(កំពង់ធំ)÷ នៅព្រឹកថ្ងៃទី០៦ ខែធ្នូ ឆ្នាំ២០២៣ នៅទីបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បានរៀបចំពិធីផ្សព្វផ្សាយសេចក្តីណែនាំរបស់បញ្ជាការដ្ឋានកងទ័ពជើងគោក ស្ដីពីវិធានការដាក់យោធិនអាជីពទាំងពីរភេទ ឱ្យចូលសោធននិវត្ត យោធិនពិការ និងយោធិនពលីមរណៈ ដែលពិធីផ្សព្វផ្សាយនេះ ស្ថិតក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ។ លោកវរសេនីយ៍ទោ នូ វុទ្ធា នាយការិយាល័យទី១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានឡើយអានសេចក្តីណែនាំលេខ០០២/២០២៣ សណន ចុះថ្ងៃទី២៧ ខែវិច្ឆិកា ឆ្នាំ២០២៣ របស់បញ្ជាការដ្ឋានកងទ័ពជើងគោក ស្ដីពីវិធានការដាក់យោធិនអាជីពទាំងពីរភេទឱ្យចូលសោធននិវត្តន៍ យោធិនពិការ និងយោធិនពលីមរណៈ និងបានណែនាំអំពីតួនាទីភារកិច្ចមួយចំនួនរបស់ជំនាញការិយាល័យទី១ ដល់ស្ថាប័នជំនាញបុគ្គលិក មេបញ្ជាការគ្រប់បណ្ដាកងឯកភាព និងស្ថាប័នពាក់ព័ន្ធ ដើម្បីបំពេញរាល់បណ្ដាសំណុំលិខិតឯកសារផ្សេងៗដែលថ្នាក់លើបានកំណត់។ អង្គប្រជុំបានពិភាក្សាគ្នាយ៉ាងល្អិតល្អន់ និងបានលេីក ឡេីងជាសំណួរ និងចម្លើយ ប្រកបដោយស្មារតីទទួល ខុសត្រូវខ្ពស់ក្នុងភារកិច្ច ដើម្បីចាត់តាំងដំណើរការអនុវត្តឲ្យទទួលបានលទ្ធផលល្អ ជោគជ័យ តាមការណែនាំរបស់ថ្នាក់ដឹកនាំតាមឋានានុក្រមគ្រប់លំដាប់ថ្នាក់។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានណែនាំ អំពី ភារកិច្ច សំខាន់ៗ មួយ ចំនួន និងបានបញ្ជាក់ជូនអំពីលក្ខខណ្ទទាំង៤ចំណុចនៃការដាក់យោធិនឲ្យចូលសោធននិវត្តន៍សម្រាប់ឆ្នាំ២០២៤។ ក្នុងនោះ÷ ១.ត្រូវជ្រើសរើសយកយោធិនដែលស្ម័គ្រចិត្តចូលសោធននិវត្តន៍។ ២.ជាយោធិន ដែលមានសុខភាពទ្រុឌទ្រោមមិនអាចបម្រេីការងារបាន។ ៣.ជាយោធិនដែលមានភាពអសកម្មក្នុងការងារ និងទី៤សំដៅជ្រើសរើសយកយោធិន ដែលបាត់បង់សមត្ថភាពការងារ។ ឧត្តមសេនីយ៍ទោ សោម ស៊ុន បានណែនាំដល់មេបញ្ជាការគ្រប់កងឯកភាព និងស្ថាប័នចំណុះត្រូវប្រជុំផ្សព្វផ្សាយខ្លឹមសារសេចក្តីណែនាំរប់ ស់ បញ្ជការ ដ្ឋាន កងទ័ព ជើងគោកឲ្យបានជ្រួតជ្រាប ក្នុងជួរយោធិនក្រោមឱវាទ ហើយចាត់តាំងក្រុមការងារជំនាញបំពេញសំណុំបែបបទឯកសារ ចំពោះយោធិនដែលមានឈ្មោះត្រូវចូលសោធននិវត្តន៍ស្របតាមលក្ខខណ្ឌទាំង៤ចំណុចខាងលើ ដេីម្បី ធ្វើការប្រជុំត្រួតពិនិត្យវាយតម្លៃ បំពេញសំណុំបែបបទឯកសារផ្សេងៗ ដែលជំនាញការិយាល័យទី១ បានណែនាំ បញ្ជូនមកបញ្ជាការដ្ឋានតំបន់ប្រតិបត្តិការសឹករង ដើម្បីថ្នាក់ដឹក នាំទនៃបញ្ជាការតំបន់ប្រតិបត្តិការសឹករងកំពង់ធំ ចាត់តាំងប្រជុំត្រួតពិនិត្យ និងវាយតម្លៃធ្វើរបាយការណ៍ជូនទៅថ្នាក់លើតាមឋានានុក្រម ក្នុងការស្នើសុំដាក់យោធិនអាជីពទាំង២ភេទឲ្យចូលសោធននិវត្តន៍នៅក្នុងឆ្នាំ២០២៤ខាងមុខនេះ៕
ព័ត៌មានគួរចាប់អារម្មណ៍
អគ្គីភ័យលេបត្របាក់កុដិមួយខ្នង ស្ថិតនៅវត្តពោធិរុក្ខារាម ហៅវត្តពោធិរោង ស្ទើរសល់តែផេះ! (vojhotnews)
ឯកឧត្តមបណ្ឌិត គុណ ញឹម ខិតខំរកចំណូលគយនៅឆ្នាំ២០២៥ ប្រមូលបានជិត៣.២ពាន់លានដុល្លារ លើសផែនការរហូតដល់ ២៤% (vojhotnews)
លោក ឃួន ប៉ក់ តំណាងប្រជាជន ១៨ គ្រួសារ កើតទុកមិនសុខចិត្តចំពោះ ឈ្មោះ ភឺន ផល្លា និងឈ្មោះ ង៉ាន់ ភិរុណ រំលោភកាក់កាប់ដីមានថ្លង់រួប! (vojhotnews)
លោក គួច ចំរើន អភិបាលខេត្ត មើលំលងរោង ចក្រផលិត បារី ក្លែងក្លាយរបស់ចិនមួយនេះ កំពុង តែទទួលរងនូវការរិះគន់ពីសំណាក់ មហាប្រជាពលរដ្ឋ យ៉ាងខ្លាំង តែម្ដង ដោយ ស្ដុកទុកបារី រាប់សិបតោន រួច បញ្ជូន ទៅក្រៅប្រទេស ដោយគេច ពន្ធ ទៀតផង ! (vojhotnews)
លោក លី គួង មេក្លោង Online Scams តុលាការ ចេញដីកាឃុំខ្លួន (vojhotnews)
វីដែអូ
ចំនួនអ្នកទស្សនា