ខេត្តកំពង់ធំ ដោយមើលឃើញពីស្ថានភាព និងទុកលំបាកចំពោះបងប្អូនប្រជាពលរដ្ឋជួបកា រលំបាក និងទុរគតជនទីទាល់ក្រ បានព្រឹកខ្វះល្ងាច និងគ្មានទីពឹងព្រមទាំងជាចាស់ជរាផងដែរនោះ។
ជាក់ស្ដែងផងនោះដែរ និងដោយមានការស្រុះស្រួលគ្នាជាឯកច្ឆន្ទ និងដោយមានការចង្អុលបង្ហាញពីសំណាក់អាជ្ញាធរមូលដ្ឋានគ្រប់លំដាប់ថ្នាក់ និងអាជ្ញាធរគ្រប់គ្រងទីនោះផងដែរក៏ដូចជាបងប្អូនប្រជាពលរដ្ឋដែលរស់នៅក្នុងមូលដ្ឋាន បានមូលមតិគ្នាជាសប្បុរសជនដើម្បីធ្វើមនុស្សធម៌ នាំយកគ្រឿងឧបភោគ និងសម្ភារៈមួយចំនួន ក៏ដូចជាថវិកាខ្លះផងដែរដើម្បីធ្វើមនុស្សធម៌ចែកជូនដល់ទុរគតជនក្រីក្រ គ្មានទីពឹងចំនួន ៤គ្រួសារ។
ដោយឡែកក្នុងនោះផងដែរជាក់ស្ដែង ពួកគាត់ដែលជាគ្រួសារទុរគតជនក្រីក្រ គ្មានទីពឹងបានសំដែងនូវទឹកចិត្តបិតិ សោមនស្ស ក្រៃលែង និងពោលដោយចិត្តរំភើបថា ចំពោះទឹកចិត្តសប្បុរសធម៌មួយនេះ ធ្វើឲ្យពួកគាត់អាចរស់បន្ត និងមានអង្ករសម្រាប់ដាំបាយហូបទៀតហើយ ព្រោះក្នុងនោះដែរ ជារដូវកំពុងតែភ្លៀងធ្លាក់ហើយក៏ជួបផលលំបាកខ្លាំងណាស់ដែរស្ថិតក្នុងរដូវវស្សា ហើយពួកគាត់ក៏មិនដឹងថាទៅដើររកស៊ីឈ្នួលឯណាកើតទេ បើពួកគាត់សុទ្ធសឹងតែជាចាស់ជរា គ្មានកម្លាំងកំហែងបែបនេះ។
ក្នុងនោះផងដែរបើតាមការបង្ហើបឲ្យដឹងខ្លះៗពីសំណាក់ លោក កែវ ធូ តំណាងដោយក្រុមហ៊ុន ឡេតចេង ម៉ាញនីង អេននឺជី ឌីវេឡុបមុិន ឯ.ក បានឲ្យដឹងថា: ចំពោះទឹកចិត្តសប្បធម៌មិនចាំបាច់តែមានច្រើន ឬតិច នោះទេសំខាន់គឺកើតចេញពីទឹកចិត្តជ្រះថ្លា និងធ្វើទៅតាមសទ្ធារៀងៗខ្លួនប៉ុណ្ណោះ ពោល: ដូចដំណាលមួយថា: ធ្វើបុណ្យសន្សំកុសលដោយចិត្តជ្រះថ្លា។
ទោះបីជាយ៉ាងណាក្តី ក៏លោកតែងតែយកចិត្តទុកដាក់ខ្វល់ខ្វាយ ដល់បងប្អូនជានិច្ច ហើយលោកតែងតែធ្វើមនុស្សធម៌ទៅតាមលទ្ធភាពដែលលោកមានតាមសទ្ធា ស្ថិតក្នុងមូលដ្ឋានឃុំសុចិត្រ ស្រុកសណ្ដាន់ ខេត្តកំពង់ធំផងដែរ។
សូមបញ្ជាក់ផងដែលថា: ចំពោះការនាំយកសប្បុរសធម៌ និងធ្វើមនុស្សធម៌ចែកជូនដល់ទុរគតជនទីទាល់ក្រចំនួន ៤គ្រួសារនេះត្រូវបានធ្វើឡើងស្ថិតក្នុងបរិវេណផ្ទះលោកមេភូមិព្រេនរួមមាន÷
1.លោក កែវ ធូ តំណាងក្រុមហ៊ុន ឡេតចេង ម៉ាញនីង អេននឺជី ឌីវេឡុបមុិន ឯ.ក
-អង្ករ 80 គីឡូក្រាមដោយក្នុងមួយគ្រួសារទទួលបាន 20 គីឡូក្រាម។
២.លោក ស៊ូនសុវណ្ណ (មេឃុំទំរិញ)
-ថវិកា 80000 ម៉ឺនរៀល ដោយក្នុងមួយគ្រួសារទទួលបាន 20000 ម៉ឺនរៀល។
៣.លោក គង់ តុលា និងភរិយា ព្រមទាំងបុត្រ(ភូមិព្រេន)
-ថវិកា 80000ម៉ឺនរៀល ដោយក្នុងមួយគ្រួសារទទួលបាន 20000 ម៉ឺនរៀល។
៤.លោក តេង សុខុម និងភរិយា ជាងជួសជុលម៉ូតូ និងជាងក្រឡឹង (ភូមិក្រាំង)។
-ថវិកា 80000ម៉ឺនរៀល ដោយក្នុងមួយគ្រួសារទទួលបាន 20000 ម៉ឺនរៀល។
៥.លោក សុឃា និងភរិយា ព្រមទាំងបុត្រ(ភូមិព្រេន)
-ថវិកា 80000ម៉ឺនរៀល ដោយក្នុងមួយគ្រួសារទទួលបាន 20000 ម៉ឺនរៀល។
៦.លោក ពិន ផល្លីន និងភរិយា ព្រមទាំងបុត្រ(ភូមិស្នងអន)
-ថវិកា 40000ម៉ឺនរៀល ដោយក្នុងមួយគ្រួសារទទួលបាន 10000 ម៉ឺនរៀល។
៧.លោក សាំង គឹមសាន្ត(ហៅពេទ្យស្វិត) និងភរិយា ព្រមទាំងបុត្រ (ភូមិពោធិ៍រោង)ហៅប៉ាងល្វា
-ថវិកា 40000ម៉ឺនរៀល ដោយក្នុងមួយគ្រួសារទទួលបាន 10000 ម៉ឺនរៀល។
៨.លោក សុខ ណា និងភរិយា ព្រមទាំងបុត្រ(ភូមិអន្សារ)
-ទឹកត្រី ៤យួរ ដោយក្នុងមួយគ្រួសារទទួលបាន១យួរ។
ដោយឡែកសរុបក្នុងមួយគ្រួសារទទួលបានរួមមាន÷
-អង្ករ 40 គីឡូក្រាម
-ទឹកត្រីមួយយួរ
-រួមនិងថវិកាចំនួន 10 ម៉ឺនរៀលផងដែរ។