(កំពង់ធំ)៖ឯកឧត្តមបណ្ឌិត ហេង សំណាង អនុប្រធានក្រុមការងារចុះមូលដ្ឋានស្រុកប្រាសាទបល្ល័ង្ក  និងជាប្រធានក្រុមការងារចុះមូលដ្ឋានឃុំទួលគ្រើលថ្ងៃទី៣១ ខែឧសភា ឆ្នាំ២០២៦ បានអញ្ជើញជាអធិបតីនាំយកថវិកាលោកអ្នកឧកញ៉ាបណ្ឌិត ទ្រី ភាព និងលោកជំទាវ ផ្តល់ជូនគូរស្រករថ្មីចំនួន១១គូរ ក្នុងឃុំទួលគ្រើល ស្រុកប្រាសាទបល្ល័ង្ក។
 
ឯកឧត្តមបណ្ឌិតបញ្ចាក់ថាសកម្មភាពមនុស្សធម៌ និងការជួយជ្រោមជ្រែងសង្គមពីសំណាក់ថ្នាក់ដឹកនាំ ឬសប្បុរសជន ក្នុងកម្មវិធីរៀបអាពាហ៍ពិពាហ៍សមូហភាព (ការរៀបការរួមគ្នា) ជូនដល់ប្រជាពលរដ្ឋ គោលបំណងសំខាន់ៗនៃកាយវិការដ៏ប្រពៃរបស់លោកអ្នកឧកញ៉ាបណ្ឌិត ទ្រី ភាព និងលោកជំទាវ ក្នុងការឧបត្ថម្ភថវិការៀបអាពាហ៍ពិពាហ៍ចំនួន ១១ គូ ដល់ប្រជាពលរដ្ឋក្នុងឃុំទួលគ្រើលដើម្បី កាត់បន្ថយការចំណាយ និងសម្រាលបន្ទុកជីវភាព សកម្មភាពនេះឆ្លុះបញ្ចាំងពីទឹកចិត្តសប្បុរសធម៌ វប្បធម៌ចែករំលែក និងការយកចិត្តទុកដាក់ខ្ពស់ពីសំណាក់ថ្នាក់ដឹកនាំចំពោះសុខទុក្ខ និងជីវភាពរស់នៅរបស់ប្រជាពលរដ្ឋមូលដ្ឋានផ្ទាល់ដើម្បីបង្កើតស្នាមញញឹម និងក្តីសង្ឃឹមថ្មីដល់ពួកគេ។

ឯកឧត្តមបណ្ឌិតបន្តថានេះការពង្រឹងសាមគ្គីភាព និងភាពសុខដុមរមនាក្នុងសង្គមនិងបង្កើតនូវបរិយាកាសសប្បាយរីករាយ   ភាពស្និទ្ធស្នាល រវាងប្រជាពលរដ្ឋ និងថ្នាក់ដឹកនាំ ព្រមទាំងរវាងអ្នកភូមិផងរបងជាមួយគ្នាកាន់តែខ្លាំងក្លាថែមទៀតផង។
 
គួរបញ្ជាក់ថាសម្រាប់ប្រជាពលរដ្ឋក្នុងស្រុកប្រាសាទបល្ល័ង្ក ពេលរៀបគូរស្រក​លោកអ្នកឧកញ៉ាបណ្ឌិត ទ្រី ភាព និងលោកជំទាវ បានចូលរួមចងដៃក្នុងមួយគូរ ថវិកា១០០$ និងចូលរួមបុណ្យសព ៥០$ អង្ករ ៥០គីឡូក្រាម។