(ខេត្តកំពង់ធំ) នៅព្រឹកថ្ងៃទី 24 ខែកក្កដា ឆ្នាំ 2024 ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសិករងខេត្តកំពង់ធំ និងជាអនុប្រធានអចិន្ត្រៃយ៍គណៈកម្មការ ការពារគ្រប់គ្រង និងបង្ក្រាបបទល្មើសធនធានធម្មជាតិក្នុងភូមិសាស្ត្រខេត្តកំពង់ធំ បានបន្តដឹកនាំកងកម្លាំងចម្រុះដើម្បីត្រួតពិនិត្យសកម្មភាពការកាប់ទន្ទ្រានព្រៃឈើដើម្បីយកដីធ្វើជាកម្មសិទ្ធិ និងចុះសួរសុខទុកកងកម្លាំងជម្រុះនៃទីបញ្ជាការស្រាលស្ថិតនៅចំណុចអូរឃ្មង ក្នុងភូមិសាស្ត្រឃុំសុចិត្រ ស្រុកសណ្តាន់ ខេត្តកំពង់ធំ។
ក្នុងនោះផងដែរ ឧត្តមសេនីយ៍ទោ សោម ស៊ុន អនុប្រធានអចិន្ត្រៃយ៍គណៈកម្មការ ការពារគ្រប់គ្រង និងបង្ក្រាបបទល្មើសធនធានធម្មជាតិខេត្តកំពង់ធំបានថ្លែងថា: លោកពិតជាមានការសោកស្ដាយណាស់ចំពោះការបាត់បង់នៅធនធានធម្មជាតិ ដែលត្រូវរងការកាប់ទន្ទ្រានយកដីរបស់រដ្ធធ្វើជាកម្មសិទ្ធិពីសំណាក់ជនល្មើស។
មិនតែប៉ុណ្ណោះទៀតសោត ឧត្តមសេនីយ៍ទោ សោម ស៊ុន បានបន្តឲ្យដឹងទៀតថា: កងកម្លាំងចម្រុះទាំងអស់ត្រូវតែខិតខំអនុវត្តបន្តការងារឲកាន់តែបាន នូវការកាប់ទន្ទ្រានយកដីខុសច្បាប់ឲ្យបានគង់វង្ស និងដាច់ខាតហើយត្រូវតែស្រាវជ្រាវកំណត់រកមុខសញ្ញាជនល្មើសទៅតាមផ្លូវច្បាប់ជាធរមាន ដោយគ្មានការលើកលែងបានឡើយ។ហើយត្រូវបន្តការទប់ស្កាត់ និងបង្ក្រាបឲ្យមានប្រសិទ្ធភាព និងដោយគ្មានការរាថយផងដែរ។
សូមបញ្ជាក់ផងដែរថា: ឧត្តមសេនីយ៍ទោ សោម ស៊ុន ក៏បានថ្លែងនូវការសាកសួរសុខទុក្ខដល់កងកម្លាំងចម្រុះនៃទីបញ្ជាការស្រាលអូរឃ្មង ដែលដឹកនាំដោយលោក ណុប ឆាយាប្រធានក្រុមនៅទីនោះ ចិត្តប្រកបដោយបេតិសម្នោះក្រៃលែងព្រមទាំងនាំយកស្បៀងអាហារគ្រឿងឧបភោគបរិភោគមួយចំនួនដូចជា:
-ស័ង្កសី200សន្លឹក
-សាំង 100 លីត្រ
-ទឹកត្រី+ទឹកស៊ីអ៊ីវ 6 យួរ
-អង្ករ 100 Kg
-មីជាតិ 10កេះ
-ទឹកបរិសុទ្ធ50យួរ
-ត្រីខកំប៉ុង 10យួរ
-ថ្នាំពេទ្យសម្រាប់ព្យាបាល1កេះ
រួមនឹងថវិកាមួយចំនួនជូនដល់កងកម្លាំងចម្រុះនៃទីបញ្ជាការស្រាលតំបន់អូរឃ្មង សម្រាប់ការខ្វះខាតក្នុងការបំពេញភារកិច្ចនិងការដោះស្រាយការហូបចុកប្រចាំថ្ងៃផងដែរ។៕ដោយសហការី vojhotnews