7.07.2021តាកែវ: ថ្មីៗនេះមហាជនមួយចំនួនបានលើកឡើងដោយចំៗថា: ម្ចាស់សង្វៀនជល់មាន់ ឈ្មោះប៊ី និងបក្សពួកម្នាក់ទៀតឈ្មោះពន្លក បានកំពុងតែធ្វើសកម្មភាពបើកសង្វៀនជល់មាន់បង្កប់នូវល្បែងស៊ីសងមួយចំនួនទៀតបានប្រព្រឹត្តទៅយ៉ាងរលូន សង្ស័យថាមានការបើកភ្លើងខៀវពីអាជ្ញាធរសមត្ថកិច្ចថ្នាក់មូលដ្ឋាន ស្រុក ថ្នាក់ខេត្ត ហើយមើលទៅទើបបានជាសង្វៀនមួយនេះ ប្រព្រឹត្តទៅយ៉ាងសកម្មនិងដូចភ្លៀងរលឹម។ ចំពោះករណីខាងលើនេះត្រូវបានមហាជនរិះគន់ដោយចំៗថា:ប្រហែលជាអជ្ញាធរ មានសមត្ថកិច្ច ថ្នាក់ស្រុក ថ្នាក់ខេត្ត បានសើមមាត់សើម.ក.នឹងត្រូវដងត្រូវផ្លែមើលមិនឃើញដោយសារដុល្លារបាំងភ្នែកហើយមើលទៅ?មហាជនមួយចំនួនទៀតបន្ថែមថាប្រហែលជាម្ចាស់សង្វៀនជល់មាន់និងបៀអាប៉ោងឈ្មោះប៊ី និងគូរកន ឈ្មោះពន្លក មានខ្សែឬខ្នងក្រាស់ហើយទើបបានជាមិនមានអាជ្ញាធរមានសមត្ថកិច្ចថ្នាក់ស្រុកខេត្តរូបណាហ៊ានបង្ក្រាបទៅលើម្ចាស់សង្វៀនជល់មាន់ខាងលើនេះ។ ប្រភពព័ត៌មានបានឲ្យដឹងផងដែរថា: បច្ចុប្បន្នសង្វៀនជល់មាន់ខាងលើនេះបានធ្វើការបើកភ្នាល់ស៊ីសងជារៀងរាល់ថ្ងៃដោយមិនខ្លាចញញើតនឹងច្បាប់បន្តិចសោះឡើយ។ក្រៅពីនេះទៀតក៏មានការរំខានពីសំណាក់អ្នកញៀនល្បែងផងដែរចំពោះការ ហ៊ោកញ្ច្រៀវអឹងកងដែលជាការរំខានចំពោះដល់ពួកគាត់និងការដេក ក្រោយពីសម្រាកការងារផងដែរ។ ករណីខាងលើនេះក៏ជាកត្តាដែលប៉ះពាល់យ៉ាងខ្លាំងផងដែរពីសំណាក់ក្រុមអ្នកញៀនល្បែង ដែលបង្កនូវអសន្តិសុខសង្គមក៏ដូចជា: ភូមិឃុំសុវត្តិភាព ហើយជាហានិភ័យដល់សង្គមជាតិខ្លាំងបំផុតដែលបង្កកើតមានឡើងដូចជាការប្រើហិង្សាទៅលើគ្រួសារ អំពើឆក់.ប្លន់.លួច.បញ្ចាំ.លក់ នឹងឈានទៅដល់ការកាប់សម្លាប់ និងធ្វើចំណាកស្រុកមួយចំនួនផងដែរក្នុងសង្គមរស់នៅបច្ចុប្បន្នភាពនេះ។សមដូចសុភាសិតខ្មែរពោលថា:(ឈ្នះល្បែងទិញរបស់ចាញ់ល្បែងអស់លក់របស់លេងល្បែង)។ យោងតាមអនុសាសន៍របស់សម្ដេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា:តំបន់ណាមានបើកបនល្បែងស៊ីសង ប្រព្រឹត្តអំពើពុករលួយ គឺតំបន់នោះត្រូវទទួលខុសត្រូវ អភិបាលនៃគណៈអភិបាលស្រុក ក៏ដូចជាអភិបាលនៃគណៈអភិបាល ខេត្ត ដោះស្រាយដោយខ្លួនឯងឱ្យបាន ប្រសិនណាបំបាត់អំពើពាលាអាវាសែនោះមិនបានទេត្រូវ ប្ដូរឲ្យអ្នកប្រព្រឹត្តទាំងនោះឡើងមកធ្វើអភិបាលស្រុក អភិបាលខេត្តជំនួសវិញ ប្រហែលជាយល់ឃើញបែបនេះហើយទើបបានជាឈ្មោះ ប៊ី និងគូរកនម្នាក់ទៀតឈ្មោះពន្លក ហ៊ានបើកបនល្បែងនេះដើម្បីចង់ឡើងធ្វើជាអភិបាលស្រុក អភិបាលខេត្ត ជំនួសហើយមើលទៅ ?។ ចំពោះសង្វៀនជល់មាន់និងបង្កប់នូវល្បែងមួយចំនួនខាងលើនេះពលរដ្ឋរួម នឹង មហាជនមួយចំនួនសុំធ្វើការសំណូមពរដល់លោក អ៊ូចភា អភិបាលនៃគណៈអភិបាលខេត្តតាកែវ ដែលតែងតែយកចិត្តទុកដាក់ចំពោះបងប្អូនប្រជាពលរដ្ឋនិងដែលតែងតែមានវិធានការយ៉ាងហ្មត់ចត់ មុឹងម៉ាត់ សុំឱ្យលោកមេត្តាពិនិត្យមើលនិងមានវិធានការនិងចំណាត់ការចំពោះម្ចាស់សង្វៀនជល់មាន់និងល្បែងស៊ីសងខាងលើនេះផង។ សុំបញ្ជាក់ផងដែរថាចំពោះករណីខាងលើនេះត្រូវបានកើតឡើងក្នុងចំណុចភូមិសាស្ត្រខាងលិចទំនប់ជ្រៃរោងចម្ងាយ 100 ម៉ែត្រ ស្ថិតក្នុងភូមិតាតៃ ឃុំញ៉ែងញ៉ង ស្រុកត្រាំកក់ ខេត្តតាកែវ។ក្នុងករណីខាងលើនេះ អង្គភាពរបស់យើងខ្ញុំរងចាំការស្រាយបំភ្លឺ ពីអង្គសាមីរៀងរាល់ម៉ោងធ្វើការ។ ដោយ: សហការីvoj
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា