ខេត្តឧត្ដរមានជ័យ ៖ លោកឆណាក់ប្រធានស្នាក់ការគយនិងរដ្ឋាករ កុំពុងចាប់ដៃគ្នាជាមួយលោកញិបផល្លិក គយចល័តតំបន់5 ប្រព្រឹត្តអំពើពុករលួយ ដោយបើកដៃឲ្យក្រុមឈ្មួញដឹក ត្រី សាច់ទំនិញខូចគុណភាព និងទំនិញបង់ពន្ធចូលរដ្ឋមិនគ្រប់ ប្រមូលពន្ធ ចូលរដ្ឋជាលក្ខណៈមៅការ ។
ជារាងរាល់ថ្ងៃ គេសង្កេតឃើញ មានរថយន្ត សាំងយ៉ុង និងរថយន្តឆ្នៃកាត់ត៏ទ្រុងមួយបាំងកន្លះជាច្រើនគ្រឿងនិងរថយន្តសេរីទំនើប ផ្សេងទៀត កុំពុងធ្វើអាជីវកម្មចូលដឹកទំនិញ នៅប្រទេសសៀមតាមច្រកអន្តរជាតិជាំក្នុងទឺកដីស្រុកអន្លង់វែង យ៉ាងគគ្រឹកគគ្រេង។
តាមប្រភពអ្នកដឹកទំនិញ ចេញចូលបានឲ្យដឹងថាលោក ញិប ផល្លិក ប្រធានគយចល័តតំបន់5ប្រចាំការប៉ុស្តិ៍ជជុះក្នុងភូមិជើងភ្នំឃុំត្រពាំងប្រិយ៍កុំពុងតែសប្បាយ កៀបយកលុយពីរក្រុមឈ្មួញយ៉ាងកំរោល។
បច្ចុប្បន្នឈ្មួញទាំងធំទាំងតូចសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ តាមច្រកទ្វារអន្តរជាតិជាំ យ៉ាងពេញបន្ទុក។ ប្រភពបានបន្តទៀតថា សូម្បីតែទំនិញជាប្រភេទចំណីអាហារខូចគុណភាព និងមានលាយសារធាតុគីមីដូចជាជើងមាន់ ស្លាបមាន់ ជង្គង់មាន់ គ្រឿងក្នុងមាន់ គ្រឿងក្នុងជ្រូក គ្រឿងក្នុងគោ ក៏ លោក ឆ ណាក់ ប្រធានការិយាល័យគយច្រកទ្វារអន្តរជាតិជាំ បើកដៃឲ្យឈ្មួញនាំចូលតាមអំពើចិត្តដែរ។
រីឯលោក ឈុន សុភមង្គល ប្រធានសាខាគយខេត្តឧត្តរមានជ័យ បណ្ដោយឲ្យលោក ឆ ណាក់ ប្រមូលលុយតាមរបៀបពុករលួយយ៉ាងត្រជាក់ចិត្តដោយមិនខ្វល់ពីការរិះគន់អ្វីទាំងអស់។
ប្រភពពីសមត្ថកិច្ចពាក់ព័ន្ធនៅស្រុកអន្លង់វែង បានឲ្យដឹងថា ក្រុមឈ្មួញដឹកជញ្ជូនទំនិញទាំងតាមរថយន្តធុនធំ និងរថយន្តធុនតូចពីប្រទេសសៀម ដោយពួកគេ ដឹកច្រើនលើសលុប អាចបង្ករគ្រោះថ្នាក់ ដល់ពួកគាត់។ជាកស្ដែងកាលពីថ្ងៃទី២៦ខែកដ្ដា ឆ្នាំ២0២៣ កន្លងទៅនេះមានរថយន្ថម៉ាក់ធុនត្រា ពណ៌ប្រផះ ពាក់ស្លាកលេខ ភ្នំពេញ (2BC 4278 ) បានដឹអីវាន់ មកពីប្រទសសៀម ច្រើនហួសកំណត់ពេក អ្នកបើបរមិន អាចគ្របគ្រងក្នុងសណ្ថានភាពក្នុងការបើកបរបាន ធ្វើឲ្យក្តឡាប់ផ្ងាជើង នៅចំណុចសាលាជប៉ុន ឃុំណអូរស្វាយស្រុកត្រពាំងប្រាសាទ ខេត្តឧត្ដរមានជ័យ។
តាមការលើកឡើ របស់ក្រុមឈ្មួញ ថាបើមិនដឹក ឲ្យបានច្រើន ធ្វើម្ដេចមានផលចំនិញ ព្រោះបង់លុយច្រើន ជាងមុនទ្វេដង ហើយពួកគេដឹកយកមករក្សាទុកតាមឃ្លាំងច្រើនកន្លែងនៅក្បែរៗច្រកទ្វារអន្តរជាតិជាំ តាមអំពើចិត្ត។ បន្ទាប់មកឈ្មួញអាចដឹកជញ្ជូនទំនិញទៅដល់គោលដៅយ៉ាងរលូនឲ្យតែបង់លុយតាមការកំណត់របស់មន្ត្រីគយចល័តតំបន់5ប្រចាំកុងត្រូលជជុះក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។ ក្រុមឈ្មួញបានបញ្ជាក់ថា លោក ញិប ផល្លិក ប្រធានគយចល័តតំបន់5ប្រចាំប៉ុស្តិ៍ជជុះក្នុងភូមិជើងភ្នំ ឃុំត្រពាំងប្រីយ៍ មានចរិតក្រអឺតក្រទមខ្លាំងណាស់ ហើយគាបយកលុយលើតុក្រោមតុពីពួកគាត់តាមតែអំពើចិត្ត។
ប្រភពពីក្រុមឈ្មួញបានឲ្យដឹងទៀតថា ករណីលោក ញិប ផល្លិក គាបយកលុយពីពួកគាត់គឺពុំមានការចេញបង្កាន់ដៃ ឬវិក្កយបត្រឲ្យបានត្រឹមត្រូវនោះទេ ហើយក៏គ្មានអ្នកណាហ៊ានតវ៉ាដែរ ព្រោះខ្លាចប្រឈមនឹងការលំបាកកាន់តែខ្លាំង។ ហេតុនេះលោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា មិនគួរបណ្ដោយឲ្យលោក ឆ ណាក់ មេគយច្រកទ្វារអន្តរជាតិជាំ និងលោក ញិប ផល្លិក ធ្វើអ្វីៗស្រេចតែអំពើចិត្តទៀតទេ។ ដោយហេតុថាលោក ឆ ណាក់ បើកដៃឲ្យឈ្មួញនាំចូលទំនិញគេចពន្ធ និងទំនិញប្រភេទចំណីអាហារខូចគុណភាពយ៉ាងពេញបន្ទុក ហើយលោក ញិប ផល្លិក ប្រើតួនាទី និងអំណាចប្រមូលលុយតាមរបៀបពុករលួយ។ក្រុមការងារយើងមិនអាចសុំការបំភ្លឺ ពីរលោក ញិបផល្លិក គយចល័តក្រសួង និងលោកឆណាក់ប្រធានស្នាក់ការគយនិងរដ្ឋាករប្រចាំច្រកអន្តរជាតិជាំបាននោះទេ ខលចូលគ្មានអ្នកលើកទូរស័ព្ទ។ភាគទី2បន្ត