ស្ទឹងត្រែង ÷បើតាមការអោយដឹងពីប្រភពព័ត៍ថា: នៅថ្ងៃទី១០ ខែកញ្ញា ឆ្នាំ២០២២ មានគ្រឿងចក្រ អេស្កាចំនួន០១ ត្រាក់ទ័រគូបូតាចំនួន០១ ដែលគេស្គាល់ថាជារបស់លោក ផែង គី បានចូលទៅឈូសឆាយ គាស់រំលើងដីព្រៃដែលជាសម្បត្តិរបស់រដ្ឋមួយកន្លែងយ៉ាងអនាធិបតេយ្យ ដែលស្ថិតនៅភូមិ កញ្ចាញទឹក ឃុំស្រែសំបូរ ស្រុកសៀមប៉ាង ខេត្តស្ទឹងត្រែងដោយមិនមានសម្ថតកិច្ចឬ អជ្ញាធរមូលដ្ឋានអើបពើឡើយ។ ប្រភពដ៏ដែលបានបញ្ជាក់បន្ថែមទៀតថា: គ្រឿងចក្រ នោះបានចូលមកឈូសឆាយដីព្រៃនេះជាច្រើនថ្ងៃមកហើយ ដោយពុំឃើញមានអាជ្ញាធររឺមន្ត្រីជំនាញពាក់ព័ន្ធចុះមកសួរនាំនោះឡើយ ហើយដែលត្រូវបានមហាជនមួយចំនួនស្គាល់ថា: ជារបស់លោក ផែង គី។ បើយោងតាមសំដីពីប្រជាពលរដ្ឋបានបន្តទៀតដែរថា លោក ផែង គី បាននិយាយប្រាប់ថា: គ្រឿងចក្ររបស់លោកគឺចូលមកឈូសឆាយដីព្រៃនេះតាមរយៈ លោក ប៊ុន ឡា ផ្នែកសូរិយោដីស្រុកសៀមប៉ាងជាអ្នកជួលក្នុងតំលៃ ៣ដុល្លារ/ម៉ែតការ៉េ និងសន្យាថាចែកដីអោយរូបលោកផងខ្លះដែរ។ ដោយឡែក ក្រុមអ្នកសារព័ត៍មានមួយចំនួនក៏បានធ្វើការទំនាក់ទំនង ទៅលោក ប៊ុន ឡា តាមរយៈទូរស័ព្ទជាច្រើនដង ប៉ុន្តែរូបគាត់មិនលើកទូរស័ព្ទនោះឡើយ។ យោងតាមប្រសាសន៍របស់លោក ផាន់ យុទ្ធ អភិបាលនៃគណៈអភិបាលស្រុកសៀមប៉ាងបានបញ្ជាក់តាមរយៈ ទូរស័ព្ទថា: រូបលោកមិនបានដឹងអំពីបញ្ហាគ្រឿងចក្រដែលលោក ប៊ុន ឡា នាំចូលយកមកឈូសឆាយដីព្រៃនោះទេ ចាំមើលលោកសួរគេសិន។ប្រជាពលរដ្ឋដែលស្ថិតនៅភូមិកញ្ចាញទឹក ឃុំស្រែសំបូរ ស្រុកសៀមប៉ាង ខេត្តស្ទឹងត្រែង បានរៀបរាប់ដែរថា: សំរាប់បុគ្គលមានលុយមានអំណាចចង់ធ្វើអ្វីក៏បានតាមចិត្ត ស្រលាញ់កន្លែងណាយកកន្លែងហ្នឹង គិតតែផលប្រយោជន៍ផ្ទាល់ខ្លួន ធ្វើអ្វីក៏សមដែរ សំរាប់រាស្ត្រទន់ខ្សោយគ្មានលុយកាក់វិញធ្វើអ្វីក៏ខុសដែរ។មហាជនដែលរស់នៅភូមិ ឃុំខាងលើ ស្នើរសុំដល់លោក ផាន់ យុទ្ធ អភិបាលនៃគណៈអភិបាលស្រុកសៀមប៉ាង ពិសេសឯកឧត្តម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែងមេត្តាចាត់វិធានការណ៍ក្តៅចំពោះបុគ្គល ផែង គី និងលោក ប៊ុន ឡាផ្នែកសូរិយោដី ដែលហ៊ានរួមគំនិតគ្នាយកគ្រឿងចក្រទៅវាយដីព្រៃដែលជាសម្បត្តិរបស់រដ្ឋយ៉ាងអនាធិបតេយ្យផងដែរ។មហាជនមួយទៀតរង់ចាំមើលដែរថា ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តស្ទឹងត្រែងនិងប្រើកន្តាប់ដៃដែក ដូចម្តេចមកលើបុគ្គល ផែង គី និង លោក ប៊ុន ឡា ដែលមានតួនាទីផ្នែកសូរិយោដី៕ដោយ: សហការី.voj
ព័ត៌មានគួរចាប់អារម្មណ៍
ឯកឧត្តមបណ្ឌិត ហេង សំណាង នាំយកថវិកាលោកអ្នកឧកញ៉ាបណ្ឌិត ទ្រី ភាព និងលោកជំទាវ ផ្តល់ជូនគូរស្រករថ្មី ចំនួន១១គូរក្នុងឃុំទួលគ្រើល ()
ឯកឧត្តមបណ្ឌិត ហេង សំណាង ចុះពិនិត្យគ្រឿងចក្រកាយបំពេញ និងកែលម្អផ្លូវលំដីសមួយខ្សែក្នុងឃុំទួលគ្រើល ស្រុកប្រាសាទបល្ល័ង្ក ()
លោកជំទាវ ឃួន ឃុនឌី សម្ភោធដាក់ឱ្យប្រើប្រាស់ផ្លូវប្រភេទ DBST មួយខ្សែ មានប្រវែង ៤៣០០ម៉ែត្រ នៅក្នុងឃុំសាន់គរ ស្រុកកំពង់ស្វាយ ជាអំណោយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ()
ប្រកាសសមាភាពក្រុមការងារ ចុះមូលដ្ឋានភូមិចំនួន៧ ក្នុងឃុំទួលគ្រើល ,ឯកឧត្តមបណ្ឌិត ហេង សំណាង ជំរុញក្រុមការងារខិតខំបំពេញភារកិច្ច និងមានឆន្ទៈបម្រើប្រជាពលរដ្ឋ ()
អគ្គលេខាធិការដ្ឋាននៃ គណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.)សម្រេចដកហូតអាជ្ញាបណ្ណកាស៊ីណូឈ្មោះ សុីន ហៅភីក កាស៊ីណូ របស់ក្រុមហ៊ុន ញូ ភីក អេនធើធេនមុិន ឯ.ក ដែលស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ! (vojhotnews)
វីដែអូ
ចំនួនអ្នកទស្សនា