ខេត្តកំពង់ធំ: កម្លាំងមន្ត្រីឧទ្យានុរក្សដែនជម្រកសត្វ ព្រៃព្រៃឡង់ស្ថិតក្នុងភូមិសាស្ត្រខេត្តកំពង់ធំ បានធ្វើការចុះល្បាតព្រៃ និងដោយមានការចង្អុលបង្ហាញពីលោក លី ស្រេង ប្រធានការិយាល័យអភិរក្ស និង ការដឹកនាំផ្ទាល់របស់លោក លី ឳគ្រី មន្ត្រីឧទ្យានុរក្សប្រធានស្នាក់ការគីឡូ ៧០ និងជាអនុប្រធានក្រុមចល័តទីមួយរួមនឹងកម្លាំងមន្ត្រីឧទ្យាននុរក្សមួយចំនួនផងដែរ។ ប្រភពពីមន្ត្រីឧទ្យានុរក្សបានឲ្យដឹងដែរថា: ពួកគាត់បានធ្វើការចុះល្បាតព្រៃ 3 ទៅ 4 យប់ហើយពុំមានសកម្មភាពឬបទល្មើសអ្វីឡើយ លុះយប់វេលាម៉ោង 8 និង 28 នាទីដោយមានការសង្ស័យកម្លាំងមន្ត្រីឧទ្យានុរក្សក៏បានលបឃាត់ចាប់ម៉ូតូចំនួន 4 គ្រឿងហើយក៏ប្រទះឃើញសត្វស្វាចំនួន 25 ក្បាលផងដែរ។ ក្រោយពីប្រទះឃើញដូចនេះហើយកម្លាំងមន្ត្រីឧទ្យានុរក្ស ក៏បានធ្វើការឃាត់ខ្លួននិងដកហូតទុកនូវវត្ថុតាងរួមមាន:-សត្វស្វាចំនួន 25 ក្បាល-មងចាប់សត្វចំនួន 4 ត្បូង -កាំភ្លើងឆ្នុកដូងចំនួន 2 ដើម និងបានឲ្យជនបង្កល្មើសធនធានធម្មជាតិធ្វើកិច្ចសន្យាបញ្ឈប់បទល្មើសបន្តទៀតនិងឲ្យវិលត្រឡប់ទៅផ្ទះវិញ។ ដោយឡែកសត្វស្វាចំនួន 25 ក្បាលវិញត្រូវបានកម្លាំងមន្ត្រីឧទ្យានុរក្សដែនជម្រកសត្វព្រៃ ព្រៃឡង់យកទៅលែងនៅមុខបរិវេណស្នាក់ការព្រះអាទិត្យដើម្បីឲ្យមានសេរីភាពក្នុងដែនជម្រកសត្វព្រៃព្រៃឡង់វិញ។ សូមបញ្ជាក់ផងដែរថា: ការណីបង្ក្រាបបទល្មើសធនធានធម្មជាតិខាងលើនេះស្ថិតក្នុងភូមិសាស្រ្ត ស្រែវាលខាងកើត ឃុំដងកាំបិត ស្រុកសណ្ដាន់ ខេត្តកំពង់ធំដោយឡែកវត្ថុតាងមួយចំនួនទៀតត្រូវបានយកមករក្សាទុកនៅស្នាក់ការព្រះអាទិត្យ។ ដោយ: សហការីvoj
ព័ត៌មានគួរចាប់អារម្មណ៍
សំណុំរឿងព្រហ្មទណ្ឌពាក់ព័ន្ធទំនាស់ដីធ្លីនៅដែលមានដើមចមពីទំនាស់ដីធ្លីមួយកន្លែង ស្ថិតនៅ ភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល ! (vojhotnews)
កម្ពុជាគ្រោងនឹងរៀបចំព្រឹត្តិការណ៍ “នគរសង្ក្រាន្ត” នៅ រាជធានីភ្នំពេញ រយៈពេល ៦ថ្ងៃ ចាប់ពីថ្ងៃទី១៤ ដល់ ថ្ងៃទី១៩ ខែមេសា ឆ្នាំ២០២៦ ខាងមុខនេះ។ (vojhotnews)
កិច្ចប្រជុំបូកសរុបលទ្ធផលរបស់ក្រុមការងារគណបក្សចុះមូលដ្ឋានសង្កាត់ស្រយ៉ូវ និងពិធីទទួលសមាជិកថ្មីចំនួន 400 នាក់ ()
លោក សំ សុវណ្ណារិទ្ធ អង្គុយចាំរាប់ក្បាលឡានតាមការ កំណត់យកលុយមិនញញើតអង្គភាពប្រឆាំងអំពើពលរលួយ កំពុងក្ដោបសេដ្ឋកិច្ចក្រៅប្រព័ន្ធច្បាប់ពង្រាយជនស៊ីវិលគ្រប់ច្រកល្ហក តាមច្រកទ្វារព្រំដែននានា ក្នុងភូមិសាស្ត្រខេត្តស្វាយរៀង (vojhotnews)
ការគ្រប់គ្រង និងកាត់បន្ថយគ្រោះមហន្តរាយក្នុងពិស័យព័ត៌មាន ជាកត្តាសំខាន់សម្រាប់អ្នកសារព័ត៌មាន ()
វីដែអូ
ចំនួនអ្នកទស្សនា