ថ្ងៃព្រហស្បតិ៍ ទី១៣ ខែមិថុនា ឆ្នាំ២០៥០
គេហទំព័រ សម្រែកយុត្តិធម៌
សមាគមអ្នកសារព័ត៏មានចូលរួមសិក្ខាសាលាស្ដីពីស្វ័យនិងសហនិយ័តកម្មនិងច្បាប់ស្ដីពីរបបសារព័ត៌មាន
Fri,31 March 2023 (Time 06:41 PM)
ដោយ ៖ vojhotnews (ចំនួនអ្នកអាន: 309នាក់)

ភ្នំពេញ នាព្រឹកមិញនេះ សមាគមអ្នកសារព័ត៏ចំនួន20បានចូលរួមសិក្ខាសាលាដោយរៀបចំដោយកិច្ចសហប្រតិបត្តិការរបស់ (Center for law and democracy) រួមជាមួយដៃគូរអង្គការ (Unesco) និងលោក Toby Mendel នាយកប្រតិបត្តិនៃមជ្ឈមណ្ឌលច្បាប់ និងលទ្ធិប្រជាធិបតេយ្យ ដែលជាអង្គការសិទ្ធិមនុស្សអន្តរជាតិដែលមានមូលដ្ឋានប្រទេសកាណាដា បានផ្ដល់នូវវគ្គសិក្ខាកាមជំនាញផ្នែកច្បាប់ និងពង្រឹងសមាសភាពទាក់ទងនឹងសិទ្ធិជាមូលដ្ឋានសេរីភាពនៃការបញ្ចេញមតិ បានបើកវគ្គសិក្ខាកាមមួយ ស្ដីពីស្វ័យ និងសហនិយ័តកម្ម និងច្បាប់ស្ដីពីរបបសារព័ត៌មាន ដែលប្រព្រឹត្តទៅនៅសណ្ឋាគារ Palace  Gete hotel និង resort ភ្នំពេញ ។
   ក្នុងនោះដែរ លោក Toby Mendel បានលើកឡើងថា: ក្នុងវគ្គសិក្ខាការនេះបង្កើតឡើងក្នុងគោលបំណង ដើម្បីឲ្យសិក្ខាកាមចូលរួមទាំងអស់ស្វែងយល់ពីប្រព័ន្ធបណ្ដឹងប្រកបដោយវិជ្ជាជីវៈ សម្រាប់ប្រព័ន្ធផ្សព្វផ្សាយ និងត្រូវបានទទួលស្គាល់ថា ជាមធ្យោបាយមួយដ៏ល្អដែលវាមិនត្រឹមតែជួយលើកកម្ពស់វិជ្ជាជីវៈដល់ប្រព័ន្ធផ្សព្វផ្សាយទាំងឡាយប៉ុណ្ណោះទេ វាក៏ផ្ដល់ជាដំណោះស្រាយទៅដល់ប្រជាពលរដ្ឋទូទៅផងដែរ។
   មិនតែប៉ុណ្ណោះសោត ល័ក្ខខណ្ឌសំខាន់ៗដែលពាក់ព័ន្ធជាងនេះទៅទៀត វាមានភាពឯករាជ្យយ៉ាងរឹងមាំ ពីរាជរដ្ឋាភិបាលវាបានកំណត់បទដ្ឋានវិជ្ជាជីវៈសមរម្យសម្រាប់ប្រព័ន្ធផ្សព្វផ្សាយ ដែលជាធម្មតាអាចក្នុងរូបភាពជាក្រមសីលធម៌ប្រតិបត្តិ ឬឯកសារស្រដៀងគ្នា វាផ្ដល់ជាមធ្យោបាយក្នុងការដោះស្រាយ បណ្ដឹងតវ៉ាប្រកបដោយយុត្តិធម៌ ហើយក៏ជាការដាក់ទណ្ឌកម្មចំពោះការរំលោភបំពាន ពីបទដ្ឋាន ឬក្រមសីលធម៌ គឺមានលក្ខណៈស្រាលជាធម្មតាអាចក្នុងរូបភាពជាការព្រមានជាសាធារណៈ ឬតម្រូវឲ្យមានសេចក្តីថ្លែងការណ៍ទទួលស្គាល់ពីការបំពាននោះផងដែរ។
   លោក Toby Mendel បន្តឱ្យដឹងទៀតថា: ប្រព័ន្ធនិយ័តកម្មដែលមានវិជ្ជាជីវៈទាំងនេះអាចត្រូវបានបែងចែកជាបីប្រភេទគឺ: ស្វ័យនិយ័តកម្ម  សហនិយ័តកម្ម និងប្រព័ន្ធច្បាប់ ។ស្វ័យនិយ័តកម្មត្រូវបានស្គាល់ក្នុងល័ក្ខខណ្ឌមួយដែលវាត្រូវបានបង្កើតឡើងទាំងស្រុងដោយប្រព័ន្ធផ្សព្វផ្សាយ ឬវិស័យព័ត៌មាន ឬដោយស្ថាប័នសារព័ត៌មានណាមួយ  ហើយដែលឈរលើមូលដ្ឋានស្ម័គ្រចិត្តទាំងស្រុង។ហើយប្រព័ន្ធទាំងនេះត្រូវបានបង្កើតឡើងដោយច្បាប់ ហើយខុសពីប្រព័ន្ធសហនិយ័តកម្ម មិនតែប៉ុណ្ណោះប្រព័ន្ធនិយ័តកម្មនេះមិនគិតគូរពីតួនាទីស្នូលរបស់តួអង្គប្រព័ន្ធផ្សព្វផ្សាយទេ។
   លោកបានបញ្ជាក់បន្ថែមថា: សិក្ខាសាលានេះផ្ដោតទៅលើបញ្ហាកំណែទម្រង់ច្បាប់របបសារព័ត៌មានកម្ពុជាឆ្នាំ 1995 ចាត់តាំងពីច្បាប់នេះត្រូវបានអនុម័តបរិយាកាសប្រព័ន្ធផ្សព្វផ្សាយត្រូវបានផ្លាស់ប្ដូរយ៉ាងខ្លាំង ដោយសារការវិវត្តយ៉ាងឆាប់រហ័ស របស់បច្ចេកវិទ្យាវិ ដែលវាបានពាំនាំមកនូវវិធីសាស្រ្តថ្មីៗទាំងស្រុង ក្នុងការយកព័ត៌មាននិងការចែកចាយខ្លឹមសារក៏ដូចជា បរិយាកាសសេដ្ឋកិច្ចដែលមានការផ្លាស់ប្ដូរសម្រាប់ប្រព័ន្ធផ្សាយផងដែរ។ខណៈពេលដែលច្បាប់របបសារព័ត៌មានបច្ចុប្បន្នមានចំណុចខ្លាំងៗសំខាន់ៗមួយចំនួនស្របតាមទស្សនៈនៃច្បាប់អន្តរជាតិដែលធានានូវសេរីភាពនៃការបញ្ចេញមតិ ក៏មានផ្នែកមួយចំនួននៃច្បាប់នេះ ទាមទារឲ្យមានការធ្វើឲ្យល្អប្រសើរឡើងផងដែរ និងលើសពីនេះទៀតរាជរដ្ឋាភិបាលកម្ពុជា កំពុងពិចារណាលើកំណែទម្រង់ច្បាប់សារព័ត៌មានដូច្នេះវាមានសារៈសំខាន់ណាស់សម្រាប់សមាជិកសមាជិកានៃសមាគមសារព័ត៌មាន ដែលត្រូវស្វែងយល់បន្ថែមពីចំណុចខ្លាំង និងចំណុចខ្សោយផងនោះដែរ៕
  
ដោយសហការី VOJ

ព័ត៌មានគួរចាប់អារម្មណ៍

លោក ស សុខា បង្កើត​គណៈកម្មការ​ស៊ើបអង្កេត​ករណី​ដោះលែង​ជនជាតិ​ចិន​៨​នាក់​លួច​ឆ្លងដែន​ចូល​ខេត្ត​ស្ទឹងត្រែង! (vojhotnews)

ព័ត៌មានគួរចាប់អារម្មណ៍

រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)

ព័ត៌មានគួរចាប់អារម្មណ៍

កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)

ព័ត៌មានគួរចាប់អារម្មណ៍

សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)

ព័ត៌មានគួរចាប់អារម្មណ៍

កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)

វីដែអូ

ចំនួនអ្នកទស្សនា

ថ្ងៃនេះ :
28 នាក់
ម្សិលមិញ :
286 នាក់
សប្តាហ៍នេះ :
939 នាក់
ខែនេះ :
3610 នាក់
3 ខែនេះ :
20375 នាក់
សរុប :
561607 នាក់