(កំពង់ធំ)÷ នៅរសៀលថ្ងៃទី០៧ ខែវិច្ឆិកាឆ្នាំ ២០២៣ ឯកឧត្តម ព្រឹម រដ្ឋា អភិបាលរងខេត្ត តំណាងឯកឧត្តម ងួន រតនៈ អភិបាលខេត្តកំពង់ធំ អញ្ជើញចែកអំណោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ពេជ ចន្ទមុនី ជូនដល់ពលរដ្ឋដែលរងគ្រោះដោយទឹកជំនន់កាលពីរដូវវស្សាកន្លងទៅចំនួន៣០០គ្រួសារ នៅស្រុកស្ទោង ខេត្តកំពង់ធំ។ ក្នុងឱកាសនោះដែរឯកឧត្តម ព្រឹម រដ្ឋា បានពាំនាំការផ្ដាំផ្ញើសួរសុខទុក្ខរបស់ឯកឧត្តម ងួន រតនៈ អភិបាលខេត្តកំពង់ធំ និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលតែងតែមានការនឹករលឹក និងយកចិត្តទុកដាក់ដល់សុខទុក្ខបងប្អូនប្រជាពលរដ្ឋនៅក្នុងមូលដ្ឋាន ជាពិសេសប្រជាពលរដ្ឋដែលរងគ្រោះដោយសារឧបទ្ទវហេតុផ្សេងៗក៏ដូចជាគ្រោះទឹកជំនន់ជាដើម។ ជាមួយនេះផងដែរឯកឧត្តមអភិបាលរងខេត្ត ក៏បានណែនាំដល់បងប្អូនប្រជាពលរដ្ឋទាំងអស់ ត្រូវប្រកបមុខរបរចិញ្ចឹមជីវិតប្រកបដោយខ្លួនឯង ជាពិសេសអំឡុងពេលក្រោយពីរងគ្រោះទឹកជំនន់នេះ ក៏ដូចជាការយកចិត្តទុកដាក់ខ្ពស់ដល់សុខភាពទូទៅ ដើម្បីលើកកម្ពស់ជីវភាពឡើងវិញផងដែរ។ លើសពីនេះឯកឧត្តម ព្រឹម រដ្ឋា ក៏បានណែនាំដល់អាជ្ញាធរត្រូវបង្កើនយកចិត្តទុកដាក់ខ្ពស់ដល់គោលការណ៍ភូមិឃុំមានសុវត្ថិភាពដើម្បីបង្កលក្ខណៈងាយស្រួលដល់ការរស់នៅដល់បងប្អូនប្រជាពលរដ្ឋក្នុងមូលដ្ឋាន ក៏ដូចជាអនុវត្តតាមប្រសាសន៍ ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីក៏ដូចជា ការអនុវត្តនូវគោលការណ៍របស់រាជរដ្ឋាភិបាលអាណត្តិទី៧ ឱ្យបានទទួលជោគជ័យដោយត្រចះត្រចង់។ ឯកឧត្តម ព្រឹម រដ្ឋា បានបញ្ជាក់បន្ថែមថា ថ្វីដ្បិតអំណោយនៅពេលនេះមានចំនួនតិចតួចក្តី ប៉ុន្តែក៏បានឆ្លើយតបទៅនឹងស្ថានភាពជីវភាពជាក់ស្តែងរបស់បងប្អូនប្រជាពលរដ្ឋក្រោយពីរងគ្រោះដោយសារទឹកជំនន់រដូវវស្សា ៊បានមួយកម្រិត ក៏ដូចជាបង្ហាញឱ្យឃើញពីការយកចិត្តទុកដាក់របស់ថ្នាក់ដឹកនាំគ្រប់លំដាប់ថ្នាក់ ជាពិសេសសម្ដេចទាំងពីរ តែងតែផ្ដល់ជូន ជួយសង្គ្រោះដល់បងប្អូនប្រជាពលរដ្ឋដែលរងគ្រោះដោយទឹកជំនន់ និងឧបទ្ទវហេតុផ្សេងៗនៅគ្រប់មូលដ្ឋានទាំងអស់។ គួរបញ្ជាក់ផងដែរថា បងប្អូនប្រជាពលរដ្ឋដែលទទួលបានអំណោយនៅពេលនេះមានចំនួន៣០០គ្រួសារ ដែលអញ្ជើញមកពីឃុំរុងរឿង ឃុំព្រះដំរី ឃុំបន្ទាយស្ទោង និងឃុំទ្រា ក្នុង០១គ្រួសារៗទល់ទទួលបាន÷ នូវអង្គរ០១បេ ទឹកសុទ្ធ០១កេស មី០១កេស ទឹកស៊ីអ៊ីវ០១យួរ ទឹកត្រី០១យួរ និងត្រីខ០១យួរផងដែរ៕
ព័ត៌មានគួរចាប់អារម្មណ៍
មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន? (vojhotnews)
លោកកែវ ផាន មេគយប្រចាំច្រកទ្វារព្រំដែនភ្នំដិន កំពុងល្បីរឿងដាក់មន្រ្តីគយនិងជនសុីវិលប្រមូលលុយតាមផ្លូវ ផ្ទុយនីតិវិធីប្រមូលពន្ធគយ ច្របាច់កអ្នករកសុីម៉ាគែរ! (vojhotnews)
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
វីដែអូ
ចំនួនអ្នកទស្សនា