(កំពង់ធំ)÷ ក្បួនដង្ហែអង្គកឋិនទានសាមគ្គី របស់បញ្ជាការដ្ឋានតំបន់ប្រតិបត្តិការសឹករងកំពង់ធំ ដឹកនាំដោយឧត្តមសេនីយ៍ទោ សោម ស៊ុន មេបញ្ជាការ បានចេញដំណើរពីទីបញ្ជាការតំបន់ប្រតិបត្តិការសឹករងកំពង់ធំ ឆ្ពោះទៅកាន់វត្តពុទ្ធរង្សី ហៅវត្តត្រពាំងព្រលឹត ស្ថិតនៅក្នុងឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ដើម្បីប្រមូលបច្ច័យចូលរួមក្នុងការកសាងសមិទ្ធផលនានា ក្នុងវិស័យព្រះពុទ្ធសាសនានៅក្នុងទីអារាម ដែលជាស្រែបុណ្យរបស់ពុទ្ធសាសនិកជនគ្រប់រូប ។ នៅវេលាម៉ោង១២:៣០នាទី ថ្ងៃទី០១ខែ វិច្ឆិកា ឆ្នាំ២០២៣ ក្បួនអង្គកឋិនទាន បានដង្ហែប្រទក្សិនបីជុំ ព្រះវិហារ ដោយមានពុទ្ធបរិស័ទយ៉ាងច្រើនកុះករអបអរសាទរក្នុងពិធីអង្គកឋិនទានសាមគ្គី របស់បញ្ជាការដ្ឋានតំបន់ប្រតិបត្តិការសឹករងកំពង់ធំ ហើយនឹងបានវេរប្រគេនលំដាប់អង្គកឋិន មានត្រី ចីវ័រ សម្ភារៈ និងថវិកាជាង៣០លានរៀល តម្កល់ទុកកសាងសមិទ្ធផលនានាជាកិច្ចបញ្ចប់កម្មវិធីបុណ្យ។ ឧត្តមសេនីយ៍ទោ សោម ស៊ុន តំណាងឱ្យអ្នកផ្ដួចផ្ដើមនៃអង្គកឋិនទានសាមគ្គីនេះ បានសូមគោរពថ្លែងអំណរគុណចំពោះ ថ្នាក់ដឹកនាំគ្រប់លំដាប់ថ្នាក់ និងក្រុមគ្រួសារ នៅខេត្តកំពង់ធំ ព្រមទាំងនាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្រុមគ្រួសារ សប្បុរសជននានា នៅក្នុងខេត្ត/ក្រៅខេត្ត ដែលបានមានសទ្ធាជ្រះថ្លាចូលរួមទាំងកម្លាំងកាយ ទាំងកម្លាំងចិត្ត និងថវិកា ដើម្បីរួមចំណែកក្នុងការកសាងសមិទ្ធផលនានា ក្នុងវិស័យព្រះពុទ្ធសាសនា ដែលជាសាសនារបស់រដ្ឋ ទុកជាទីគោរពបូជារបស់ពុទ្ធសាសនិកជនគ្រប់រូប។ ឧត្តមសេនីយ៍ទោបាន សូមគោរពជូនពរឯកឧត្តម លោកជំទាវ លោក លោកស្រី ទាំងអស់ ដែលបានចូលរួមចំណែកក្នុងអង្គកឋិនទានសាមគ្គីនេះ សូមទទួលបាននូវសេចកីសុខសេចក្តីចម្រើន និងពុទ្ធពរទាំងបួនប្រការ កុំបីភ្លៀងឃ្លាតឡើយ ។ ព្រះតេជគុណ ម៉ម វិមាន ព្រះគ្រូចៅអធិការវត្តពុទ្ធរង្សី ហៅវត្តត្រពាំងព្រលឹត បានថ្លែងអំណរគុណដ៏ជ្រាលជ្រៅជាទីបំផុត ចំពោះឯកឧត្តម ឈុន ឈន់ ប្រធានក្រុមប្រឹក្សាខេត្ត និងលោកជំទាវ ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំ និងលោកជំទាវ ព្រមទាំងឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងលោកជំទាវ ព្រមទាំងឧបាសក ឧបាសិកាពុទ្ធបរិស័ទទាំងអស់ ដែលបានហែអង្គកឋិនទានសាមគ្គី ដើម្បីនាំយកថវិកាមកកសាងសមិទ្ធផលនានានៅក្នុងទីអារាមនេះ និងសូមជូនពរឯកឧត្តម លោកជំទាវ លោក លោកស្រី ទាំងអស់ សូមទទួលបាននូវ សេចក្តី សុខសេចក្តីចម្រើន៕
ព័ត៌មានគួរចាប់អារម្មណ៍
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
វីដែអូ
ចំនួនអ្នកទស្សនា