កំពង់ធំ
   នាព្រឹកថ្ងៃទី០៣ ខែកុម្ភៈ ឆ្នាំ២០២៦ វេលាម៉ោង ៨.០០នាទីព្រឹក ត្រូវនិងថ្ងៃអង្គារ ១រោជ ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ អគ្គីភ័យបានលេបត្របាក់ កុដិ១ខ្នងស្ថិតនៅវត្តពោធិរុក្ខារាម ហៅវត្តពោធិរោង ស្ថិតភូមិពោធិរោង ឃុំសុចិត្រ ស្រុកសណ្ដាន់ខេត្តកំពង់ធំ។
   ប្រជាពលរដ្ឋដែលស្ថិតក្នុងហេតុការណ៍នោះបានឲ្យដឹងថា÷ ការឆាបឆេះកុដិនេះបណ្ដាលមកពីការផ្ទុះសេព្រីភ្លើង ហើយកុដិមួយនេះមានទំហំទទឹង 7ម៉ែត្រ បណ្ដោយ 12 ម៉ែត្រ ហើយនិងសម្ភារៈបរិក្ខារមួយចំនួនផងដែរ ដែលត្រូវខូចខាតស្ទើរទាំងស្រុង។
   បើតាមការឲ្យដឹងពីលោក ពុំ វិជ្ជា នាយប៉ុស្តិ៍រដ្ឋបាល ឃុំសុចិត្រ បានឲ្យដឹងផងដែរថា÷ ក្រោយពីលោកបានទទួលដំណឹងពីបងប្អូនប្រជាពលរដ្ឋ ភ្លាមៗនោះលោក រួមនឹងក្រុមការងារប៉ុស្តិ៍រដ្ឋបាលឃុំសុចិត្រ បានចុះទៅដល់ទីកន្លែងកើតហេតុតែម្ដង។ ខណៈដែលលោកទៅដល់ កុដិមួយខ្នងនោះ បានកំពុងតែឆេះសន្ធោសន្ធៅ ស្របពេលខ្យល់កំពុងតែបោកបក់ កាន់តែខ្លាំងឡើងៗ ដែលជំរុញឲ្យភ្លើងកាន់តែឆាប់ឆេះខ្លាំងឡើងៗ ដោយឡែកបងប្អូនបានកំពុងតែនាំគ្នា សស្រាក់សស្រាំ នាំគ្នា ដុតដៃដុតជើង ជួយពន្លត់ភ្លើងផងដែរ។
   ក្នុងនោះផងដែរ តេជគុណ លោក វ័ន្ត ដែលគង់ក្នុងវត្តនោះបានឲ្យដឹងថា÷ កុដិដែលឆេះនេះស្ថិតក្នុងចន្លោះម៉ោង 8:00 នាទីព្រឹក ដោយសារផ្ទុះសេរព្រីភ្លើង និងដោយមានសម្ភារៈមួយចំនួនក្នុងកុដិផងដែរ ដែលបង្កឲ្យមានការឆាបឆេះកាន់តែលឿនទៅៗមិនតែប៉ុណ្ណោះសោត តេជគុណបានអំពាវនាវថា÷ សូមឲ្យករុណាគ្រប់ព្រះអង្គ ព្រមទាំងព្រះចៅអធិការគ្រប់វត្ត សូមឲ្យមានការប្រុងប្រយ័ត្ន ព្រោះខែនេះ ខែមាឃ ហើយមានខ្យល់បក់ខ្លាំងប្រយ័ត្ននៅភ្លើងទាំងឡាយ ទាំងភ្លើងសង្ក្រាន្ត និងអគ្គិសនី សូមឲ្យមានការប្រុងប្រយ័ត្នឲ្យបានខ្ពស់ ហើយមានការការពារឲ្យបានខ្ជាប់ខ្ជួនជាក់ស្ដែងដូចកុដិឈើដែលកំពុងតែឆាបឆេះ នៅក្នុង បរិវេណវត្ត របស់តេជគុណផ្ទាល់តែម្ដង។
   បើតាមការឲ្យដឹងពីរដ្ឋបាលឃុំសុចិត្រថា÷ អគ្គីភ័យឆាប់ឆេះនេះ គឺបណ្ដាលមកពីការផ្ទុះសេព្រីភ្លើង ហើយកុដិនេះដែរ ដោយមានទទឹង 7ម៉ែត្របបណ្ដោយ 12ម៉ែត្រ រួមនឹងសម្ភារៈមួយចំនួនដូចជា÷
-ជ័យវរ ៥ត្រៃ
-ទៀនវស្សា១០ដើម
-ឈើប្រវែង៤ម៉ែត្រចំនួន ១០សន្លឹក
-សម្ភារៈរៀបចំសង្ក្រាន្ត ខូចខាតទាំងអស់
-ឈើក្រោមកុដិប្រភេទសសរចាស់ 30 ដើម
-ឈន 12 សន្លឹកប្រវែង 12 ម៉ែត្រ
-ងឿ 5 សន្លឹកនិងឈើមួយចំនួនទៀត
រួមនិងសម្ភារៈព្រមទាំងកុដិមួយខ្នងត្រូវខូចខាតទាំងស្រុង។