ងៃទី 19 ខែសីហា ឆ្នាំ 2024 ព្រឹកមិញនេះ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ បានអញ្ជើញចូលរួមជាធិបតីភាព ក្នុងពិធីដាំស្ដារព្រៃឈើក្នុងដែនជម្រកសត្វព្រៃព្រៃឡង់ អមដំណើរដោយ ឧត្តមសេនីទោ សោម ស៊ុន មេបញ្ជាការតំបន់ប្រតិបត្តិការសឹករងខេត្តកំពង់ធំ និងអនុប្រធានអចិន្ត្រៃយ៍ នៃគណៈកម្មការ ការពារទប់ស្កាត់ និងបង្ក្រាបបទល្មើសធនធានធម្មជាតិ រួមជាមួយអាជ្ញាធរ មន្ត្រីមានសមត្ថកិច្ច ប្រធាន អនុប្រធាន និងសមាជិកសមាជិកា មន្ទីរបរិស្ថានខេត្តកំពង់ធំផងដែរ។ ថ្លែងក្នុងឱកាសនោះដែរ ឯកឧត្តម នួន ផារត្ន អភិបាល នៃគណៈអភិបាលខេត្តកំពង់ធំ និងជាប្រធានគណៈកម្មការ ការពារទប់ស្កាត់និងបង្ក្រាបបទល្មើសធនធានធម្មជាតិក៏បានថ្លែងឲ្យដឹងផងដែរថា ឯកឧត្តមពិតជាមានបិតិសោមនស្សក្រៃលែង ចំពោះបងប្អូន ប្រជាពលរដ្ឋទាំងអស់ និងពិសេសប្អូនៗសិស្សានុសិស្ស ដែលកំពុងតែខិតខំសិក្សាសូមឲ្យចេះស្រឡាញ់សម្បត្តិធនធានធម្មជាតិ និងសូមឲ្យជៀសវាងឲ្យឆ្ងាយផុតពីបទល្មើសធនធានធម្មជាតិអោយបាន និងចូលរួមការពារសម្បត្តិធនធានធម្មជាតិ និងចូលរួមដាំកូនឈើដើរឡើងវិញ ក៏ដូចជាការចេះស្រឡាញ់ខ្លួនឯងផងដែរ។ មិនតែប៉ុណ្ណោះសោត ឯកឧត្តម នួន ផារ័ត្នក៏បានថ្លែងអំណរគុណ ដល់មន្ទីរបរិស្ថានខេត្តកំពង់ធំ និងការសហការជាមួយអាជ្ញាធរដែនដីគ្រប់លំដាប់ថ្នាក់ដែលបានរៀបចំឲ្យមានកម្មវិធីដាំស្ដារព្រៃឈើឡើងវិញនេះផងដែរ។ឯកឧត្តមក៏បានបន្តណែនាំដល់បងប្អូនប្រជាពលរដ្ឋទាំងអស់ ឲ្យចូលរួមការពារទប់ស្កាត់នូវសម្បត្តិធនធានធម្មជាតិ និងក៏សូមកុំឲ្យមានការកាប់ទន្ទ្រានយករបស់រដ្ធធ្វើជាកម្មសិទ្ធិផ្ទាល់របស់ខ្លួនផងដែរ។ សូមបញ្ជាក់ផងដែលថា ចំពោះកម្មវិធីដាំកូនឈើជម្រុះស្ដារឡើងវិញ ក្នុងភូមិសាស្ត្រដែនជំរកសត្វព្រៃព្រៃឡង់ មានចំនួនសរុបប្រហែល១ម៉ឺនដើម ដែលស្ថិតនៅក្នុងភូមិសាស្ត្រចំណុចច្រកតោល ឃុំមានរិទ្ធិ ស្រុកសណ្ដាន់ខេត្តកំពង់ធំ។
ព័ត៌មានគួរចាប់អារម្មណ៍
មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន? (vojhotnews)
លោកកែវ ផាន មេគយប្រចាំច្រកទ្វារព្រំដែនភ្នំដិន កំពុងល្បីរឿងដាក់មន្រ្តីគយនិងជនសុីវិលប្រមូលលុយតាមផ្លូវ ផ្ទុយនីតិវិធីប្រមូលពន្ធគយ ច្របាច់កអ្នករកសុីម៉ាគែរ! (vojhotnews)
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
វីដែអូ
ចំនួនអ្នកទស្សនា