(កំពង់ធំ)÷ នៅរសៀលថ្ងៃទី០៨ ខែធ្នូ ឆ្នាំ២០២៣ លោក ឡាយ ស៊ីលី អភិបាលរងស្រុក តំណាងលោក សាយ គឹមឡម អភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកស្ទោង អញ្ជើញចុះសួរសុខទុក្ខ និងចែកអំណោយអនុសាខាកាកបាទក្រហមកម្ពុជាស្រុកស្ទោង ជូនដល់ប្រជាពលរដ្ឋ ដែលមានជីវភាពក្រីក្រប្រមាណ០៩គ្រួសារនៅក្នុងឃុំកំពង់ចិនត្បូង ស្រុកស្ទោង ខេត្តកំពង់ធំ ។ ទាំងនេះសបញ្ជាក់ឃើញពីការយកចិត្តទុកដាក់របស់លោក សាយ គឹមឡម ក្នុងការឆ្លើយតបទៅនឹងតម្រូវការជាក់ស្ដែង ភាពខ្វះខាតខាងជីវភាព និងបន្ទាន់ ជាពិសេសអ្នកដែលមានពិការភាព ពុំចេញទៅប្រកបមុខរបរអ្វីបាននោះឡើយ ដើម្បីផ្គត់ផ្គង់ជីវភាពពួកគាត់បានមួយកំរិតផងដែរ។ ជាមួយគ្នានេះលោក ឡាយ ស៊ីលី ក៏បានណែនាំដល់រដ្ឋបាលឃុំកំពង់ចិនត្បូង ត្រូវបង្កើនការយកចិត្តទុកដាក់ដល់សុខុមាលភាពបងប្អូនប្រជាពលរដ្ឋដែលមានជីវភាពខ្វះខាត និងមានពិការភាព ឬរាយការណ៍ជាបន្ទាន់មករដ្ឋបាលស្រុកស្ទោង ដើម្បីជួយសង្គ្រោះពួកគាត់ឱ្យបានទាន់ពេលវេលា សូមផ្ដាំផ្ញើដល់បងប្អូនប្រជាពលរដ្ឋទាំងអស់ត្រូវយកចិត្តទុកដាក់ខ្ពស់ក្នុងការថែរក្សាសុខភាពផ្ទាល់ខ្លួន ខិតខំដាំដុះដំណាំបន្លែបន្ទាប់បន្សុំជាលក្ខណៈគ្រួសារ ជាប្រភេទដំណាំបន្លែសរីរាង្គ មិនប្រើប្រាស់សារធាតុជំនួយឬសាធាតុគីមី ដែលអាចប៉ះពាល់ធ្ងន់ធ្ងរដល់សុខភាព នៅតាមជុំវិញគេហដ្ឋាន ដើម្បីទ្រទ្រង់សុខភាពក៏ដូចជាសេដ្ឋកិច្ចគ្រួសារឲ្យកាន់តែប្រសើរឡើង ហើយក៏បានថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំអនុសាខាកាកបាទក្រហមកម្ពុជា គ្រប់លំដាប់ថ្នាក់ ដែលតែងតែយកចិត្តទុកដាក់ដល់ជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋគ្រប់មូលដ្ឋាន។ ជាចុងក្រោយលោកអភិបាលរងស្រុកស្ទោង ក៏បានជំរុញបន្ថែមដល់ លោកគ្រូអ្នកគ្រូ លោកនាយក សិស្សានុសិស្ស មិត្តភក្កិ សូមជួយលើកទឹកចិត្ត ឧបត្ថម្ភគាំទ្រ និងនាំកុមារី ម៉ុក សុឃីម ដែលមានពិការភាពជាប់ខ្លួន ឲ្យបានបន្តការសិក្សារៀនសូត្រនៅសាលារៀនឲ្យបានទៀងទាត់ និងអស់លទ្ធភាពជាក់ស្ដែងផងដែរ។ គួរបញ្ជាក់ផងដែរថា បងប្អូនប្រជាពលរដ្ឋទាំង០៩គ្រួសារ ក្នុងមួយគ្រួសារៗ ទទួលបាននូវ÷ អង្ករ០១បេ មី០១កេស ត្រីខ០១យួរ ទឹកស៊ីអ៊ីវ០១យួរ និងទឹកត្រី០១យួរ ផងដែរ ។ ដោយឡែកកុមារីដែលមានពិការ ភាពទទួលបានបន្ថែមនូវគ្រឿងឧបភោគបរិភោគសម្ភារៈប្រើប្រាស់មួយចំនួននិងថវិកា ១០០.០០០រៀល ដែលជាអំណោយរបស់លោក សាយ គឹមឡម អភិបាលស្រុកស្ទោងផ្ទាល់៕
ព័ត៌មានគួរចាប់អារម្មណ៍
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
វីដែអូ
ចំនួនអ្នកទស្សនា