(កំពង់ធំ)÷ ឯកឧត្តម ជា វ៉ាន់ចាន់ អភិបាលរងខេត្តកំពង់ធំ បានដឹកនាំក្រុមការងារចូលរួមដាក់តាំងពិពណ៌ផលិតផលខ្មែរក្នុងកម្មវិធីអបអរសាទការប្រារព្ធខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយ ឈ្នះ ឈ្នះ និងខួប៥ឆ្នាំ នៃការកសាងវិមានឈ្នះ ឈ្នះ (២៩ ធ្នូ ១៩៩៨ - ២៩ ធ្នូ ២០២៣) មានរយៈពេលបីថ្ងៃគឺចាប់ពីថ្ងៃទី២៩-៣១ ខែធ្នូ ឆ្នាំ២០២៣ ស្ថិតនៅវិមានឈ្នះ ឈ្នះ រាជធានីភ្នំពេញ។ ឯកឧត្តម ជា វ៉ាន់ចាន់ បានលើកឡើងថា ដោយមានការយកចិត្តទុកដាក់ពីរាជរដ្ឋាភិបាលកម្ពុជា ក្រោមការដឹកនាំដ៏ឆ្លាតវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើឱ្យប្រទេសជាតិមានសុខសន្តិភាព និងមានការរីកចម្រើនលើគ្រប់វិស័យ ពិសេសគឺហេដ្ឋារចនាសម្ព័ន្ធមានគ្រប់ទីកន្លែង។ សម្រាប់ខេត្តកំពង់ធំក៏មានកិត្តិយសក្នុងការមកដាក់តាំងពិព័រណ៍ភូមិមួយផលិតផលមួយ ដែលជាស្នាដៃរបស់កូនខ្មែរ ដើម្បីបង្ហាញពីការខិតខំប្រឹងប្រែងរបស់បងប្អូនប្រជាពលរដ្ឋនៅក្នុងមូលដ្ឋានពីការផលិតសម្ភារៈដំណាំកសិកម្ម និងវិស័យផ្សេង។ ឯកឧត្តមអភិបាលរងខេត្តកំពង់ធំ បានបន្តទៀតថា ការដាក់តាំងពីពណ៌ភូមិមួយផលិតផលមួយ គឺមានការចូលរួមគ្រប់ក្រសួងទាំងអស់ រាជធានី/ខេត្ត បណ្ដាក្រុមហ៊ុន និងអាជីវករលក់ដូរជាច្រើនបានដាក់បង្ហាញពីសម្ភារៈរបស់ខ្លួនដែលមានគុណភាព និងអនាម័យដោយមិនប៉ះពាល់ទៅលើសុខភាពបងប្អូនប្រជាពលរដ្ឋនោះឡើយ។ ជាមួយគ្នានេះផងដែរកម្មវិធីអបអរសាទការប្រារព្ធខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយ ឈ្នះ ឈ្នះ និងខួប៥ឆ្នាំ នៃការកសាងវិមានឈ្នះ ឈ្នះ ក៏មានការអញ្ជើញចូលរួមដ៏ខ្ពង់ខ្ពស់សម្ដេចមហាបរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ជាចុងក្រោយឯកឧត្តម ជា វ៉ាន់ចាន់ អភិបាលរងខេត្តកំពង់ធំក៏បានលើកទឹកចិត្តដល់ក្រុមការងារទាំងអស់ក្នុងខេត្តកំពង់ធំ សូមយកចិត្តទុកដាក់និងផ្សព្វផ្សាយបន្ត នៅក្នុងមូលដ្ឋានដល់ប្រជាពលរដ្ឋពីសារៈប្រយោជន៍នៃការដាក់តាំងពិពណ៌ភូមិមួយផលិតផលមួយ ដោយមានការគាំទ្រពីឯកឧត្តម លោកជំទាវ លោក លោកស្រី ភ្ញៀវជាតិ និងអន្តរជាតិ តាមបណ្ដាខេត្តនីមួយៗដែលចូលមកទស្សនាដែលបានគាំទ្រនូវស្នាដៃកូនខ្មែរផងដែរ។ សូមបញ្ជាក់ផងដែរថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមលោកជំទាវទាំងអស់ ក៏បានអញ្ជើញចូលរួមទស្សនាតាមការដាក់តាំងពិពណ៌សមិទ្ធផលនានា នៅតាមក្រសួង និងតាមបណ្តារខេត្ត នៅបរិវេណវិមានឈ្នះឈ្នះ៕
ព័ត៌មានគួរចាប់អារម្មណ៍
លោកសុខ សុវិទ្យា អគ្គនាយករងតំណាងដ៏ខ្ពង់ខ្ពស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានបើកវគ្គបណ្តុះបណ្តាលអនុលោមតាមផែនការសកម្មភាព ឆ្នាំ២០២៥ ! (vojhotnews)
លោក ម៉ឹង ដាវីន មេការិយាល័យគយច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីគយ និងប្រើជនសុីវិល អង្គុយចាំរាប់ក្បាលឡាន ឈ្មួញតូច ធំ ដឹកជញ្ជួនតំឡូងមី ទៅប្រទេសវៀតណាម និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរអោយបង់លុយតាមការកំណត់! (vojhotnews)
ភាពមិនប្រក្រតីប្រព្រឹត្តរបៀបអំពីពុករលួយរបស់លោក សុង មាល័យ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិក្អមសំណនិងក្រុមមន្ត្រីប្រចាំច្រកទ្វារព្រំដែនអន្តរជាតិក្អមសំណរតម្រូវអោយអាជីវករបង់លុយចាប់ពី២០មុឺនរៀលទៅ៣៥ម៉ឺនរៀលក្នុង១ឡាន? (voj)
ដុះស្លែប្រព្រឹត្តរបៀបពុករលួយអង្គភាពប្រឆាំងអំពើពុករលួយ មិនគួរមើលរំលងភាពមិនប្រក្រតីប្រព្រឹត្តរបៀបអំពើពុករលួយរបស់លោក ព្រាប គារ៉ាត់”ហៅសិទ្ធ” មេគយចល័តលើផ្ទៃប្រទេសតំបន់ ៦ កាន់តំណែងដុះស្លែ..! (vojhotnews)
វីដែអូ
ចំនួនអ្នកទស្សនា