(កំពង់ធំ)÷ ឯកឧត្តម ជា វ៉ាន់ចាន់ អភិបាលរងខេត្តកំពង់ធំ ទទួលបន្ទុកគ្រប់គ្រងទីលានទុកដាក់សំរាម បានដឹកនាំក្រុមការងារចុះពិនិត្យដំណេីរការលេីកដំបូងទីលានទុកដាក់សំរាម ដែលមានទីតាំងស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ នាព្រឹកថ្ងៃទី០៦ ខែមករា ឆ្នាំ២០២៤។ ដែលទីលានទុកដាក់សំរាមនេះមានទំហំ២០ហិចតា កសាងឡេីងដោយក្រសួងសាធារណការនិងដឹកជញ្ជូន ក្រោមកំចីរបស់ធនាគារអភិវឌ្ឍន៍អាសុី (ADB) ។ ឯកឧត្តម ជា វ៉ាន់ចាន់ បានថ្លែងថា ថ្ងៃនេះជាថ្ងៃលើកដំបូងដែលទីលានទុកដាក់សំរាមបានដំណេីរការទទួលយកសំរាម ពីក្រុមហ៊ុនប្រមូលសំរាមក្នុងក្រុងស្ទឹងសែន និងតាមទីផ្សារធំៗក្នុងខេត្ត។ ពេលដឹកជញ្ជូនសំរាមមកដល់ទីលានត្រូវតែថ្លឹងទំងន់ជាមុនសិនមុននឹងយកសំរាមទៅចាក់ក្នុងអាងសំរាម ហេីយពេលត្រឡប់ចេញពីអាងសំរាមត្រូវតែលាងរថយឱ្យស្អាតជាមុនសិន មុននឹងថ្លឹងសំបករថយន្ត។ ជាពិសេសនោះ គឺរថយន្តមិនមានក្លិនស្អុយពេលបេីកបរតាមទីសាធារណ:។ ឯកឧត្តមអភិបាលរងខេត្ត បានបន្តទៀតថា ដើម្បីធានាបាននូវសុខសន្តិភាពក្រោមការដឹកនាំរបស់សម្ដេចមហាបវរធិបត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតែងតែគិតគូរពីបរិស្ថាន និងការទុកដាក់សំរាមប្រកបដោយអនាម័យ ជៀសវាងការឆ្លងជំងឺផ្សេងៗដល់ប្រជាពលរដ្ឋ។ ម្យ៉ាងវិញទៀតរដ្ឋបាលខេត្តកំពង់ធំ បានបង្កើតទីតាំងដ៏ធំទូលាយនេះ ដើម្បីដឹកជញ្ជូនសំរាមពីក្រុងស្ទឹងសែន និងស្រុកកំពង់ស្វាយ ទៅទុកដាក់ប្រកបដោយការទទួលខុសត្រូវខ្ពស់ជាមួយក្រុមហ៊ុនដឹកជញ្ជូនសំរាម។ ជាចុងក្រោយឯកឧត្តម ជា វ៉ាន់ចាន់ អភិបាលរងខេត្តកំពង់ធំ ក៏បានអំពាវនាវដល់បងប្អូនប្រជាពលរដ្ឋទាំងអស់ត្រូវតែចេះវេចខ្ចប់សំរាមដាក់ក្នុងបេឬថង់ឱ្យបានត្រឹមត្រូវ នៅតាមមុខផ្ទះងាយស្រួលឱ្យក្រុមហ៊ុនដឹកជញ្ជូនសំរាមប្រមូល បានស្អាត ដើម្បីឱ្យមានសោភ័ណភាពក្នុងក្រុងស្ទឹងសែន ខេត្តកំពង់ធំ។ សូមឱ្យអាជ្ញាធរទាំងអស់ ជួយផ្សព្វផ្សាយបន្ថែមពីសុវត្ថិភាពការទុកដាក់សំរាម ឱ្យមានសណ្ដាប់ធ្នាប់ល្អ និងចេះដាក់ទៅតាមផ្នែកនីមួយៗនៃសំរាម កុំឱ្យឆ្លងជំងឺដល់បងប្អូនប្រជាពលរដ្ឋតាមរយៈសំរាម។ គួរបញ្ជាក់ផងដែរថា សម្រាប់បងប្អូនដែលចូលទៅរើសសម្ភារៈផ្សេងៗនៅទីលានទុកដាក់សំរាម សូមចូលរួមសហការជាមួយក្រុមការងារនៅទីនោះ ពិសេសស្ដាប់ការណែនាំពីការទុកដាក់សំរាមទៅតាមផ្នែកនីមួយៗឱ្យមានសុវត្ថិភាព៕
ព័ត៌មានគួរចាប់អារម្មណ៍
មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន? (vojhotnews)
លោកកែវ ផាន មេគយប្រចាំច្រកទ្វារព្រំដែនភ្នំដិន កំពុងល្បីរឿងដាក់មន្រ្តីគយនិងជនសុីវិលប្រមូលលុយតាមផ្លូវ ផ្ទុយនីតិវិធីប្រមូលពន្ធគយ ច្របាច់កអ្នករកសុីម៉ាគែរ! (vojhotnews)
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
វីដែអូ
ចំនួនអ្នកទស្សនា