមិសាស្ត្រចំណុចភ្នំកេរ្តិ៍មកទុកនៅចំណុច ភូមិចុងចម្លង ឃុំរហ័ស ស្រុករវៀង ខេត្តព្រះវិហារ៕

ដោយ សហការី voj