ត្រីម្នាក់សម្រេចចិត្តចង(ក) បញ្ចប់ជីវិតព្រោះវិបត្តិផ្លូវចិត្ត
(ខេត្តកំពង់ធំ)៖ ស្ត្រីម្នាក់បានសម្រេចចិត្តធ្វើអត្តឃាតដោយចងកសម្លាប់ខ្លួន នៅក្នុងបន្ទប់ទឹកក្បែរផ្ទះ ព្រោះរស់នៅលំបាកដោយសារមានជំងឺជាច្រើនមុខ មិនអាចព្យាបាលជាសះស្បើយនោះឡើយ។
ករណីនេះនៅម៉ោងប្រមាណ០២:០០នាទីទៀបភ្លឺ នៅថ្ងៃទី១៦ ខែវិច្ឆិកា ឆ្នាំ២០២៣ នៅក្នុងបន្ទប់ទឹក ស្ថិតក្នុងភូមិបឹងអណ្ដែង ឃុំត្បែង ស្រុកកំពង់ស្វាយ ខេត្តកំពង់ធំ។
ប្រភពពីលោកវីរៈសេនីយ៍ទោ កែ កញ្ចនា អធិការស្រុកកំពង់ស្វាយ បានឱ្យដឹងថាស្ត្រីខាងលើមានឈ្មោះ ហាប់ ហឿង ភេទស្រី អាយុ៤០ឆ្នាំ មុខរបរកសិករ រស់នៅភូមិឃុំកើតហេតុខាងលើ។
ប្រភពពីសមត្ថកិច្ចដដែលបញ្ជាក់ទៀតថា មូលហេតុដែលជនរងគ្រោះសម្រេចចិត្តចង(ក) ធ្វើអត្តឃាតសម្លាប់ខ្លួននេះ ព្រោះតែមានវិបត្តិផ្លូវចិត្តនិងមានជំងឺវង្វេងវង្វាន់ប្រចាំកាយផងនោះ។ ក្រោយពីសមត្ថកិច្ចពិនិត្យសពរួចមក បានប្រគល់សពទៅឱ្យសាច់ញាតិធ្វើបុណ្យតាមប្រពៃណីព្រះពុទ្ធសាសនា៕
